బ్రేకింగ్: మార్కెట్‌లో భారీ అగ్ని ప్రమాదం.. 150 దుకాణాలు దగ్ధం..

మార్కెట్ లో భారీ అగ్నిప్రమాదం సంభవించింది. మార్కెట్లో ఉన్న ఓ దుకాణంలో మంటలు రాజుకోవడంతో 150 దుకాణాలు దగ్ధమయ్యాయి. రెండు నెలల వ్యవధిలో అగ్నిప్రమాదం సంభవించడం ఇది రెండోసారి. సమాచారం అందుకున్న అగ్నిమాపక సిబ్బంది ఘటన స్థలానికి చేరుకున్నారు. 25 అగ్నిమాపక యంత్రాలు మంటలను అదుపు చేసే ప్రయత్నాలు చేశాయి. గురువారం రాత్రి సమయంలో ఈ అగ్నిప్రమాదం సంభవించింది. ఆ సమయంలో దుకాణ యజమానులు, దుకాణ సిబ్బంది లేకపోవడంతో పెద్ద ప్రమాదం తప్పింది. అస్సాంలోని జోర్హాట్ జిల్లాలో అగ్నిప్రమాదం సంభవించింది. చౌక్ బజార్ వద్ద గురువారం రాత్రి ఒక్కసారిగా ఓ బట్టల దుకాణం నుంచి ఒక్కసారిగా మంటలు వ్యాపించాయి. ఆ మంటలు పక్కనే ఉన్న దుకాణాలకు వ్యాపించడంతో 150 దుకాణాలు దగ్ధమయ్యాయి.

మార్కెట్ చిన్నదిగా, ఇరుకుగా దగ్గర దగ్గర దుకాణాలు కలిగి ఉండడం వల్ల మంటలు త్వరగా వ్యాపించాయని అధికారులు చెబుతున్నారు. షాపులో ఎలక్ట్రిక్ షార్ట్ సర్క్యూట్ జరగడం వల్ల ప్రమాదం సంభవించి ఉండవచ్చునని పోలీసులు అనుమానిస్తున్నారు. అయితే ఈ ఘటనలో ఎలాంటి ప్రాణ నష్టం జరగలేదని అధికారులు వెల్లడించారు. అప్పటికే దుకాణ యజమానులు, దుకాణంలో పని చేసే సిబ్బంది ఇళ్లకు వెళ్లిపోవడంతో ప్రాణాలకు ప్రమాదం తప్పిందని తెలిపారు. మంటల్లో కాలిన దుకాణాల్లో ఎక్కువగా బట్టల దుకాణాలు, కిరాణా షాపులే ఉన్నాయని అధికారులు తెలిపారు. మంటలను అదుపు చేయడానికి 25 అగ్నిమాపక యంత్రాలు వచ్చాయి. అయితే మార్కెట్ రోడ్డు ఇరుకుగా ఉండడం వల్ల అగ్నిమాపక సిబ్బందికి ఘటన స్థలానికి చేరుకోవడం చాలా ఇబ్బందిగా మారింది.

అయినప్పటికీ ప్రయాసపడి అక్కడకు చేరుకుని మంటలను అదుపు చేశారు. కొన్ని అగ్నిమాపక యంత్రాలు రాగా.. ప్రమాద స్థాయి ఎక్కువగా ఉండడంతో తర్వాత మరి కొన్నిటినీ తీసుకొచ్చారు. అగ్నిమాపక సిబ్బంది రాత్రి చాలా సేపు ప్రయత్నించి మంటలను అదుపు చేశారు. ఈ అగ్ని ప్రమాదం వల్ల కోట్లలో నష్టం వాటిల్లి ఉండవచ్చునని అధికారులు భావిస్తున్నారు. జోర్హాట్ నెలలో ఇలా అగ్ని ప్రమాదం సంభవించడం రెండోసారి. రెండు నెలల వ్యవధిలో అగ్ని ప్రమాదాలు చోటు చేసుకున్నాయి. డిసెంబర్ నెలలో మార్వారీ పట్టి ప్రాంతంలో కూడా మంటలు వ్యాపించి కొన్ని దుకాణాలు దగ్ధమయ్యాయి. తాజాగా ఇప్పుడు మరోసారి జోర్హాట్ జిల్లాలోని ఓ మార్కెట్ లో భారీ అగ్నిప్రమాదం సంభవించింది.

#Assam | Fire breaks out at #Jorhat ‘s Chowk Bazaar. Several fire tenders are at the spot. The fire originated from a fabric store situated near the market’s entrance. (ANI) pic.twitter.com/VMfiGEkDmN

— TOI Guwahati (@TOIGuwahati) February 16, 2023