follow us:
టోక్యో పారాలింపిక్స్‌లో భారత్ పతకాల ఖాతా తెరిచింది. మహిళల టేబుల్‌ టెన్నిస్‌ ఫైనల్లో భవీనాబెన్‌ పటేల్‌ రజతం సాధించింది. పారాలింపిక్స్‌ చరిత్రలో టేబుల్‌ టెన్నిస్‌లో భారత్‌కు ఇదే తొలి పతకం కావడం గమనార్హం. ప్రపంచ టీటీ నంబర్‌ 2, నంబర్‌ 3 పెడ్లర్‌లను ఓడించి ఫైనల్లో ప్రపంచ నంబర్‌వన్‌ చైనా క్రీడాకారిణి జౌ యింగ్‌ చేతిలో 3-0తో ఓటమి పాలైంది. పారాలింపిక్స్‌లో దేశానికి రజతం అందించిన భవీనాబెన్‌పై ప్రశంసల వర్షం కురుస్తోంది. ఈ నేపథ్యంలో ప్రధాని మోదీ భవీనాబెన్‌ పటేల్‌ను అభినందించారు.
భవీనాబెన్‌ పటేల్‌ది గుజరాత్‌లోని మెహసానా. భవీనాబెన్‌ 12 నెలల వయసులో పోలియో బారిన పడింది. తన వయలు పిల్లలతో కలిసి ఆడుకోలేక.. పోలియో కారణంగా కుర్చీకే పరిమితమైంది. రోజులు గడుస్తున్నకొద్దీ ఆమె కాళ్లు అచేతనంగా మారిపోయాయి. 2004లో భవీనా తండ్రి ఆమెకు అహ్మదాబాద్‌లోని బ్లైండ్‌ పీపుల్‌ అసోసియేషన్‌లో సభ్యత్వం ఇప్పించాడు. ఆ అసోసియేషన్‌లో క్రీడా కార్యకలాపాలు కూడా ఉండటంతో భవీనా టేబుల్‌ టెన్నిస్‌ను ఎంచుకుంది. ఫిట్‌నెస్‌ కోసం ప్రారంభించిన టీటీపై భవీనా ప్రేమ పెంచుకుంది. కోచ్‌ లలన్‌ దోషి పర్యవేక్షణలో భవీనా ఓనమాలు నేర్చుకుంది. మూడేళ్లు తీవ్రంగా కష్టపడి జాతీయ ఛాంపియన్‌గా నిలిచింది. పారాలింపిక్స్‌లో పతకం గెలిచిన రెండో భారత మహిళా అథ్లెట్‌గా రికార్డు సృష్టించింది.
The remarkable Bhavina Patel has scripted history! She brings home a historic Silver medal. Congratulations to her for it. Her life journey is motivating and will also draw more youngsters towards sports. #Paralympics
— Narendra Modi (@narendramodi) August 29, 2021
