వీడియో: నెట్స్‌లో బాబర్‌, రిజ్వాన్‌, విరాట్‌ కోహ్లీ బ్యాటింగ్‌ ప్రాక్టీస్‌!

భారత్‌-పాకిస్థాన్‌ మ్యాచ్‌ కోసం యావత్‌ క్రికెట్‌ ప్రపంచం మొత్తం ఒళ్లంతా కళ్లు చేసుకుని ఎదురుచూస్తోంది. ఇటివల ఆసియా కప్‌ 2022లో రెండు మ్యాచ్‌ల్లో తలపడిన ఈ దాయాదులు.. చెరో మ్యాచ్‌లో గెలిచి లెక్క సరి చేసుకున్నారు. కానీ.. అంతకంటే ముందు గతేడాది జరిగిన టీ20 వరల్డ్‌ కప్‌ 2021లో పాకిస్థాన్‌ చేతిలో టీమిండియా ఓడింది. దానికి ప్రతీకారం తీర్చుకోవాలని టీ20 వరల్డ్‌ కప్‌ 2022లో ఈ నెల 23న జరిగే మ్యాచ్‌ కోసం ఎదురుచూస్తోంది. అప్పటి వరకు వరల్డ్‌ కప్‌ వేదికలపై భారత్‌పై ఎప్పుడూ గెలవని పాక్‌.. 2021 టీ20 వరల్డ్‌ కప్‌లో గెలిచి చరిత్ర సృష్టించింది. ఆ విజయాన్ని ఈ వరల్డ్‌ కప్‌లో కూడా కొనసాగించాలని భావిస్తుంది. ఇలా ఎవరీ దారిలో వారు ఆదివారం మ్యాచ్‌ కోసం రెడీ అవుతున్నారు. కానీ.. ఆశ్చర్యకరంగా ఇరుదేశాల ఆటగాళ్లు ఒకే చోట ప్రాక్టీస్‌ చేస్తున్నారు.

టీమిండియా మాజీ కెప్టెన్‌ విరాట్‌ కోహ్లీతో పాటు పాకిస్థాన్‌ కెప్టెన్‌ బాబర్‌ అజమ్‌, వికెట్‌ కీపర్‌ కమ్‌ ఓపెనర్‌ రిజ్వాన్‌ ఒకే చోట పక్కపక్క నెట్స్‌లోనే ప్రాక్టీస్‌ చేస్తున్నారు. ప్రస్తుతం వీరి ప్రాక్టీస్‌కి సంబంధించిన వీడియో సోషల్‌ మీడియాలో వైరల్‌గా మారింది. ప్రత్యర్థికి కలిసి ప్రాక్టీస్‌ చేయడం విశేషంగా మారింది. కాగా.. 23న మెగా ఫైట్‌కు ముందు టీమిండియా.. న్యూజిలాండ్‌తో ఒక వామప్‌ మ్యాచ్‌ ఆడనుంది. ఇప్పటికే సోమవారం ఆస్ట్రేలియాతో జరిగిన వామప్‌ మ్యాచ్‌లో టీమిండియా 6 పరుగుల తేడాతో ఘన విజయం సాధించింది. చేజారి పోతున్న మ్యాచ్‌ను విరాట్‌ కోహ్లీ తన స్టన్నింగ్‌ ఫీల్డింగ్‌తో, మొహమ్మద్‌ షమీ తన సూపర్‌ బౌలింగ్‌తో మ్యాచ్‌ను గెలిపించారు.

ఇక పాకిస్థాన్‌ కూడా ఇంగ్లండ్‌తో వామప్‌ మ్యాచ్‌ ఆడింది. కానీ.. ఆ మ్యాచ్‌లో పాక్‌ చిత్తుగా ఓడింది. కాగా.. ఈ మ్యాచ్‌లో పాక్‌ కెప్టెన్‌ బాబర్‌ అజమ్‌తో పాటు రిజ్వాన్‌ కూడా బరిలోకి దిగలేదు. మరి రెండో వామప్‌ మ్యాచ్‌లో బరిలోకి దిగే అవకాశం ఉంది. నెట్స్‌లో చెమటలు చిందిస్తున్న విరాట్‌ కోహ్లీ, బాబర్‌ అజమ్‌, రిజ్వాన్‌ ముగ్గురికి ముగ్గురూ మంచి ఫామ్‌లో ఉన్నారు. ఆస్ట్రేలియాతో వామప్‌ మ్యాచ్‌లో కోహ్లీ కేవలం 19 పరుగులే చేసినా.. ఒక ఫోర్‌, ఒక సిక్స్‌తో మంచి టచ్‌లో కనిపించాడు. అంతకు ముందు వెస్టర్న్‌ ఆస్ట్రేలియాతో జరిగిన రెండు ప్రాక్టీస్‌ మ్యాచ్‌ల్లో కోహ్లీ బరిలోకి దిగలేదు. నేరుగా ఆస్ట్రేలియాతో మ్యాచ్‌తోనే బ్యాటింగ్‌కు వచ్చాడు. మరీ న్యూజిలాండ్‌తో మ్యాచ్‌లో చెలరేగుతాడేమో చూడాలి.

The way Babar Azam looks at Virat Kohli 👀 Virat ✖️ Babar net session together! 🇮🇳🇵🇰 #ViratKohli𓃵 #BabarAzam #SportsYaari pic.twitter.com/VjriVF6TTH

— Sushant Mehta (@SushantNMehta) October 17, 2022

• ఇది కూడా చదవండి: అతనో అద్భుతమైన క్రికెటర్‌! టీమిండియా ఆటగాడిపై పాంటింగ్‌ ప్రశంసలు