follow us:
ప్రేమ గుడ్డిది అంటారు. దానికి కులం, మతం, పేద, ధనిక తేడా తెలియదు. ఓ వ్యక్తి మనసుకు నచ్చితే చాలు.. వీటన్నింటనికి పక్కకు పెట్టి మరీ.. ప్రేమించిన వారి కోసం పరితపిస్తారు. అవసరమయితే.. వారి కోసం కన్నవాళ్లని కూడా వదులుకుంటారు. ఇక కొందరి ప్రేమ వ్యవహారాలను చూస్తే.. నిజంగానే ప్రేమ గుడ్డిది అనిపిస్తుంది. ఇలాంటి వారు కన్నవారినే కాకుండా.. కట్టుకున్నవారిని, కడుపున పుట్టిన వారిని కూడా ఖతరు చేయరు. వయసు తేడాలను అసలే పట్టించుకోరు. మనసుకు నచ్చిన వ్యక్తి కోసం అయిన వారిని వదులుకుని మరీ వెళ్తారు. ఇక వారి గురించి సమాజం ఏం అనుకున్నా పట్టించుకోదు. ఇదిగో ఈ కోవకు చెందిన లవ్‌ స్టోరీ నెట్టింట వైరల్‌గా మారింది. వారిద్దరి మధ్య సుమారు 40 ఏళ్ల వ్యత్యాసం ఉంటుంది. ఆమెకు 64 ఏళ్లు అయితే.. అతడికి 24. అయినా సరే వారిద్దరు ప్రేమించుకున్నారు. అందరిని ఎదిరించి పెళ్లి చేసుకున్నారు. ఇక తాజాగా బిడ్డల్ని కనడం కోసం ప్రయత్నాలు ప్రారంభించి.. కోట్ల రూపాయలు ఖర్చు పెడుతున్నారు. ఆ వివరాలు..
అమెరికాకు చెందిన చెరిల్ మెక్ గ్రెగెర్ అనే 61 ఏళ్ల బామ్మ, ఖురాన్ మెక్ కెయిన్ అనే 24 ఏళ్ల యువకుడితో ప్రేమలో పడింది. ఇద్దరు ఒకరినొకరు ఘాటుగా ప్రేమించుకున్నారు. పెళ్లి బంధంతో ఒక్కటవ్వాలనుకున్నారు. ఇందుకు కుటుంబ సభ్యులు, సమాజం అంగీకరించదని వారి కూడా తెలుసు. అయినా సరే అందరిని ఎదిరించి.. 2021 లో వివాహ బంధంతో వీరిద్దరు ఒక్కటయ్యారు. కుటుంబ సభ్యులు వీరి ప్రేమను అంగీకరించలేదు. అయినా సరే వీరిద్దరూ దాన్ని పట్టించుకోకుండా.. తమ జీవితాన్ని వారికి నచ్చినట్లు జీవించసాగారు.
ఇది కూడా చదవండి: Burger King Employee: 27 ఏళ్లుగా ఒక్కరోజు కూడా శెలవు తీసుకోని ఉద్యోగికి ఏకంగా రూ.2 కోట్లు!
అందరిని ఎదిరించి వివాహం చేసుకున్న ఈ జంట.. ప్రస్తుతం పిల్లలను కనాలని అనుకున్నారు. అనేక ఆస్పత్రులకు తిరిగారు. అయితే, వయసులో వీరి మధ్య 37 ఏళ్ల గ్యాప్ ఉంది. దీంతో పిల్లలను కనడానికి చెరిల్ మెక్ గ్రెగెర్‌కు శరీరం సహకరించలేదు. అంతేకాకుండా.. ఖురాన్ మెక్ కాయిన్‌కు ఇది తొలిసంతానం. ఇక.. మెక్ గ్రెగర్‌ఇప్పటికే.. ఏడుగురు పిల్లలు ఉన్నారు. అయినప్పటికి ఈ జంట ఓ బిడ్డను కనాలని భావించారు. ఇందుకోసం వీరు సరోగసిని ఆశ్రయించారు. దీని కోసం వీరిద్దరూ ఏకంగా 1.14 కోట్ల రూపాయలు ఖర్చు చేస్తున్నట్లు సమాచారం. తమ ప్రేమకు గుర్తుగా రాబోయే బిడ్డకోసం ఎంతైన ఖర్చు చేస్తామని వీరు అంటున్నారు. ప్రస్తుతం తమ బిడ్డ కోసం ఎంతో ఎక్సైట్ మెంట్ తో వెయిట్ చేస్తున్నామని అన్నారు. తనకు పుట్టబోయే బిడ్డ కోసం, చెరిల్ మెక్ గ్రెగర్ ఇప్పటికే షాపింగ్ కూడా ప్రారంభించారు. ప్రసుత్తం సరోగసి ప్రాసెస్‌ను ప్రారంభించారు. ఇక 2023లో సరోగసి ద్వారా వీరికి బిడ్డ పుట్టబోతున్నట్లు సమాచారం.
ఇది కూడా చదవండి: Video: ఇదెక్కడి విడ్డూరం.. మొసలిని పెళ్లాడిన మేయర్.. ఎందుకంటే?
ఖురాన్‌కు 15 ఏళ్ల వయసు ఉన్నప్పుడు.. చెరిల్ కొడుకు నిర్వహిస్తున్న ఫాస్ట్‌ ఫుడ్‌ సెంటర్‌లో పనిచేసేవాడు. అప్పటి నుంచి వీరి మధ్య పరిచయం ఏర్పడింది. ఆ తర్వాత.. ఇది ప్రేమగా మారి పెళ్లి బంధంతో ఒక్కటయ్యారు. ఇప్పుడు.. పెళ్లి చేసుకుని, బిడ్డకు జన్మనివ్వడానికి ప్లాన్ చేస్తున్నారు. అయితే, దీనికోసం ఈ దంపతులు ఖర్చు 1.14 కోట్లు పెడుతున్నారు. ప్రస్తుతం ఈ ఘటన నెట్టింట వైరల్ గా మారింది. ఈ వార్త విన్న నెటిజనులు.. మీ ప్రేమనే జీర్ణించుకోలేకపోతున్నాం.. ఇక పిల్లలు కూడానా.. ఈ వయసులో పిల్లల్ని కని.. వారిని ఇబ్బంది పెట్టడమే తప్ప.. దీని వల్ల ప్రయోజనం ఏంటని ప్రశ్నిస్తున్నారు. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.
ఇది కూడా చదవండి: Love: 11 ఏళ్లకే ప్రేమ.. లవర్‌ తండ్రిని ప్రేమించిన అమ్మాయి!..
