మోదీ చెప్పినట్టు సోషల్ మీడియాలో డీపీ మార్చాలనుకుంటున్నారా! అయితే.. ఇలా చేయండి!

దేశానికి స్వాతంత్య్రం వచ్చి 75 ఏళ్లు పూర్తయిన సందర్భంగా కేంద్ర ప్రభుత్వం ‘ఆజాదీ కా అమృత్‌ మహోత్సవ్‌’ కార్యక్రమాన్ని నిర్వహిస్తోంది. అందులో భాగంగా దేశ ప్రజలంతా ఆగస్టు 13 నుంచి 15 వరకు తమ ఇళ్లపై త్రివర్ణ పతాకాలు ఎగరేయాలని దేశ ప్రధాని నరేంద్ర మోదీ పిలుపునిచ్చారు. అలాగే ఆగస్టు 2 నుంచి 15 వరకు ప్రతి ఒక్కరూ సామాజిక మాధ్యమాల్లో తమ ప్రొఫైల్‌ పిక్‌గా త్రివర్ణ పతాకాన్ని ఉంచాలని కోరారు. జాతీయ జెండా రూపకర్త పింగళి వెంకయ్య జయంతికి నివాళిగా, ఆయన జన్మదినమైన ఆగస్టు 2 నుంచి ఈ కార్యక్రమాన్ని ప్రారంభించాలని కేంద్ర ప్రభుత్వం నిర్ణయించింది.

ప్రధాని పిలుపుతో చాలా మంది సోషల్‌ మీడియా యూజర్లు తమ ఖాతాల ప్రొఫైల్‌ పిక్‌ లను మారుస్తున్నారు. వాట్సాప్‌లో ఎలా మార్చాలన్నా అవగాహన అందరకి ఉంటుంది కనుక చక చకా మారుస్తున్నారు. మరి మిగిలిన వాటి సంగతి ఏంటి? అదేనండి.. ట్విట్టర్, ఇన్‌స్టాగ్రామ్‌,ఫేస్‌బుక్‌, లింక్డ్‌ఇన్‌..వంటివి. సోషల్‌ మీడియాలన్నింటిలో సెట్టింట్స్‌ ఒకేలా ఉండవు కదా..! అందుకే సామాజిక మాధ్యమ ఖాతాల్లో ప్రొఫైల్‌ పిక్‌ ఎలా మార్చుకోవాలో మీకోసం..

ట్విట్టర్:

• ట్విట్టర్​లో ఎడమవైపు కనిపిస్తున్న మెనూలో ప్రొఫైల్ ఓపెన్‌ చేసి ఎడిట్‌ ప్రొఫైల్‌ అనే ఆప్షన్‌పై క్లిక్‌ చేయాలి.
• అందులో మీకు ప్రొఫైల్‌ పిక్‌, టైమ్‌లైన్‌ ఫొటోలపై కెమెరా ఐకాన్‌ కనిపిస్తుంది.
• మీరు ఏ ఫొటో మార్చుకోవాలనుకుంటున్నారో దానిపై క్లిక్ చేసి ఫోన్‌ గ్యాలరీ లేదా డెస్క్‌టాప్‌ నుంచి ఫొటో సెలక్ట్ చేసుకోవాలి.
• తర్వాత కుడివైపు పైన ఉన్న అప్లై ఆప్షన్‌పై క్లిక్ చేస్తే ప్రొఫైల్‌ పిక్‌ మారిపోతుంది.
• టైమ్‌లైన్‌ ఫొటోను కూడా ఇదే తరహాలో మార్చుకోవచ్చు.

ఇన్‌స్టాగ్రామ్‌:

• ఇన్‌స్టాగ్రామ్‌ ఖాతాలోకి లాగిన్‌ అయిన తర్వాత యాప్‌లో కింద కుడివైపు ప్రొఫైల్‌ ఫొటో ఉంటుంది.
• దానిపై క్లిక్ చేసి ఎడిట్ ప్రొఫైల్‌ ఓపెన్ చేస్తే ఛేంజ్‌ ప్రొఫైల్‌ ఫొటో ఆప్షన్‌ కనిపిస్తుంది.
• అందులో ప్రొఫైల్‌ ఫొటోపై క్లిక్ చేయగానే న్యూ ప్రొఫైల్‌ ఫొటో, ఇంపోర్ట్ ఫ్రమ్‌ ఫేస్‌బుక్‌ ఆప్షన్లు కనిపిస్తాయి.
• న్యూ ప్రొఫైల్‌ ఫొటోపై క్లిక్ చేస్తే ఫోన్ గ్యాలరీ లేదా డెస్క్‌టాప్‌ నుంచి ఫొటోను సెలెక్ట్ చేసి సేవ్‌ చేయాలి.
• ఒకవేళ ఫేస్‌బుక్‌లో అప్‌లోడ్‌ చేసిన ఫొటోలు కావాలనుకుంటే ఇంపోర్ట్ ఫ్రమ్‌ ఫేస్‌బుక్‌ ఆప్షన్‌పై క్లిక్ చేసి అక్కడి గ్యాలరీలోని ఒక ఫొటోను ఇన్‌స్టాగ్రామ్‌ ప్రొఫైల్‌ పిక్‌ గా పెట్టుకోవచ్చు.
• ఇన్‌స్టాగ్రామ్‌ డెస్క్‌టాప్‌ వర్షన్‌లో పర్సన్‌ ఐకాన్‌పై క్లిక్‌ చేసి ప్రొఫైల్ ఫొటో సెలెక్ట్‌ చేసి మార్చుకోవచ్చు.

