Harbhajan Singh: సూర్య, కోహ్లీ కాదంట.. ఆ విదేశీ ప్లేయరే నెం.1 అంట! భజ్జీ ఏంటిది?

ఐపీఎల్ 2023లో రాజస్థాన్ రాయల్స్ స్టార్ హిట్టర్ జాస్ బట్లర్ చెలరేగుతున్నాడు. వరుసగా రెండు హాఫ్​ సెంచరీలతో రఫ్ఫాడిస్తున్నాడు. ఇప్పటివరకు నాలుగు మ్యాచులు ఆడిన బట్లర్.. 204 రన్స్​తో ఆరెంజ్ క్యాప్​ రేసులో మూడో పొజిషన్​లో ఉన్నాడు. అలాగే బుధవారం చెన్నై సూపర్ కింగ్స్​తో జరిగిన మ్యాచ్​లో 3 వేల పరుగుల మార్క్​ను అతడు చేరుకున్నాడు. టోర్నమెంట్​లో వేగంగా ఈ మైలురాయిని చేరుకున్న మూడో ప్లేయర్​గా బట్లర్ రికార్డు సృష్టించాడు. అతడి కంటే ముందు కేఎల్ రాహుల్ (80 ఇన్నింగ్స్​లు), క్రిస్ గేల్ (75 ఇన్నింగ్స్​లు)  ఉన్నారు. ఇదిలా ఉండగా.. బట్లర్​ ఆటపై టీమిండియా మాజీ స్పిన్నర్ హర్భజన్ సింగ్ ప్రశంసల జల్లులు కురిపించాడు. వరల్డ్​ నంబర్ వన్ బ్యాట్స్​మన్ బట్లర్​ అని కితాబునిచ్చాడు.

బట్లర్​ను ఎలా పొగడాలో కూడా అర్థం కావడం లేదన్నాడు భజ్జీ. వైట్ బాల్ క్రికెట్​లో అతడు అద్భుతంగా ఆడతాడని.. క్రీజును పూర్తిగా వాడుకుంటాడని టర్బనేటర్ చెప్పుకొచ్చాడు. బట్లర్ బ్యాటింగ్ టెక్నిక్ కూడా గొప్పగా ఉంటుందని.. స్పిన్నర్లను కూడా ఎంతో అలవోకగా ఎదుర్కొంటాడని మెచ్చుకున్నాడు. కాగా, బట్లర్​ను పొగుడుతూ హర్భజన్ చేసిన కామెంట్స్​పై ఫ్యాన్స్ ఫైర్ అవుతున్నారు. బట్లర్​ను మెచ్చుకోవడంలో తప్పు లేదు కానీ.. తనే ప్రపంచ నంబర్ వన్ బ్యాటర్ అని ఎలా అంటారని ప్రశ్నిస్తున్నారు. వైట్​బాల్ క్రికెట్​లో ప్రస్తుతం చెలరేగి ఆడుతున్న విరాట్ కోహ్లీ, సూర్యకుమార్ యాదవ్ లాంటి స్టార్ బ్యాటర్లను కాదని బట్లర్​ను ఎలా వరల్డ్ నంబర్ వన్ అంటారని క్వశ్చన్‌ చేస్తున్నారు. భజ్జీ కనీసం విరాట్, సూర్య పేర్లను కూడా ప్రస్తావించకపోవడం ఏంటని సీరియస్ అవుతున్నారు.