RR vs KXIP match: రాస్ టేలర్ చెంపలు వాయించిన RR ఓనర్‌.. ఎందుకో తెలుసా?

న్యూజిలాండ్ మాజీ క్రికెటర్ రాస్ టేలర్ అంతర్జాతీయ క్రికెట్ కు రిటైర్మెంట్ ప్రకటించిన విషయం అందరకి తెలిసిందే. ఈ క్రమంలో తన 16 ఏళ్ల సుదీర్ఘ క్రికెట్ కెరీర్ లో ఏమేం జరిగాయో అందరకి తెలిసేలా.. ‘బ్లాక్‌ అండ్‌ వైట్‌’ పేరుతో తన ఆత్మకథను రాసుకొచ్చాడు టేలర్. అందులో తనకు జరిగిన అవమానాలన్నిటిని పూసగుచ్చినట్లు వివరించాడు. నిన్నటి దాకా జాత్యాంకార వ్యాఖ్యలు, తోటి ఆటగాళ్ల అవహేలళనలు బయటపెట్టిన టేలర్.. ఇప్పుడు మరో సంచలన విషయాన్ని వెలుగులోకి తెచ్చాడు. 2011 ఐపీఎల్ సమయంలో రాజస్థాన్ రాయల్స్ యజమాని ఒకరు తనపై చేయి చేసుకున్నట్లు తెలిపాడు.

2011 ఐపీఎల్, మొహాలీ వేదికగా రాజస్థాన్ రాయల్స్ వర్సెస్ పంజాబ్ కింగ్స్ మ్యాచ్. మొదట బ్యాటింగ్ చేసిన పంజాబ్ 20 ఓవర్లలో 195 పరుగులు చేయగా.. అనంతరం రాజస్థాన్.. 20 ఓవర్లలో 147 పరుగులకే పరిమితం అవుతుంది. ఈ మ్యాచ్ లో టేలర్ 5 బంతులాడి ఒక పరుగు కూడా చేయకుండా డకౌట్ గా వెనుదిరిగాడు. ఇదే తన చెంపలు వాయించడానికి కారణమని టేలర్ తన ఆత్మ కథలో రాసుకున్నాడు.

Kings XI Punjab vs Rajasthan Royals

2011 IPL pic.twitter.com/fwBB8ArGvq

— Govardhan Reddy (@gova3555) August 13, 2022

“మేం 195 పరుగుల టార్గెట్‌ను ఛేదిస్తున్నాం. నేను ఎల్బీ రూపంలో డకౌట్‌ అయ్యాను. మేం కనీసం లక్ష్యానికి చేరువ కూడా కాలేదు. మ్యాచ్ అయ్యాక జట్టు సభ్యులు, సహాయ సిబ్బంది, యాజమాన్యం ఓ హోటల్లో టాప్‌ ఫ్లోర్‌లోని బార్‌కు వెళ్లారు. షేన్‌ వార్న్‌తో పాటు లిజ్‌ హర్లీ నాతోనే ఉన్నారు. అప్పుడే రాయల్స్‌ యజమానుల్లో ఒకరు నా దగ్గరికి వచ్చారు. ‘రాస్‌.. నువ్వు డకౌట్‌ అయ్యేందుకు కాదు.. నీకు మేం మిలియన్‌ డాలర్లు ఇస్తుందంటూ..’ నా చెంపలపై మూడు నాలుగు సార్లు కొడుతూ నవ్వాడు’ అని టేలర్‌ పేర్కొన్నాడు.

Ross Taylor in his book has stated that the owner of the IPL franchise Rajasthan Royals slapped him three or four times after he got out for a duck😲#Cricket #RajasthanRoyals #RR #IPL #RossTaylor #NewZealand pic.twitter.com/lMngNS6Fsj

— CRICKETNMORE (@cricketnmore) August 13, 2022

“పైగా గట్టిగా ఏం కొట్టలేదు. అయితే అతడు ఉద్దేశ పూర్వకంగా కొట్టాడో లేదా సరదాగా చేశాడో నేను చెప్పలేను. అప్పటి పరిస్థితుల్లో నేను దాన్ని పెద్దది చేయలేదు. అయితే ప్రొఫెషనల్‌ క్రీడా టోర్నీల్లో అలాంటివి జరుగుతాయని నేను అస్సలు ఊహించలేదు”అని రాస్ టేలర్‌ పేర్కొన్నాడు. 2008 నుంచి 2010 వరకు టేలర్ రాయల్‌ ఛాలెంజర్స్‌ బెంగళూరుకు ఆడగా, 2011లో రాజస్థాన్‌ రాయల్స్‌ జట్టులో సభ్యుడు. ఈ విషయంపై సోషల్ మీడియాలో పెద్ద చర్చే నడుస్తోంది. ఆ కొట్టిన యజమాని ఎవరో చెప్పాలంటూ నెటిజన్స్ కామెంట్స్ చేస్తున్నారు. ఏదేమైనా.. ఇలాంటి ఘటన ఐపీఎల్ లో జరగడం దురదృష్టకరం. ఈ విషయంపై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: Chahal – Dhanashree: అయ్యర్‌తో పార్టీకి వెళ్లిన చాహల్ భార్య.. ఫోటోలు బయటపెట్టిన సూర్యకుమార్ యాదవ్!

ఇదీ చదవండి: IND vs ZIM: ‘బీసీసీఐ ఎలాంటి జట్టును పంపినా..’ టీమిండియాకే వార్నింగ్‌ ఇచ్చిన జింబాబ్వే కోచ్‌!