follow us:
స్వ‌దేశంలో వెస్టిండీస్‌తో జరగబోయే వన్డే, టీ20 సిరీస్‌లకు భారత జట్టును ప్రకటించిన బీసీసీఐ అనూహ్యంగా ఓ యువ ఆటగాడిని తెరమీదకు తీసుకొచ్చింది. ఈ సిరీస్‌కి ఎంపిక చేసిన జట్టులో ఓ యువ ఆటగాడి పేరు అందరిని ఆకర్షిస్తోంది. అండర్-19 వరల్డ్‌కప్ 2020 టోర్నీలో అదరగొట్టి.. గతేడాది పంజాబ్ కింగ్స్ లో కీలక సభ్యుడిగా మారి.. ప్రస్తుతానికి భారత జట్టులోకి ఎంట్రీ ఇవ్వబోతున్న ఆ కుర్రాడి పేరు రవి భిష్ణోయ్. 21 ఏళ్ల రవి బిష్ణోయ్ తొలిసారి జాతీయ జట్టుకి ఎంపికయ్యాడు.
రవి బిష్ణోయ్ కి ఈ అవకాశం అంత ఈజీగా రాలేదు. క్రికెట్‌ కోసం అతడు చదువు మానాల్సి వచ్చింది. ఈ విషయం తండ్రికి ఇష్టం లేనప్పటికీ తనకు ఇష్టమైన ఆటను మాత్రం ఎప్పుడూ వదల్లేదు. అండర్ -16 ట్రయల్స్‌లో ఎంపిక కాని అతను అండర్ -19 ట్రయల్స్‌లో రెండుసార్లు తిరస్కరణకు గురయ్యాడు. అయినా బిష్ణోయ్ మాత్రం పట్టు వదల్లేదు.
View this post on Instagram
2018 లో నెట్స్‌లో బౌలింగ్ చేయడానికి రవి బిష్ణోయ్ కి అవకాశం కల్పించింది రాజస్థాన్ రాయల్స్. ఇక్కడే రవి జీవితం మారిపోయింది. అలా బౌలింగ్ చేస్తున్న సమయంలో కోచింగ్ స్టాఫ్‌లో ఉన్న దిశాంత్ యాగ్నిక్‌ని ఎంతో ఆకట్టుకున్నాడు. ఆ తరువాత అండర్-19 వరల్డ్‌ కప్ కు ఎంపిక అవ్వడం.. ఈ టోర్నీ అసాంతం అద్భుతంగా రాణించడంతో ఐపీఎల్ లో అడుగుపెట్టే అవకాశం కల్పించింది పంజాబ్ కింగ్స్. అయితే ఈ సమయంలో అతని బోర్డు పరీక్షలు ప్రారంభం అయ్యాయి. కొడుకు తిరిగి వచ్చి పరీక్ష రాయాలని తండ్రి కోరాడు.. కానీ రవి మాత్రం జట్టుతోనే ఉండాలని నిర్ణయించుకున్నాడు. అలా అవకాశం కోల్పోయిన రవి ఇప్పటి వరకు బోర్డ్ ఎగ్జామ్స్ రాయలేదు.
View this post on Instagram
ఐపీఎల్ 2020 వేలంలో రూ.2 కోట్లకు రవి భిష్ణోయ్ పంజాబ్ కింగ్స్ జట్టు కొనుగోలు చేసింది. వారు తనపై పెట్టుకున్న నమ్మకాన్ని వమ్ము చేయకుండా వచ్చిన ప్రతి అవకాశాన్ని సద్వినియోగం చేసుకున్నాడు. ఐపీఎల్ 2020, 21 సీజన్‌లో మొత్తంగా 23 మ్యాచులు ఆడిన బిష్ణోయ్ 24 వికెట్లు పడగొట్టి అందరిని ఆకర్షించాడు. ఐపీఎల్‌తో పాటు.. దేశవాళీ టోర్నీల్లోనూ బాగా రాణించడంతో వెస్టిండీస్‌తో జరగబోయే టీ20, వన్డే సిరీస్‌ లో అవకాశం కల్పించారు సెలక్టర్లు. ప్రస్తుతానికి పరిమిత ఓవర్ల క్రికెట్‌లో సరైన స్పిన్నర్‌ కోసం వెతుకున్న టీమిండియాకి రవి భిష్ణోయ్ ఒక ఆశాకిరణంలా కనిపిస్తున్నాడు. ఐపీఎల్ 2022 సీజన్‌ కోసం లక్నో సూపర్ జెయింట్ జట్టు.. రవి భిష్ణోయ్‌ని అన్‌క్యాప్డ్ ప్లేయర్ కోటా కింద రూ.4 కోట్లకు కొనుగోలు చేసింది.
Team owner, Dr. Sanjiv Goenka, Chairman @rpsggroup welcomes the 3️⃣ drafted picks for #TeamLucknow! 👏😇@klrahul11 @MStoinis @bishnoi0056 #IPL2022 pic.twitter.com/AbbURvQC5Q
— Lucknow Super Giants (@LucknowIPL) January 21, 2022
