యూట్యూబ్ చూసి మద్యం తయారు చేసిన 12 ఏళ్ల బాలుడు.. ఫ్రెండ్ కు తాగించగానే..!

ఇంటర్నెట్ వినియోగం పెరిగాక యూట్యూబ్ లో వీడియోలు చూసే వారి సంఖ్య విపరీతంగా పెరిగింది. ఇది ఒక రకంగా మంచిదే. తమకు రాని విద్యలను నేర్చుకోవడమే కాదు.. తెలియని ఎన్నో విషయాలను తెలుసుకుంటున్నారు. అయితే కేరళకు చెందిన ఓ 12 ఏళ్ల విద్యార్థి మాత్రం కాస్త వెరైటీగా ఆలోచించాడు. అందరిలా నేను ఉంటే .. నాకెలా గుర్తింపు వస్తుంది అనుకున్నాడో, ఏమో.. యూట్యూబ్​లో వీడియోలు చూసి మద్యాన్ని తయారుచేద్దామనుకున్నాడు. చేశాడు కూడా. కానీ, ఇక్కడే కథ అడ్డం తిరిగింది.

కేరళ, తిరువనంతపురానికి చెందిన 12 ఏళ్ల బాలుడికి యూట్యూబ్​లో వీడియోలు చూడటం అలవాటు. అలా చూస్తుండగా..’How to make wine’ అని మనోడి కంటపడ్డది. ఆహా, నేను కూడా తయారు చేద్దాం అనుకొని.. ద్రాక్ష పండ్లతో చక్కని మద్యాన్ని తయారుచేశాడు. అంతా అయ్యాక, ఒక బాటిల్ లో పోసి నాలుగు రోజులు భూమిలో పాతిపెట్టాడు. ఈ సమయంలో స్నేహితుడికి సమాచారం అందించాడు. రారా.. నేను మద్యాన్ని తయారుచేశా.. రుచి చూద్దువుగా అని. వచ్చిన స్నేహితుడు, రుచిగా ఉందిగా అన్నట్లు నాలుగు చుక్కలుంచి మొత్తం తాగేశాడు. అంతే ఇక.. ఒకటే వాంతులు, విరేచనాలు. ఈ పరిస్థితి గమినించిన ఇంట్లో వాళ్ళు హాస్పిటల్ లో జాయిన్ చేశారు.

ఏం జరిగింది అని ఇంట్లో వాళ్లు గట్టిగా అడిగేసరికి, అసలు విషయం చెప్పాడు. సమాచారం అందుకున్న పోలీసులు, వైన్ బాటిల్​ను స్థానిక కోర్టు అనుమతితో పరీక్షల నిమిత్తం ల్యాబ్​కు పంపారు. వైన్​లో మరేదైనా ఆల్కహాల్ కలిపినట్లు, ఇంకేదైనా రసాయనాలు కలిపినట్లు తేలితే బాలుడిపై కేసు కేసు నమోదు చేస్తామని పోలీసులు తెలిపారు.

ఈ విషయంపై మద్యం తయారుచేసిన యువకుడిని ప్రశ్నిస్తే.. తన తల్లిదండ్రులు కొనుగోలు చేసిన ద్రాక్ష పండ్లతోనే మద్యం తయారు చేశానని చెప్పాడు. అందులో ఏం రసాయనాలు కలపలేదని తెలిపాడు. యూట్యూబ్​లో చూపించిన విధంగానే వైన్ తయారు చేసి.. కొన్ని గంటలు భూమిలో పాతిపెట్టినట్లు వివరించారు. ఆ తర్వాత స్నేహితుడికి ఇచ్చినట్లు చెప్పాడు. ఈ విషయంపై మీ అభిప్రాయాలను కామెంట్ల రూపంలో తెలియజేయండి.

12-year-old boy in Kerala has landed in trouble after making grape wine on his own by watching a YouTube video and serving it to one of his friends who later developed uneasiness and vomitting and had to be rushed to a hospital in Chirayinkeezhu, police said

— Press Trust of India (@PTI_News) July 30, 2022

ఇదీ చదవండి: కండోమ్ లను ఎగబడి కొంటున్న కుర్రాళ్లు! ఎందుకో తెలిస్తే మతిపోతుంది!