ప్రతి గృహిణికి నెలకు రూ.2 వేలు.. ఎన్నికల వేళ కాంగ్రెస్ వరాల జల్లు!

కాంగ్రెస్ పార్టీ దేశవ్యాప్తంగా తిరిగి అధికారంలోకి రావాలని పావులు కదుపుతోంది. ఎప్పటికప్పుడు మారుతున్న లెక్కలకు అనుగుణంగా అధిష్టానం వ్యూహాలు రచిస్తోంది. హిమాచల్ ప్రదేశ్ లో విజయం తర్వాత కాంగ్రెస్ నేతలు, కార్యకర్తల్లో విశ్వాసం పెరిగింది. అదే జోష్ ని కంటిన్యూ చేసేందుకు సరికొత్త ప్రణాళికలు రచిస్తున్నట్లు కనిపిస్తోంది. కర్ణాటకలో అధికారం చేజిక్కించుకునేందుకు కాంగ్రెస్ కొత్త వ్యూహాలను అమలు చేయడం ప్రారంభించింది. వచ్చే అసెంబ్లీ ఎన్నికల్లో విజయం సాధిస్తామంటూ ధీమా కూడా వ్యక్తం చేస్తున్నారు.

ప్రస్తుతం కాంగ్రెస్ పార్టీ ప్రధాన కార్యదర్శి ప్రియాంక గాంధీ వాద్రా కర్ణాటకలో పర్యటిస్తున్నారు. సోమవారం కాంగ్రెస్ పార్టీ కర్ణాటకలో తీసుకురావాలి అని భావిస్తున్న ఓ పథకం గురించి ప్రజలకు వెల్లడించారు. గృహలక్ష్మి పేరిట తాము కొత్త పథకం తీసుకురావాలని చూస్తున్నట్లు చెప్పుకొచ్చారు. ఈ గృహలక్ష్మి పథకం కింద కర్ణాటకలో ఉన్న ప్రతి గృహిణికి నెలకు రూ.2 వేలు నేరుగా ఖాతాల్లో జమ చేస్తామని హామీ ఇస్తున్నారు. గృహిణులు తమ కాళ్ల మీద తాము నిలబడేందుకు తాము కృషిచేస్తామంటూ భరోసా కల్పిస్తున్నారు.

ఈ పథకం గురించి ప్రియాంక వాద్రా మాట్లాడుతూ.. “కర్ణాటకలో ఉన్న గృహిణుల కోసం గృహలక్ష్మి పథకాన్ని తీసుకొచ్చాం. పెరుగుతున్న వంటగ్యాస్, నిత్యావసర ధరల నుంచి వారికి ఊరట కలిగించేందుకే ఈ పథకాన్ని ప్రవేశ పెట్టాలని భావిస్తున్నాం. ప్రతి గృహిణిని తమ కాళ్ల తాము నిలబడేలా చేసేందుకే ఈ ప్రయత్నం. అందులో భాగంగానే ఆర్థికసాయం చేయాలని చూస్తున్నాం. నెలకు రూ.2 వేలు చొప్పున ఏడాదికి రూ.24 వేలు నేరుగా మహిళల ఖాతాల్లోనే జమ అవుతాయి” అంటూ ప్రియాంక వాద్రా వ్యాఖ్యానించారు.

ఎన్నికల్లో విజయం సాధించడమే లక్ష్యంగా ఇప్పటికే కర్ణాటకలో కాంగ్రెస్ పార్టీ చాలా హామీలు ఇచ్చింది. తమని గెలిపిస్తే ప్రతి ఇంటికి నెలకు 200 యూనిట్లు కరెంట్ ఉచితంగా ఇస్తామన్నారు. ఇప్పుడు హృహలక్ష్మి అంటూ మరో హామీతో ప్రజల ముందుకు వచ్చారు. హిమాచల్ ప్రదేశ్ లో విజయం వెనకాల ప్రియాంక వాద్రా కీలకపాత్ర పోషించారని చెబుతున్నారు. ఇప్పుడు కర్ణాటకలో కూడా కాంగ్రెస్ పార్టీని అధికారంలోకి తీసుకురావడానికి ప్రియాంక వాద్రా సరికొత్త వ్యూహాలతో ముందుకొస్తున్నట్లు చెబుతున్నారు.

ಕಾಂಗ್ರೆಸ್‌ ಗೃಹಲಕ್ಷ್ಮಿ!

ಕರ್ನಾಟಕದ ಪ್ರತಿ ಮನೆ ಯಜಮಾನಿಗೆ ಮಾಸಿಕ 2000 ರೂಪಾಯಿ.
ಇದು ಕೇವಲ ಭರವಸೆಯಲ್ಲ, ಇದು ಗ್ಯಾರಂಟಿ.

Congress’s Gruhalakshmi-
Rs. 2000 every month to every woman-head in Karnataka.
It is not a promise IT’S A GUARANTEE#KarnatakaWantsCongress pic.twitter.com/Hr6PQDUExf

— DK Shivakumar (@DKShivakumar) January 16, 2023