క్రికెట్‌లో ఒక్కడే కింగ్‌.. మిగిలిన వాళ్లంతా! – ఆకాష్ చోప్రా

స్వదేశంలో జరిగిన మ్యాచ్‌ల్లో కొన్ని చక్కటి ఇన్నింగ్స్‌లు ఆడగానే అతడి అభిమానులు బ్రహ్మరథం పట్టారు. భారత పిచ్‌లపై దంచికొట్టిన ఆ కుర్రాడు.. విదేశాల్లో తుస్సు మనిపిస్తున్నాడు. ముఖ్యంగా అహ్మదాబాద్‌ స్టేడియంను తన డెన్‌గా మార్చుకొని పరుగుల వరద పారించిన ఆ యువ ఓపెనర్‌ ఆ తర్వాత స్థాయికి తగ్గ ప్రదర్శన చేయలేక తీవ్ర విమర్శలు ఎదుర్కొంటున్నాడు. ఈ పాటికే అర్థమై ఉంటుందిగా మనం ఎవరి గురించి మాట్లాడుకుంటున్నామో.

అదేనండి మూడు ఫార్మాట్లలో భారత జట్టులో కీలక ప్లేయర్‌గా ఎదిగిన ఓపెనర్‌ శుభ్‌మన్‌ గిల్‌ గురించే!ఈ ఏడాది ఐపీఎల్‌ ముగిసేసరికి గిల్‌ ఎక్కడి లేని పేరు ప్రఖ్యాతాలు సంపాదించుకున్నాడు. మరోవైపు తనతో పాటే అండర్‌-19 ప్రపంచకప్‌లో దుమ్మురేపిన మరో ఓపెనర్‌ పృథ్వీ షా అసలు టీమిండియా దరిదాపుల్లోకి వచ్చేందుకు కూడా తీవ్రంగా ఇబ్బంది పడుతున్న సమయంలో గిల్‌ మాత్రం అటు టెస్టులు, ఇటు వన్డే, టీ20ల్లో దుమ్మురేపుతూ ముందుకు సాగాడు. అయితే ఐపీఎల్‌ తర్వాత పరిస్థితి తలకిందులైంది.

అప్పటి వరకు పరుగుల వదర పారించిన గిల్‌.. ఆ తర్వాత ప్రపంచ టెస్టు చాంపియన్‌షిప్‌ (డబ్లూ్యటీసీ) ఫైనల్‌ సహా వెస్టిండీస్‌ పర్యటనలో ఏమాత్రం ఆకట్టుకోలేకపోయాడు. విండీస్‌తో టెస్టుల్లో అతడి స్థానాన్ని త్యాగం చేయడమే కొంపముంచినట్లు కనిపిస్తోంది. మరో యువ ఆటగాడు యశస్వి జైస్వాల్‌ టెస్టు అరంగేట్రం చేయడంతో గిల్‌ మూడో స్థానానికి మారల్సి వచ్చింది. ఇక అక్కడి నుంచి అతడి ప్రదర్శన నానాటికి తీసికట్టులా మారింది.ఈ నేపథ్యంలో భారత మాజీ ఆటగాడు, ప్రముఖ కామెంటేటర్‌ ఆకాశ్‌ చోప్రా ఆసక్తికర వ్యాఖ్యలు చేశాడు. ‘ఐపీఎల్‌ సమయంలో గిల్‌ పేరు మారుమోగింది. ఇక అతడిని యువరాజు అనడం మానేసి కింగ్‌ అనాల్సిందే అనే చర్చ పెద్ద ఎత్తున సాగింది.

ఎక్కడ చూసిన దీని గురించే వార్తలు కనిపించాయి. కానీ ఆ తర్వాత పరిస్థితి తలకిందులైంది. ఇంగ్లండ్‌లో జరిగిన డబ్లూ్యటీసీ ఫైనల్‌తో పాటు వెస్టిండీస్‌ పర్యటనలో గిల్‌ స్థాయికి తగ్గ ప్రదర్శన చేయలేకపోయాడు’ అని ఆకాశ్‌ చోప్రా తన యూట్యూబ్‌ చానల్‌లో పేర్కొన్నాడు. కెరీర్‌ తొలి నాళ్లలో టెక్నికల్‌గా చాలా స్ట్రాంగ్‌ అనిపించుకున్న గిల్‌.. ఇప్పుడు కనీస ప్రదర్శన చేయలేక విమర్శల పాలవుతున్నాడు. కరీబియన్లతో టీ20 సిరీస్‌లో ఆడిన మూడు మ్యాచ్‌ల్లోనూ అతడు సింగిల్‌ డిజిట్‌కే పరిమితమవడం ఫ్యాన్స్‌ను కూడా తీవ్రంగా ఇబ్బంది పెడుతోంది. మూడు నెలలు తిరిగేసరికి హీరో కాస్త జీరో అవడంపై మీ అభిప్రాయాలను కామెంట్‌ చేయండి.