వరదలను క్యాష్ చేసుకుంటున్న హోటళ్ల యజమానులు! ఒక్కో గదికి రూ.40 వేల అద్దె..

గత కొన్ని రోజులుగా దేశంలోని పలు రాష్ట్రాల్లో భారీ వర్షాలు కురుస్తున్నాయి. ముఖ్యంగా కర్ణాటకలో వానలు బీభత్సం సృష్టిస్తున్నాయి. ఇక ఐదు రోజులుగా ఐటీ హబ్, గ్రీన్ సిటీ బెంగళూరు నగరం వరద నీటిలోనే నానుతోంది. ఇళ్లలోకి వరదనీరు చేరడంతో జనజీవనం అతలాకుతుమైంది. ప్రముఖులు ఉంటే ఎప్సిలాన్, యమలూరు తదితర ప్రాంతాలు నీట మునిగి ఓ మిని సముద్రాన్ని తలపిస్తున్నాయి. దీంతో బెంగళూరులోని పలు హోటల్స్ వరదనలు క్యాష్ చేసుకుంటున్నారు. హోటళ్ల లోని గదుల అద్దెలు అమాంతం పెంచేశారు.

గత కొన్ని రోజులుగా కర్ణాటకలోని పలు ప్రాంతాల్లో భారీ వర్షాలు కురుస్తోన్నాయి. ఇక బెంగుళూరు పరిస్థితి గురించి ప్రత్యేకంగా చెప్పనక్కర్లేదు. ఈ భారీ వరదల ధాటికి నగర ప్రజలు చిగురుటాకుల్లా వణికిపోతున్నారు. పలు ప్రాంతాల్లోని కాలనీల్లోకి నీరు చేరి.. భారీ ఆస్తి నష్టం సంభవించింది. ఇక పారిశ్రామిక దిగ్గజాలు, ధనవంతులు ఉంటే ప్రాంతాలు అయితే ఏకంగా నీట మునిగిపోయాయి. దీంతో వారికి సంబంధించిన పలు విలువైన వస్తువులు వరదల్లో కొట్టుకపోయాయి. ధనవంతుల కుటుంబాలు పడవలు, ట్రాక్టర్లు, ఇతర వాహనాలపై సురక్షిత ప్రాంతాలకు తరలిపోయిన దృశ్యాలు కూడా సోషల్ మీడియాలో వైరల్ అవుతోన్నాయి. వారు తమ విల్లాలను వదలి హోటళ్ల బాటపట్టారు.

ఈ అవకాశాని క్యాష్ చేసుకుంటున్న హోటళ్ల యజమానులు భారీగా డబ్బులు దండుకుంటున్నారు.స్టార్ హోటళ్లలో ఒక్కో గదికి రోజుకు రూ.40 వేల వరకూ అద్దె వసూలు చేస్తున్నారు. సాధారణంగా వీటి అద్దెలు రూ.10 వేల నుంచి రూ.20 మధ్యలో ఉంటాయి. అయితే ఈ వరదల కారణంగా అమాంతం అద్దెలు పెంచేశారు. వైట్ ఫీల్డ్ , ఔటర్ రింగ్ రోడ్డు, ఓల్డ్ ఎయిపోర్టు, కోరమంగళ మరికొన్ని ఇతర ప్రాంతాల్లోని అన్నీ హోటల్స్ బుక్కయిపోయాయి. మాములు రోజుల్లో ఓ పెద్ద హోటళ్లలోని కనిష్ట ధర రూ.18,113. అయితే, ప్రస్తుతం ఇది రూ. 30 వేలు దాటింది.

ఇక హోటళ్ల వాళ్లు చెప్పినంత ధర చెల్లిస్తామన్నా కొందరికి గదులు దొరకడం లేదంట. ఒక్కొక్కరూ 10 నుంచి 15 రోజులకు గదులను బుక్ చేసుకున్నారని హోటళ్ల సిబ్బంది తెలిపారు. మరోక వైపు చిన్న చిన్న హోటళ్లు వరద బాధితులకు రాయితీతో గదులు అద్దెకు ఇచ్చేందుకు ముందుకొచ్చాయి. మరి.. వరదల సమయంలో హోటళ్లు అద్దెలు పెంచడంపై మీ అభిప్రాయాలను కామెంట్స్ రూపంలో తెలియజేయండి.

#BengaluruFloods: Water floods Epsilon Villa in #Bengaluru pic.twitter.com/w2340WXwW7

— TOI Bengaluru (@TOIBengaluru) September 7, 2022

⛈️ Massive and Carnage Spell thrashed #Bengaluru City yesterday night. As a result, sudden flash floods happened at many parts of city. IMD readings says 130 mm Rains recorded.

*Credits to respective owners #bengalururains #bangalorerains #floods #thunderstorms pic.twitter.com/nxWQKHCRh7

— EVK Weather Forecast (@Evkwf_18) September 5, 2022

 

• ఇదీ చదవండి: వీడియో: అతని స్వీట్ బాక్స్ లో రూ. 54 లక్షలు దొరికాయి!
• ఇదీ చదవండి: వీడియో: ఫోన్‌ కోసం ప్రాణాలకు తెగించి దొంగతో పోరాడిన యువతి!