follow us:
మనం ఎక్కడికో వెళ్లడానికి బస్సో, కారో ఎక్కాం అనుకుందాం. ఉన్నట్టుండి డ్రైవర్‌ స్థానంలో ఉన్న వ్యక్తి స్పృహ తప్పి పడిపోయాడు అనుకుందాం.. అప్పుడు వెంటనే కలిగే ఫీలింగ్‌ భయం. ఇక డ్రైవింగ్‌ రాని వారు ఉంటే.. ఆ భయంతో గుండె ఆగిపోయిన ఆశ్చర్యపోవాల్సిన పనిలేదు. ఇలాంటి సమయాల్లో మనల్ని కాపాడేది సమయస్ఫూర్తి, ధైర్యం. ఇప్పుడు ఈ టాపిక్‌ ఎందుకంటే.. తాజాగా విమానం గాల్లో ప్రయాణిస్తుండగా.. పైలెట్ స్పృహ తప్పిపడిపోయాడు. ఎన్ని ప్రయత్నాలు చేసినా.. అతడు మేలుకోలేదు. పరిస్థితి చూసి ప్రయాణికులు తీవ్రంగా ఆందోళన చెందారు. ఏం జరుగుతుందో అర్థం కాని పరిస్థితి. కారో, బస్సో అయితే బ్రేక్‌ వేసి పక్కకు ఆపేవారు. కానీ ఇదేమో గాల్లో ఎగురుతున్న విమానం.. ఇప్పుడేంటి పరిస్థితి.. ఇక అందరం చనిపోవాల్సిందేనా అని భయపడుతుండగా.. విమానంలోని ఓ వ్యక్తి ధైర్యం చేసి ముందుకు వచ్చాడు. పైలెట్ స్థానంలో కూర్చుని.. ఎయిర్ ట్రాఫిక్ కంట్రోల్ వారితో టచ్‌లో ఉంటూ.. వారి సూచనలు పాటిస్తూ.. విమానాన్ని సురక్షితంగా ల్యాండ్ చేశాడు. ప్రస్తుతం ఇందకు సంబంధించిన వీడియో వైరలవుతోంది. ఆ వివరాలు..
ఇది కూడా చదవండి: Alia Ismail: ఈ మహిళ.. పురుషుడిగా మారి.. శరీరంలో వచ్చిన మార్పులు నచ్చక మరలా మహిళగా..!
అమెరికా, ఫ్లోరిడా అట్లాంటిక్ తీరంలో మంగళవారం ఈ ఘటన జరిగింది. ఫ్లోరిడా నుంచి విమానం టేకాఫ్ అయిన కాసేపటికే ఫైలెట్ తీవ్ర అనారోగ్యంతో అపస్మారక స్థితిలోకి వెళ్లాడు. ఇంతలో తన ప్రెగ్నెంట్ భార్యతో అదే విమానంలో ప్రయాణిస్తున్న ఓ వ్యక్తి… గబగబా పైలెట్‌ని పక్కకు జరిపి… అతని సీటులో కూర్చున్నాడు. ఫోర్ట్ పియర్స్‌లోని ఎయిర్ ట్రాఫిక్ కంట్రోల్ వారితో టచ్‌లో ఉంటూ… ఇప్పుడు ఏం చెయ్యమంటారు అని అడిగాడు. నిజానికి అతనికి విమానాలకు సంబంధించి ఎలాంటి అనుభవమూ లేదు. అయినప్పటికీ వాళ్లు ఏం చెబితే అది చేయసాగాడు. పైలెట్ స్పృహ తప్పిన సమయంలో విమానం ఫ్లోరిడా తీరంపై ఎగురుతూ ఉంది. మరో 105 కిలోమీటర్ల అవతల డెస్టినేషన్ ఉంది. తనకు విమానం నడపడం అసలు తెలియదని పేర్కొన్నాడు.
ఇది కూడా చదవండి: ఆర్థిక కష్టాల్లో KA పాల్! EMI కూడా కట్టలేకపోతున్నాడా?
ప్రయాణికుడి సందేశం విని ఫోర్ట్ పీర్స్ ఎయిర్ ట్రాఫిక్ కంట్రోలర్ స్పందించాడు. సింగిల్ ఇంజిన్ సెస్నా 280 పొజిషన్ గురించి తెలుసా. అని ప్యాసెంజర్ను అడిగారు. అందుకు అతను బదులిస్తూ.. తనకు ఏమీ తెలియదని, తన ముందు ఫ్లోరిడా తీరమే కన్పిస్తుందని భయాందోళనతో చెప్పాడు. అనంతరం విమానాన్ని ప్యాసెంజర్ సీటు నుంచే నడిపేలా కంట్రోల్స్ను ఎనేబుల్ చేశారు ఎయిర్ ట్రాఫిక్ సిబ్బంది. ప్రయాణికుడ్ని శాంతింపజేసి వింగ్స్ లెవెల్ మెయింటెన్ చేయమని సూచించారు. ఎలా అయితినేం.. చివరకు అతను విమానాన్ని పామ్ పీచ్ ఇంటర్నేషనల్ ఎయిర్‌పోర్టులో జాగ్రత్తగా ల్యాండ్ చేశాడు.
ఇది కూడా చదవండి: యువకుడి ప్రాణాలు కాపాడిన హెడ్‌ ఫోన్‌.. ఎలా అంటే!
ప్రస్తుతం ఇందుకు సంబంధించిన వీడియో క్లిప్ ఇప్పుడు సోషల్ మీడియాలో వైరల్ అయ్యింది. ఆ ప్రయాణికుడు చేసిన సాహసాన్ని ప్రశంసిస్తున్నారు నెటిజనులు. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.
This is brand new video (courtesy of Jeff Chandler) of a passenger landing a plane today at PBIA.
His pilot had passed out, and the passenger with zero flight experience was forced to land the plane.
Team coverage of this amazing landing is on @WPBF25News at 11. pic.twitter.com/jFLIlTp6Zs
— Ari Hait (@wpbf_ari) May 11, 2022
