ఐడియా అదుర్స్.. ఆనంద్ మహేంద్రా మెచ్చిన బైక్!

భారత దేశంలో ఎంతో మంది పారిశ్రామివేత్తలు ఉన్నా.. వారిలో ఆనంద్ మహీంద్రా తీరు ప్రత్యేకంగా ఉంటుంది. బిజినెస్ పనుల్లో ఎంతో బిజీగా ఉన్నా.. ఆయన సోషల్ మీడియాలో ఎప్పుడూ యాక్టీవ్ గా ఉంటారు. సృజనాత్మకత ఏ రూపంలో ఉన్నా.. స్ఫూర్తినిచ్చే వీడియోలు ట్విట్టర్ లో షేర్ చేస్తూ ఎంతో మంది ఔత్సాహికులను ప్రోత్సహిస్తూ ఉంటారు. టాలెంట్ ఉండి గుర్తింపు లేనివారిని వెలుగులోకి తీసుకురావడమే కాదు.. వారికి తన కంపెనీలో ఉద్యోగవకాశాలు కూడా కల్పిస్తుంటారు. ముఖ్యంగా గ్రామీణ ప్రాంతాల్లో ఆసక్తికర వీడియోలు ఎక్కువగా షేర్ చేస్తుంటారు. ఉన్నా దాన్ని వెలికితీసి ప్రోత్సహిస్తూ ఉంటారు. తాజాగా ఆనంద్ మహేంద్రా ఓ యువకుడి సృజనాత్మకతను నెటిజన్లకు పరిచయం చేశారు.

ఓ యువకుడు వినూత్నమైన వాహనాన్ని తయారు చేశాడు. ఈ వాహనంలో పెద్ద సైజ్ బైక్ లా కనిపిస్తుంది. ఈ పొడవాటి బైక్ లో ఆరుగురు కూర్చునే విధంగా సీట్లు కూడా ఏర్పాటు చేశాడు. ఇది బ్యాటరీతో రన్ అవుతుంది. ఈ వీడియో షేర్ చేసిన ఆనంద్ మహీంద్రా ‘గ్రామీణ ప్రాంతాల్లో ఎప్పుడూ ఏదో ఒక వినూత్న ఆవిష్కరణలు జరుగుతూనే ఉంటాయి.. అవి ఎక్కువగా రవాణా రంగానికి సంబంధించినవి కావడం విశేషం.. ఇక్కడ అవసరాలు కొత్త ఆవిష్కరణలతకు నాంది పలుకుతాయి’అంటూ ట్వీట్ చేశారు.

 

ఈ వీడియోలో ఆ యువకుడు తాను రూపొందించిన బైక్ కి సంబందించిన వివరాలు తెలియజేశాడు. దీని తయారీ కోసం రూ.12 వేలు ఖర్చు చేశానని.. ఒక్కసారి చార్జింగ్ పెడితే 150 కిలోమీటర్ల వరకు ప్రయాణించవొచ్చు అని.. దానికోసం ఒక్కసారికి రూ.8 ఖర్చు అవుతుందని పేర్కొన్నాడు. గ్రామీణ ప్రాంతాల్లో ఇది ఎంతో సౌకర్యంగా ఉంటుందని తెలిపాడు. ఈ వీడియో చూసి యువకుడి సృజనాత్మకతకు నెటిజన్లు ఫిదా అవుతున్నారు. ప్రస్తుతం సోషల్ మీడియాలో ఈ వీడియో వైలర్ అవుతుంది.

With just small design inputs, (cylindrical sections for the chassis @BosePratap ?) this device could find global application. As a tour ‘bus’ in crowded European tourist centres? I’m always impressed by rural transport innovations, where necessity is the mother of invention. pic.twitter.com/yoibxXa8mx

— anand mahindra (@anandmahindra) December 1, 2022