follow us:
దక్షిణాఫ్రికాలో వెలుగుచూసిన కొత్తరకం వేరియంట్ డెల్టా కంటే ఆరు రెట్ల వేగంతో వ్యాప్తిచెందుతున్నట్టు పరిశోధనల్లో వెల్లడయ్యింది. ఇప్పటికే ఈ వేరియంట్ 77కిపైగా దేశాలకు వ్యాపించింది. ఒమిక్రాన్ తో మ‌ర‌ణాలు పెరిగే అవకాశం ఉందని ప్రపంచ ఆరోగ్య సంస్థ(డబ్ల్యూహెచ్ఓ) హెచ్చరించింది. ఆసుప‌త్రుల్లో రోగుల వివ‌రాలు అందించాలని సూచించింది. ఈ నేపథ్యంలో ప్రపంచ దేశాలు వైరస్ కట్టడికి తగు చర్యలు చేపట్టాలని సూచించింది.
‘ఒమిక్రాన్ వేరియంట్ ఇప్పటికే 77 దేశాలకు విస్తరించింది. ఇది అత్యంత వేగంగా చాలా దేశాలకు విస్తరించే అవకాశం ఉంది’ అని ప్రపంచ ఆరోగ్యసంస్థ చీఫ్ టెడ్రోస్‌ అధనామ్‌ గెబ్రెయేసస్‌ పేర్కొన్నారు. గత వైరస్ లతో పోల్చవొద్దని.. ఇది స్వల్ప వ్యాధి మాత్రమేనంటూ నిర్ధారణకు రావద్దని డబ్ల్యూహెచ్ఓ నిపుణుడు బ్రూస్‌ అయిల్‌వార్డ్‌ హెచ్చరించారు. అమెరికాలో బయటపడుతోన్న కేసుల్లో మూడుశాతం ఈ రకమే ఉంటున్నాయి. యూరప్‌లోనూ ఆస్పత్రి చేరికలు పెరుగుతుండగా.. ఇప్పటికే అక్కడ తొలి మరణం సంభవించింది. ఈ నేపథ్యంలో మరోసారి కఠిన ఆంక్షలు విధించే యోచనలో బ్రిటన్‌ ప్రభుత్వం ఉన్నట్లు సమాచారం. బ్రిట‌న్‌లో వ‌చ్చే ఏప్రిల్ వరకు 25 నుంచి 75 వేల మ‌ర‌ణాలు సంభ‌వించే అవకాశం ఉందని ప్రపంచ ఆరోగ్య సంస్థ అంచనా వేసింది.
ఇదీ చదవండి : ఉప్పల్ స్టేడియానికి కరెంట్ నిలిపివేత!
ఇక డెల్టా వేరియంట్‌తో పోలిస్తే కొత్తగా బయటపడిన ఒమిక్రాన్ వేరియంట్ విస్తృత వేగంతో వ్యాపిస్తున్నట్లు ఇప్పటికే పలు నివేదికలు వెల్లడిస్తున్నాయి. ఇప్పటి వరకు వాడుతున్న వ్యాక్సిన్లు ఒమిక్రాన్ తో పోరాడే శక్తి తక్కువ సామర్థ్యం కలిగివున్నట్లు పలు అధ్యయనాలు వెల్లడిస్తున్నాయి. మరోవైపు తాజాగా ఫైజర్‌ రూపొందించిన యాంటీవైరల్‌ మాత్ర మాత్రం ఒమిక్రాన్ వేరియంట్‌పై సమర్థంగా పనిచేస్తోందని తుది ఫలితాల విశ్లేషణలో వెల్లడైంది. ఏది ఏమైనా కరోనా నిబంధనలు కఠినతరం చేయాలని.. మాస్క్, భౌతిక దూరాలు పాటించాలని అన్ని దేశాలకు ప్రపంచ ఆరోగ్య సంస్థ సూచించింది.
Omicron is spreading at a rate we have not seen with any previous variant. I need to be very clear: vaccines alone will not get any country out of this crisis.
It’s not vaccines instead of masks, distancing, ventilation or hand hygiene.
Do it all. Do it consistently. Do it well. pic.twitter.com/YAVfJXsviQ— Tedros Adhanom Ghebreyesus (@DrTedros) December 14, 2021
