రోహిత్​ శర్మకు సిగ్గుండాలి.. కపిల్ దేవ్​ ఇలా అనేశాడు ఏంటి?

ఆస్ట్రేలియాతో జరుగుతున్న బోర్డర్ – గవాస్కర్ ట్రోఫీలో భారత్ దుమ్మురేపుతోంది. తొలి రెండు టెస్టుల్లో ఆసీస్​ను చిత్తుగా ఓడించింది. దీంతో ఫుల్​ జోష్​లో ఉంది. ఇలాంటి తరుణంలో టీమిండియా సారథి రోహిత్ శర్మ మీద లెజెండరీ ప్లేయర్ కపిల్ దేవ్ సంచలన కామెంట్స్ చేయడం హాట్​ టాపిక్​గా మారింది. కంగారూలతో సిరీస్​లో భారత ఆటగాళ్ల ఫిట్​నెస్​పై కపిల్ దేవ్​ అసహనం వ్యక్తం చేశారు. ముఖ్యంగా కెప్టెన్ రోహిత్​ ఓవర్​ వెయిట్ మీద ఆయన అసంతృప్తిని వ్యక్తం చేశారు. లావుగా ఉన్నందుకు రోహిత్​ శర్మ సిగ్గు పడాలంటూ కాంట్రవర్షియల్ కామెంట్స్ చేశారు. టీవీల్లో చూస్తే హిట్​మ్యాన్ అస్సలు ఫిట్​గా కనిపించడని కపిల్ అన్నారు.

దేశంలో ఉన్న 140 కోట్లకు పైగా ప్రజలకు రిప్రజెంట్ చేసే టీమిండియా కెప్టెన్ ఫిట్​గా లేకపోవడం అవమానకరమని కపిల్ దేవ్ అన్నారు. ఇంటర్నేషనల్ లెవల్లో దేశానికి ప్రాతినిధ్యం వహించేటప్పుడు ఫిట్​గా ఉండటం అనేది ఏ స్పోర్ట్స్​మన్​కైనా చాలా ముఖ్యమన్నారు. ఈ విషయంలో జట్టు సభ్యులకు సారథి ఆదర్శంగా ఉండాలని వ్యాఖ్యానించారు. బరువు విషయంలో హిట్​మ్యాన్​ ఇకనైనా జాగ్రత్త పడాలని.. వెయిట్ తగ్గించేందుకు ఎక్స్​ట్రా ఎఫర్ట్ పెడితే కానీ ఇది సాధ్యం కాదన్నారు. రోహిత్ గొప్ప ప్లేయర్ అని.. గొప్ప కెప్టెన్ అనే విషయంతోనూ తాను ఏకీభవిస్తానని కపిల్ చెప్పారు. అయితే టెలివిజన్​లో సన్నగా కనిపించేందుకు కావాల్సిన కసరత్తులు చేయాలని సూచించారు.

టీవీల్లో కనిపించేదానికి, నేరుగా చూసేదానికి చాలా తేడా ఉంటుందని కపిల్ దేవ్ పేర్కొన్నారు. లావుగా ఉన్నవారు కూడా టీవీల్లో సన్నగా కనిపిస్తారన్నారు. ఫిట్​నెస్​ విషయంలో యావత్ క్రీడా ప్రపంచానికి విరాట్ కోహ్లీ ఆదర్శమని రన్​ మెషీన్​పై ప్రశంసల జల్లులు కురిపించారు. కోహ్లీని చూస్తే ఫిట్​నెస్​ అంటే ఇదీ అనేలా ఉంటాడని మెచ్చుకున్నారు. రోహిత్​పై కపిల్ ఏ ఉద్దేశంతో ఈ వ్యాఖ్యలు చేశారో తెలియదు గానీ.. ఆయన ఫ్యాన్స్ మాత్రం దీన్ని అస్సలు జీర్ణించుకోలేకపోతున్నారు. అందులోనూ ఫిట్​నెస్​ విషయంలో రోహిత్ – కోహ్లీ మధ్య వ్యత్యాసాన్ని చెబుతూ పోల్చడాన్ని వాళ్లు తట్టుకోలేకపోతున్నారు. మరి.. రోహిత్ ఓవర్​ వెయిట్​పై కపిల్ చేసిన వ్యాఖ్యల మీద మీ అభిప్రాయాలను కామెంట్ల రూపంలో తెలియజేయండి.

Kapil Dev on Fitness pic.twitter.com/FHcEVofwIu

— RVCJ Media (@RVCJ_FB) February 23, 2023