వీడియో: కొడుక్కి హెయిర్ కటింగ్ సరిగ్గా చేయలేదని పోలీస్ దౌర్జన్యం..!

సంఘ విద్రోహ శక్తుల నుంచి, ఇతర అరాచక శక్తుల నుంచి ప్రజలను కాపాడటం పోలీసుల బాధ్యత. సమస్యలతో పోలీస్ స్టేషన్ కు వచ్చే బాధితులకు న్యాయం జరిగేలా చేయడం పోలీసులు విధి. నిరంతరం ప్రజలకు సేవ చేస్తూ ఎంతో నిజాయితీగా ఉండే పోలీసులు ఎందరో ఉన్నారు. చాలా మంది పోలీసులు నీతి నిజాయితీగా పనిచేస్తూ ప్రజల్లో గౌరవం పొందుతున్నారు. అయితే కొందరు పోలీసులు చేసే పనుల వలన ఆ శాఖపై ప్రజల్లో చెడు అభిప్రాయం ఏర్పడుతుంది. ధనవంతుల వద్ద, ప్రజాప్రతినిధుల వద్ద బానిసలుగా ఉండే కొందరు పోలీసులు.. సామాన్య ప్రజల విషయంలో రాక్షసుల్లో ప్రవర్తిస్తుంటారు. తాజాగా ఓ పోలీస్ కానిస్టేబుల్ తన కొడుక్కి హెయిర్ కట్టింగ్ సరిగ్గా చేయలేదని సెలూన్ షాప్ వ్యక్తిపై దౌర్జన్యం చేశాడు. తమిళనాడులో జరిగిన ఈ ఘటన సోషల్ మీడియాలో తెగ వైరల్ అవుతోంది. స్థానికులు తెలిపిన సమాచారం ప్రకారం..

తమిళనాడు రాష్ర్టంలోని తిసాయన్ వలై అనే పోలీస్ స్టేషన్‌ పరిధిలో నవీస్ బ్రిట్టో అనే వ్యక్తి కానిస్టేబుల్ గా పనిచేస్తున్నాడు. ఇటీవలే అతడి కుమారుడు ఓ సెలూన్ షాప్ కి వెళ్లి హెయిర్ కటింగ్ చేయించుకున్నాడు. అనంతరం ఇంటికి వెళ్లి.. షాప్ వ్యక్తి కటింగ్ సరిగ్గా చేయలేదని తండ్రికి ఫిర్యాదు చేశాడు. కొడుకు చెప్పిన మాటలకు సదరు కానిస్టేబుల్ ఒక్కసారిగా కోపోద్రేకుడయ్యాడు. కుమారుడి నుంచి సెలూన్ షాప్ అడ్రెస్ తెలుసుకుని శనివారం అక్కడి వెళ్లాడు. ఈ క్రమంలో అక్కడే ఉన్న ఓ సెలూన్ షాప్ ను కాలుతో తంతూ వీరంగ సృష్టించాడు. తన కొడుక్కే హెయిర్ కట్టింగ్ సరిగ్గా చేయారా? అంటూ అక్కడ ఉన్న వ్యక్తిపై తిట్ల దండకం అందుకున్నాడు. చాలా సమయం పాటు కానిస్టేబుల్ వీరంగా సృష్టించాడు. అయితే తమ షాప్ కాదు సార్ అంటూ సెలూన్ షాప్ యాజమాని తెలిపాడు.

ఈక్రమంలో తన కొడుకు చెప్పిన సెలూన్ షాప్ అడ్రెస్ మరొకటని కానిస్టేబుల్ గుర్తించి.. అక్కడి నుంచి వెళ్లిపోయాడు. అయితే అతడి ఓవరాక్షన్ అంతటిని స్థానికులు వీడియో తీసి సోషల్ మీడియాలో పోస్ట్ చేశారు. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది. పోలీస్ కొడుకు అయితే కొమ్ములు ఏమైనా వచ్చాయా? అంటూ నెటిజన్లు కామెంట్స్ చేస్తున్నారు. ‘అప్పుడప్పుడు పొరపాట్లు జరగడం సహజం, దానికి అతడు అమాయకులపై దౌర్జన్యం చేయడం సరైనది కాదు” అంటూ మరికొందరు ట్వీట్ చేశారు. అరాచక ప్రవర్తన వ్యక్తిత్వం కలిగిన వారు తమిళనాడు పోలీసులు అనడానికి ఈ ఘటనే నిదర్శనమని బీజేపీ నాయకురాలు, ఖుష్బూ సుందర్ అన్నారు. ఈ ఘటనపై మీ అభిప్రాయాలను కామెంట్స్ రూపంలో తెలియజేయండి.

Thisayanvilai police constable who locked a salon claiming the hairdresser didn’t cut his son’s hair properly was transferred to Armed Reserve. Actually hairdresser of some other salon cut his son’s hair. But the child pointed to the particular salon by mistake pic.twitter.com/beuMnqbM3O

— Thinakaran Rajamani (@thinak_) February 19, 2023