సన్యాసిని ముసుగులో దేశ వ్యతిరేక పనులు..! మహిళను అరెస్టు చేసిన పోలీసులు!

గత కొంత కాలంగా భారత్-చైనా మద్య పచ్చగడ్డి వేస్తే భగ్గుమంటుంది. ఇప్పటికే చైనా రక రకాల కుట్రలు పన్నతూ సైనికులను మట్టపెడుతున్న విషయం తెలిసిందే. వాస్తవాధీన రేఖ వెంట ఉన్న తూర్పు లద్ధాఖ్ లో ఇప్పటికీ టెన్షన్ వాతావరణం కనిపిస్తూనే ఉంటుంది. ఓ వైపు స్నేహ హస్తం చాపుతూనే చైనా కుతంత్రాలు పన్నుతుంది. ఇటీవల చైనా సరిహద్దులో మాటువేసి సైన్యంపై దాడులు చేసిన ఘటనపై యావత్ భారత దేశం చైనాపై ఆగ్రహం వ్యక్తం చేశారు. తాజాగా చైనా కు చెందిన ఓ మహిళ బౌద్ద సన్యాసిని ముసుగులో దేశ వ్యతిరేక కార్యాకలపాలకు పాల్పపడుతున్న అనుమానంపై ఢిల్లీ పోలీసులు అరెస్ట్ చేశారు.

చైనాలోని హైనస్ ప్రావిన్స్ కి చెందిన కై రువో అనే మహిళ నేపాల్ లోని ఖాట్మాండ్ ప్రాంతం నుంచి వచ్చినట్లు నమ్మించి ఢిల్లీలోని టిబెట్ శరణార్ధుల క్యాంప్ లో కొంత కాలంగా ఆశ్రయం పొందుతుంది. బౌద్ధ సన్యాసినిగా ఉంటున్న ఆమె కదలికలు అనుమానాస్పదంగా ఉండటంతో పోలీసులు అదుపులోకి తీసుకొని విచారించారు. సాధారణంగా ఢిల్లి యూనివర్సిటీల్ క్యాంపస్ కి టూరిస్టులు వస్తుంటారు. కొంత మంది విదేశీ టూరిస్టులు ఢిల్లీలో టిబెట్ శరణార్థుల శిభిరంలో ఆశ్రయం పొందుతుంటారు.

భారత్ లో బౌద్ద సన్యాసినిగా ఉంటూ దేశ వ్యతిరేక చర్యలకు పాల్పపడుతున్నట్లు పోలీసులు ఆరోపిస్తున్నారు. అంతేకాదు ఆమె చైనా తరుపు నుంచి గుఢాచారిగా వ్యవహరిస్తున్నట్లు అనుమానం వ్యక్తం చేస్తున్నారు. ఈ క్రమంలో లోల్మా లామా అనే పేరుతో ఉన్న పౌరసత్వ ధృవీకరణ పత్రాన్ని పోలీసులు స్వాధీనం చేసుకున్నారు. విచారణ జరిపిన తర్వాత ఆమె చైనా దేశస్తురాలిగా గుర్తించారు. ఆమె 2019 లో భారత్ కి వచ్చినట్లు పోలీసులు తెలిపారు. ఈ క్రమంలో ఆమెపై ఐపీసీ, ఫారినర్స్ యాక్ట్ లోని పలు సెక్షన్ల కింద కేసు నమోదు చేసినట్లు పోలీసలు తెలిపారు.

Delhi | A Chinese woman, Cai Ruo arrested for alleged involvement in anti-national activities. One Nepali citizenship certificate in the name of Dolma Lama recovered from her. However, it was found that she’s Chinese&travelled to India in ’19 on Chinese passport. Case registered.

— ANI (@ANI) October 20, 2022

• ఇది చదవండి: వీడియో: భుజంపై చిన్నారి మృతదేహాన్ని వేసుకుని బస్సులో ప్రయాణం!