టీ20 ఫార్మాట్ కి రిటైర్మెంట్ ప్రకటించిన స్టార్ క్రికెటర్!

టీ20 క్రికెట్ లో ఆశించిన స్థాయిలో ప్రదర్శన కనబర్చలేకపోతున్నందుకు బంగ్లాదేశ్ వికెట్ కీపర్ – బ్యాటర్ ముష్ఫికర్ రహీమ్ తాజాగా తన రిటైర్మెంట్ ని ప్రకటించాడు. టెస్టులు, వన్డే ఫార్మాట్స్ పై దృష్టి పెట్టేందుకే తాను టీ20 ఫార్మాట్ నుండి తప్పుకుంటున్నానని ఆదివారం తన అధికారిక ఫేస్‌బుక్ పేజీలో పోస్ట్ చేశాడు. ప్రస్తుతం జరుగుతున్న ఆసియా కప్ లో బంగ్లాదేశ్ తన మొదటి రెండు మ్యాచులు(ఆఫ్ఘనిస్తాన్, శ్రీలంక)లతో ఓడిపోయి నిష్క్రమించిన విషయం తెలిసిందే. ఆ వెంటనే ఇప్పుడు ముష్ఫికర్ రిటైర్మెంట్ ప్రకటించడం చర్చనీయాంశంగా మారింది.

ఇక తాను T20 ఇంటర్నేషనల్స్ నుండి రిటైర్మెంట్ ప్రకటిస్తున్నానని ముష్ఫికర్ పోస్టులో తెలిపాడు. అలాగే “తాను సగర్వంగా బంగ్లాదేశ్‌కు టెస్టు, వన్డే ఫార్మాట్లలో ప్రాతినిధ్యం వహిస్తానని.. ఈ రెండు ఫార్మాట్లలో దేశానికి విజయాన్ని అందించగలనని ఆశాభావంతో ఉన్నానని చెప్పాడు. ఇంకా తాను బంగ్లాదేశ్ ప్రీమియర్ లీగ్ (BPL), ఇతర ఫ్రాంచైజీ టోర్నమెంట్లలో కూడా పాల్గొంటానని చెప్పుకొచ్చాడు ముష్ఫికర్. ఇటీవల ముష్ఫికర్ ఆడిన రెండు టీ20 మ్యాచులలో 4, 1 స్కోర్స్ చేశాడు. అదీగాక శ్రీలంకపై మ్యాచులో కుసాల్ మెండిస్ క్యాచ్ వదిలివేయడంతో ముష్ఫికర్ స్థానంపై దృష్టిపడినట్లు తెలుస్తుంది.

ఇదిలా ఉండగా.. టీ20 ఫార్మాట్‌లో ముష్ఫికర్ పేలవమైన ఫామ్ కారణంగా, బంగ్లాదేశ్ టీ20 ప్రపంచ కప్ ప్రణాళికల నుండి అతన్ని తీసేయడానికి BCB సిద్ధమైనట్లు నివేదికలు చెబుతున్నాయి. ఇక న్యూజిలాండ్, పాకిస్తాన్‌లతో జరిగే టీ20 ట్రై-సిరీస్‌లో ఆడేందుకు బంగ్లాదేశ్ బృందం ఈ నెలాఖరులో బయలుదేరుతుంది. అదే జట్టును వచ్చే నెలలో ఆస్ట్రేలియాలో జరిగే టీ20 ప్రపంచ కప్‌కు ప్రకటించాలని భావిస్తున్నారని సమాచారం.

నవంబర్ 2019 కేవలం రెండు అర్ధ సెంచరీలు మాత్రమే చేసిన ముష్ఫికర్.. టీ20లలో దాదాపు మూడు సంవత్సరాల పాటు దాదాపు పేలవమైన ఫామ్‌ కనబరిచాడు. గత సంవత్సరం టీ20 ప్రపంచ కప్‌లో, అతను 113.38 స్ట్రైక్ రేట్‌తో ఎనిమిది ఇన్నింగ్స్‌లలో 144 పరుగులు మాత్రమే చేశాడు. ఆ తర్వాత జరిగిన పాకిస్తాన్‌తో జరిగిన టీ20 సిరీస్‌కి అతనికి “విశ్రాంతి” ఇవ్వబడింది. ముష్ఫికర్ వికెట్ కీపింగ్ కూడా ఇటీవలి కాలంలో విమర్శలకు గురవుతోంది. వ్యక్తిగత కారణాలతో వెస్టిండీస్ పర్యటనకు ముందు ముష్ఫికర్ ఆఫ్ఘనిస్తాన్‌తో ఒకే టీ20 మ్యాచ్ ఆడాడు.

ఆసియా కప్‌కు ఎంపికయ్యే ముందు, జూలైలో జింబాబ్వేతో జరిగిన టీ20లకు అతనికి మళ్లీ విశ్రాంతి లభించింది. ఇకపోతే.. టెస్టులు, వన్డేలు రెండింటిలోనూ నిలకడగా రాణిస్తున్నాడు ముష్ఫికర్. 2019 నుండి టీ20లలో తగ్గినా.. ముష్ఫికర్ 15 టెస్టుల్లో 54.81 సగటుతో ఉన్నాడు. డబుల్ సెంచరీతో సహా మూడు సెంచరీలు చేశాడు. అతను 20 మ్యాచ్‌లలో 42.12 సగటుతో వన్డేలలో కీలకంగా నిలిచాడు. ఇక బంగ్లాదేశ్ నుండి టీ20 ఫార్మాట్ లో రిటైర్మెంట్ ప్రకటించిన రెండో ఆటగాడిగా ముష్ఫికర్ నిలిచాడు. తమీమ్ ఇక్బాల్ మొదటగా జూలైలో రిటైర్ అయ్యాడు.

I would like to announce my retirement from T20 INTERNATIONALS and focus on Test and ODI formats of the game. I will be available to play franchise leagues when the opportunity arrives. Looking forward to proudly represent my nation in the two formats-MR15

— Mushfiqur Rahim (@mushfiqur15) September 4, 2022

JUST IN | Mushfiqur Rahim has announced his retirement from T20 internationals – he played 102 games in the format for Bangladesh pic.twitter.com/jZJtpxiNLQ

— ESPNcricinfo (@ESPNcricinfo) September 4, 2022