మరో సంచలన నిర్ణయం తీసుకున్న విరాట్ కోహ్లీ

స్పోర్ట్స్ డెస్క్- విరాట్ కోహ్లీ ఒకటి తరువాత మరకటి అనూహ్య నిర్ణయాలు తీసుకుంటున్నారు. టీ20 వరల్డ్‌ కప్‌ తర్వాత టీమిండియా పొట్టి ఫార్మాట్‌ జట్టు కెప్టెన్సీ నుంచి వైదొలగనున్నట్టు మొన్న ప్రకటించి సంచలనం సృష్టించారు కోహ్లీ. ఈ నిర్ణయం నుంచి అభిమానులు తేరుకోకముందే విరాట్ అలాంటి అనూహ్య నిర్ణయమే మరొకటి తీసుకున్నారు. ఐపీఎల్‌ 14వ సీజన్‌ ముగిశాక రాయల్‌ చాలెంజర్స్‌ బెంగళూరు సారథ్యం నుంచి కూడా తప్పుకోనున్నట్టు విరాట్ కోహ్లీ ప్రకటించారు.

తన నిర్ణయాన్ని బెంగళూరు ఫ్రాంచైజీ యాజమాన్యానికి తెలియజేసినట్టు కూడా కోహ్లీ తెలిపారు. ఈ నూహ్య నిర్ణయానికి సంబందించి విరాట్‌ కోహ్లీ మాట్లాడిన వీడియోను రాయల్‌ చాలెంజర్స్‌ బెంగళూరు తన ట్విటర్‌ ఖాతాలో పోస్ట్‌ చేసింది. ఈ వీడియోలో కోహ్లీ ఏంచెప్పారంటే..ఆర్‌సీబీ ఫ్యామిలీ, ఏళ్లుగా బెంగళూరు జట్టుకు అండగా నిలుస్తున్న అద్భుతమైన ఫ్యాన్స్‌కు ఓ విషయం చెప్పదలుచుకున్నా.. ఈరోజు సాయంత్రం ఐపీఎల్‌ రెండో దశ ప్రారంభానికి ముందు నా జట్టు సహచరులతో మాట్లాడా.. కెప్టెన్‌గా ఇది నా ఆఖరి ఐపీఎల్‌.. అని అన్నారు.

సారథ్యం నుంచి తప్పుకోవాలని కొంతకాలంగా అనుకుంటున్నా.. ఈ విషయాన్ని జట్టు యాజమాన్యానికి సైతం తెలియజేశా.. ప్రపంచ కప్‌ తర్వాత భారత టీ20 జట్టు నాయకత్వ బాధ్యతల నుంచి తప్పుకొంటున్నట్టు ఇటీవల ప్రకటించిన విషయం మీకు తెలుసు.. వర్క్‌లోడ్‌ను తగ్గించుకొని, పునరుత్తేజం పొందడం ద్వారా కొత్త శక్తితో ఎలా ముందుకు సాగాలో నిర్ణయించుకున్నా.. వచ్చే ఏడాది భారీ స్థాయిలో వేలం జరగనుండడంతో ఆర్‌సీబీ జట్టు పరివర్తన దిశగా సాగనుంది.. అని చెప్పారు.

అయితే ఐపీఎల్‌లో నా చివరి మ్యాచ్‌ వరకూ ఆర్‌సీబీతోనే ఉంటానని యాజమాన్యానికి స్పష్టంజేశా.. కెప్టెన్‌గా జట్టుతో నా తొమ్మిదేళ్ల పయనం అద్భుతంగా సాగింది.. ఈక్రమంలో నాకు మద్దతుగా నిలిచిన వారికి హృదయపూర్వక ధన్యవాదాలు.. ఆర్‌సీబీతో నా పయనంలో ఇదో చిన్న హాల్ట్‌ మాత్రమే.. కానీ గత కొన్ని సంవత్సరాల మాదిరే భవిష్యత్తులో ఈ జట్టుతో నా అనుబంధం కొనసాగుతుంది.. అని చెప్పుకొచ్చారు విరాట్ కోహ్లీ. ఏదేమైనా విరాట్ ఈ నిర్ణయం అభిమానుల్లో కొంత నిరాశ కలిగిస్తోందని చెప్పక తప్పడం లేదు.

Virat Kohli to step down from RCB captaincy after #IPL2021

“This will be my last IPL as captain of RCB. I’ll continue to be an RCB player till I play my last IPL game. I thank all the RCB fans for believing in me and supporting me.”: Virat Kohli#PlayBold #WeAreChallengers pic.twitter.com/QSIdCT8QQM

— Royal Challengers Bangalore (@RCBTweets) September 19, 2021