follow us:
సాధారణంగా వివాహం అంటే స్త్రీ, పురుషుల మధ్య జరిగే తంతు. అయితే కాలం మారుతున్న కొద్ది.. ఒకే జాతికి చెందిన వారి మధ్య వివాహాలు పెరుగుతున్నాయి. విదేశాల్లో ఇలాంటి వివాహాలకు చట్టబద్ధత ఉంది. కానీ మన దేశంలో ఇలాంటి సంఘటనలను మాత్రం ప్రకృతి వైపరీత్యాలుగానే చూస్తారు. సమాజంతో పాటు.. తల్లిదండ్రులు, సొంత వాళ్లు కూడా ఇలాంటి వివాహాలను అంగీకరించారు. అయితే మన దేశంలో కూడా కొంత కాలం నుంచి ఈ తరహా సంఘటనలు పెరుగుతున్నాయి. తాజాగా ఈ కోవకు చెందిన సంఘటన ఒకటి జార్ఖండ్‌ లో చోటు చేసుకుంది. ఇద్దరు అమ్మాయిలు ప్రేమించుకున్నారు.. ఇంటి నుంచి పారిపోయి మరి వివాహం చేసుకున్నారు. రక్షణ కల్పించండి అంటూ పోలీసులను ఆశ్రయించారు. అయితే అక్కడే ఊహించని ట్విస్ట్ చోటు చేసుకుంది. ఆ వివరాలు..
ఇది కూడా చదవండి : కరోనాతో స్నేహితుడి మృతి.. ఆ వ్యక్తి చేసిన పనికి అందరూ ఫిదా
జోరఖ్‌పుల్ పోలీస్ స్టేషన్ పరిధిలో జామాడోబాలో ఉంటున్న రాఖిమిర్ధా (24), కరిష్మా రావత్ (23) ఇద్దరు స్నేహితులు. వీరి పరిచయం ప్రేమగా మారింది. దీని గురించి ఇంట్లో వారికి చెప్పినా.. ఎలాను అంగీకరించరని తెలుసు. అందుకే ఇంటి నుంచి పారిపోయి.. గుడిలో రహస్యంగా వివాహం చేసుకున్నారు. ఆ తర్వాత నేరుగా పోలీస్ స్టేషన్ కు వెళ్లి.. విషయం చెప్పి.. తమకు రక్షణ కల్పించాల్సిందిగా కోరారు. విషయం అర్థం చేసుకున్న పోలీసులు.. వారి తల్లిదండ్రులకు ఫోన్‌ చేసి.. స్టేషన్ కు పిలిపించారు. ఏం జరిగిందో ఏమో అని కంగారుగా స్టేషన్ కు వచ్చిన ఇరువురి కుటుంబ సభ్యులు అక్కడ కనిపించిన దృశ్యం చూసి అవాక్కయ్యారు.
ఇది కూడా చదవండి : ఘనంగా సింగర్‌ రేవంత్ పెళ్లి.. వైరల్ గా మారిన ఫోటోలు..!
జరిగిన విషయాన్ని అర్థం చేసుకోవడానికి వారి కాస్త సమయం పట్టింది. ఆ తర్వాత తేరుకుని.. ఇద్దరికి నచ్చజెప్పే ప్రయత్నం చేశారు. కొన్ని గంటల పాటు.. ఇద్దరు అమ్మాయిలకు కౌన్సిలింగ్‌ నిర్వహించారు. చివరకు తల్లిదండ్రుల మాటలతో కన్విన్స్‌ అయిన అమ్మాయిలు.. తమ ఇళ్లకు వెళ్లడానికి అంగీకరించారు. కుటుంబ సభ్యులతో కలిసి.. ఎవరింటికి వారు వెళ్లారు. అంతకు ముందే ఒకరిని విడిచి ఒకరం ఉండలేమని తెలిపిన యువతులిద్దరు చివరికి ఇలా ఎవరింటికి వారు వెళ్లడంతో.. పోలీసులు షాకయ్యారు.
