follow us:
టీమిండియా మాజీ దిగ్గజ ఆటగాడు సునీల్‌ గవాస్కర్ అరుదైన ఘనత సాధించాడు. అది కూడా స్వదేశంలో కాదు.. ఇంగ్లాండ్ గడ్డపై సన్నీ అరుదైన గౌరవాన్ని అందుకోనున్నాడు. ఇంగ్లాండ్ లోని లీస్టర్ షైర్ క్రికెట్ మైదానానికి సునీల్‌ గవాస్కర్ పేరు పెట్టనున్నట్లు తెలుస్తోంది. రికార్డుల ప్రకారం చూసుకుంటే యూరప్‌ లో ఒక క్రికెట్ గ్రౌండ్‌కు భారత ఆటగాడి పేరు పెట్టడం చరిత్రలో ఇదే తొలిసారి.
ఇటీవలే సన్నీ ఇంగ్లాండ్ లోని లీస్టర్ షైర్ సిటీలో ఐదెకరాల స్థలాన్ని సొంతం చేసుకున్నాడు. వాటికి సంబంధించిన రిజిస్ట్రేషన్‌ పనులపై సునీల్‌ గవాస్కర్ ప్రస్తుతం లండన్‌ లోనే ఉన్నాడు. లీస్టర్ షైర్ క్రికెట్ మైదానానికి తన పేరు పెట్టడంపై సన్నీ స్పందించాడు. “లీస్టర్ షైర్ లో క్రికెట్ కు ఆదరణ ఎక్కువగా ఉంటుంది. అక్కడ ఎక్కువగా భారత మూలాలున్న క్రికెటర్లు ఉంటారు. అలాంటి ప్రాంతంలో మైదానానికి నా పేరు పెట్టడం గర్వంగా ఉంది” అంటూ సునీల్‌ గవాస్కర్ వ్యాఖ్యానించాడు.
Leicester cricket ground to be named after Sunil Gavaskar, he became the first Indian cricketer to have a ground named after him in England. (Source – TOI)
— Johns. (@CricCrazyJohns) July 22, 2022
గవాస్కర్ క్రికెట్ లో చేసిన సేవలకు గానూ తమ గ్రౌండ్‌ సన్నీ పేరు పెట్టుకున్నట్లు లీస్టర్ షైర్ క్రికెట్ అసోసియేషన్‌ ప్రకటించింది. ఇప్పటికే లీస్టర్ షైర్ క్రికెట్ గ్రౌండ్‌లో ఒక పెవిలియన్ ఎండ్ గోడపై సన్నీ యంగ్‌ గా ఉన్నప్పటి ఫొటోని పెయింటింగ్‌ వేశారు. ఆ పిక్‌ లో సన్నీ భుజానికి బ్యాట్ పట్టుకుని బ్యాటింగ్‌ కు వెళ్లేందుకు సిద్ధంగా ఉన్నట్లు ఉంది. సునీల్‌ గవాస్కర్ పేరిట ఇప్పటికే టాంజానియా, అమెరికాల్లోనూ క్రికెట్ గ్రౌండ్లు ఉండటం విశేషం.
Congratulations to India’s global cricket ambassador, the living Legend and Marathi Manus, Sunil Gavaskar, for being the first Indian cricketer to have a ground named after him in Kentucky (US), Zanzibar (Tanzania), and now Leicester (England).
Truly proud of him#SunilGavaskar pic.twitter.com/o7GaCeAREY— Satyajeet Tambe (@satyajeettambe) July 22, 2022
ఇంక సన్నీ రికార్డుల విషయానికి వస్తే.. టెస్టుల్లో భారత జట్టు తరఫున 10వేల పరుగులు చేసిన తొలి ఆటగాడిగా చరిత్ర సృష్టించాడు. టెస్టుల్లో 34 శతకాలు బాది.. సచిన్‌ బ్రేక్‌ చేసే వరకు అత్యధిక సెంచరీలు సాధించిన ప్లేయర్‌గా సన్నీ నిలిచాడు. సన్నీ మొత్తం 108 వన్డేల్లో ఒక శతకం, 27 అర్ధ శతకాల సాయంతో 3,092 పరుగులు చేశాడు. ఇక 125 టెస్టుల్లో 10,122 పరుగులు చేశాడు. సన్నీకి దక్కిన ఈ గౌరవంపై మీ అభిప్రాయాలను కామెంట్స్ రూపంలో తెలియజేయండి.
A proud moment for cricket fans in #India a cricket ground in #licester #England will be named as #SunilGavaskar cricket stadium #sunilgavaskar pic.twitter.com/pzqrGcqHqj
— Dr.Jitendra Awhad (@Awhadspeaks) July 22, 2022