ఫేస్‌బుక్‌:

• ఫేస్‌బుక్‌ ఖాతాలోకి లాగిన్‌ తరువాత ప్రొఫైల్‌ పిక్‌ పై కనిపించే కెమెరా ఐకాన్‌పై క్లిక్ చేయాలి.
• తర్వాత మీరు ఫేస్‌బుక్‌ ఖాతాలో అప్‌లోడ్‌ చేసిన ఫొటోలను చూపిస్తుంది.
• వాటి నుంచి మీకు కావాల్సిన ఫొటోను సెలెక్ట్ చేసి ప్రొఫైల్‌ పిక్‌గా పెట్టుకోవవచ్చు.
• ఒకవేళ ఫేస్‌బుక్‌ గ్యాలరీ నుంచి కాకుండా కొత్త ఫొటోను డీపీగా పెట్టుకోవాలనుకుంటే అప్‌లోడ్ ఫొటో ఆప్షన్‌పై క్లిక్‌ చేయాలి.
• తర్వాత మీ ఫోన్‌ లేదా డెస్క్‌టాప్‌/పీసీలోని ఫొటోలను చూపిస్తుంది.
• వాటిలో మీకు నచ్చిన ఫొటోను సెలెక్ట్ చేసి సేవ్‌ చేసుకుంటే ఫేస్‌బుక్‌ ప్రొఫైల్‌ పిక్‌/డీపీ మారిపోతుంది.
• ఒకవేళ టైమ్‌లైన్‌ ఫొటో మార్చుకోవాలనుకున్నా పైన పేర్కొన్న పద్ధతిని అనుసరించి మార్చుకోవచ్చు.

వాట్సాప్:

• యాప్‌ ఓపెన్‌ చేసిన తర్వాత సెట్టింగ్స్‌లోకి వెళితే ప్రొఫైల్‌ ఫొటో కనిపిస్తుంది.
• దానిపైన ఉన్న కెమెరా ఐకాన్‌పై క్లిక్ చేస్తే కెమెరా, గ్యాలరీ ఆప్షన్లు చూపిస్తుంది.
• ఫోన్‌ మెమొరీ నుంచి అప్‌లోడ్‌ చేయాలనుకుంటే గ్యాలరీపై క్లిక్ చేసి అందులోని ఫొటోను సెలెక్ట్ చేసుకోవచ్చు. అప్పటికప్పుడు ఫొటో తీసుకోవాలనుకుంటే కెమెరా ఆప్షన్‌పై క్లిక్ చేసి ప్రొఫైల్‌ ఫొటోను మార్చుకోవచ్చు.
• డెస్క్‌టాప్ వర్షన్‌లో ప్రొఫైల్‌ ఫొటోపై క్లిక్ చేస్తే కెమెరా సింబల్‌ కనిపిస్తుంది.
• దానిపై క్లిక్ చేసి డెస్క్‌టాప్‌ నుంచి నచ్చిన ఫొటోను సెలెక్ట్ చేసుకుని ప్రొఫైల్‌ పిక్ గా పెట్టుకోవచ్చు.

లింక్డ్‌ఇన్‌:

• లాగిన్‌ తర్వాత ప్రొఫైల్‌పై క్లిక్ చేస్తే ఎడిట్‌ ప్రొఫైల్‌ ఆప్షన్‌ ఉంటుంది.
• అందులో ప్రొఫైల్‌ పొటోపై క్లిక్ చేస్తే యాడ్ ప్రొఫైల్‌ ఫొటో, వీడియో, ఫ్రేమ్‌ ఆప్షన్లు కనిపిస్తాయి.
• వాటిలో ప్రొఫైల్ ఫొటో ఆప్షన్‌పై క్లిక్‌ చేసి ఫోన్ గ్యాలరీ లేదా డెస్క్‌టాప్‌ వర్షన్‌ నుంచి కావాల్సిన ఫొటోను సెలెక్ట్ చేసి సేవ్‌ చేస్తే ప్రొఫైల్ ఫొటో మారిపోతుంది.

ఇళ్లపై త్రివర్ణ పతాకాలు ఎగరేయవేయమనడం, సామాజిక మాధ్యమాల్లో ప్రొఫైల్‌ పిక్‌గా త్రివర్ణ పతాకాన్ని ఉంచమనడం సరైన నిర్ణయమా? మీ అభిప్రాయాలను కామెంట్ల రూపంలో తెలియజేయండి.