2060లో ప్రపంచం అంతం కానుందా? ఐజాక్ న్యూటన్ లేఖ వైరల్!

ప్రముఖ గణిత శాస్త్రజ్ఞుడు, భౌతిక శాస్త్రవేత్త సర్ ఐజాక్ న్యూటన్ గురించి తెలియనివారుండరు. గణిత శాస్త్రవేత్త అయిన న్యూటన్.. క్రమంగా సైన్స్ పట్ల ఆకర్షితులై.. చివరకు గురుత్వాకర్షణ సిద్ధాంతాన్ని ప్రపంచానికి తెలియజేశారు. గురుత్వాకర్షణ అనేది ఒక బలం అని.. అది కేవలం భూమికే పరిమితం కాదనీ, అది విశ్వవ్యాప్తమనీ మొట్టమొదటి సారిగా గుర్తించి, గణితపరంగా సూత్రీకరించారు ఐజాక్ న్యూటన్. అయితే.. న్యూటన్ 1704లో ప్రపంచం అంతం గురించి రాసిన లేఖ బయటకు వచ్చింది. న్యూటన్ లేఖ ప్రకారం.. 2060 నాటికి ప్రపంచం అంతం అన్నది సారాంశం.

ప్రపంచం అంతం ఎప్పుడా అనేది వేలాది సంవత్సరాలుగా అందరి మదిని తొలిచివేస్తున్న ప్రశ్న. 2012 డిసెంబరులో ప్రపంచం అంతమైపోతుందని అప్పట్లో భారీగా ప్రచారం జరిగింది. కానీ, అది నిజం కాలేదు. మాయన్ క్యాలెండర్ ప్రకారం ప్రపంచం 2020 జూన్ 21న ముగుస్తుందని సూచించింది. దేవుని దయవల్ల అది నిజం కాలేదు. అంతకు ముందు 2003లోనూ ఇదే తరహా వాదనలు వినిపించాయి. అవికూడా అబద్ధమేనని తేలిపోగా ఇటీవల 2050లో భూమండలంపై ఒక మహాప్రళయం సంభవించి ‘డూమ్స్ డే’క్యాలెండర్ల ప్రాతిపదికన యుగాంతం జరుగుతుందని మరో ప్రచారం ఉంది.సర్ ఐజాక్ న్యూటన్ తన చివరి లేఖలలో ప్రపంచ ముగింపు గురించి ప్రస్తావించారు. ప్రపంచం అంతం కోసం ఒక సూత్రాన్ని కూడా వివరించిన న్యూటన్.. 1704లోనే ఈ అంచనా వేశారు. అంచనాలతో పాటు సూచన కూడా చేసిన లేఖ ఒకటి ఆయన నివాసంలో లభ్యమయ్యింది. ‘1643లో జన్మించిన న్యూటన్.. 1727లో కన్నుమూశారు’.

In 1704, Sir Isaac Newton, one of the greatest scientists to ever live, predicted the world would end in 2060. pic.twitter.com/WvNaDqOC8r

— WTF Facts (@mrwtffacts) March 17, 2022

న్యూటన్ ప్రపంచం అంతాన్ని ఇలా లెక్కించాడు..

“ఒక వ్యక్తి తాను శాశ్వతంగా జీవిస్తానని అనుకుంటే.. అది మూర్ఖత్వం. ఎపుడో ఒకసారి మరణించక తప్పదు. అలాగే.. ఈ భూమికి కూడా ఒక రోజు ముగుస్తుంది. ప్రపంచంలో ఉన్న ప్రతిదీ కొంతకాలం మాత్రమే ఉంటుంది. ఆ తర్వాత కనిపించదు. దీని ఆధారంగా న్యూటన్ ప్రపంచ అంతాన్ని లెక్కించాడు. ‘‘భూమ్మీద తక్కువ జీవితకాలం ఉన్న జంతువుల ఆయువు 1260 రోజులు.. క్రీ.శ. 800 సంవత్సరం ముగ్గురు రాజుల కాలం నుంచి క్రీ.శ. 2060లో ప్రపంచం ముగుస్తుంది.. లేదా తరువాత ముగియవచ్చు, కానీ ముందుంగా అంతానికి నాకు ఎటువంటి కారణం కనిపించడం లేదు’’ అని రాశారు.ఈ సమయానికి ప్రపంచం అంతం కాకపోయినా.. దాని విధ్వంసం ప్రారంభమవుతుందని ఆయన లెక్కల సారాంశం. న్యూటన్ గురించి సారా డ్రై పేపర్స్ రాసిన పుస్తకంలో ఈ లేఖను ప్రచురించారు. ఈ పుస్తకంలో న్యూటన్ తన జీవితంలో 10,000 నోట్లు, లేఖలు రాసినట్లుగా తెలిపారు. 1936లో అతని నోట్స్, లేఖలు వేలం వేశారు. అయితే, ఫ్లోరియన్ ఫ్రీస్టెటర్ అనే రచయిత తన పుస్తకంలో ఐజాక్ న్యూటన్‌ను ఓ ‘వింత, విచిత్రం’ అని వర్ణించారు.

ఇక, న్యూటన్ అంచనాలను పక్కనబెడితే.. కరోనా మహమ్మారి దెబ్బకు ప్రపంచం అతలాకుతలం అవ్వడం, కొత్త వేరియంట్‌లు పుట్టుకొచ్చి మానవాళిపై విరుచుకుపడటం వంటివి చూస్తే న్యూటన్ చెప్పింది నిజమే అవుతుందేమో అని నమ్మక తప్పదు.