follow us:
రష్యా, ఉక్రెయిన్ మధ్య భీకర యుద్ధం గత కొన్ని రోజుల నుంచి కొనసాగుతూనే ఉంది. విచక్షణ రహితంగా రష్యా సైన్యం దాడులకు తెగబడుతూనే ఉంది. ఇదే సమయంలో ఉక్రెయిన్ బలగాలు సైతం తీవ్రంగా ప్రతిఘటిస్తున్నాయి. మరోపక్క రష్యా చర్యలను ప్రపంచ దేశాలు తీవ్రంగా ఖండిస్తున్నాయి. ఈ క్రమంలో అన్ని వైపుల నుంచి రష్యా అధ్యక్షుడు పుతిన్ కి విపరీత ఒత్తిడులు ఎదురవుతున్నాయి. పుతిన్ కే కాదు అతని కుటుంబ సభ్యులు సైతం అనేక విమర్శలు ఎదుర్కొంటున్నారు. తాజాగా పుతిన్ కుమార్తె ఊహించని ట్రోలింగ్ కు గురవుతోంది.
రష్యా రోజులు గడుస్తూన్న ఉక్రెయిన్ పై పంజా విసురుతూనే ఉంది. బాంబుల మోతతో ఉక్రెయిన్ అట్టుడికిపోతోంది. ఈ క్రమంలో ప్రపంచ దేశాల నుంచి రష్యా అధ్యక్షుడు వ్లాదిమిర్ పుతిన్ తీవ్ర ఒత్తిడి ఎదుర్కొంటున్నారు. ఇదేసమయంలో ఉద్రిక్త పరిస్థితుల నడుమ.. పుతిన్ ముద్దుల కుతూరు లూయిజా రోజో పై సోషల్ మీడియాలో విపరీతంగా ట్రోల్స్ వస్తున్నాయి. తాజాగా ఉక్రెయిన్ పై దాడి జరుగతుండటంతో.. ఆమెకు భారీగా ట్రోలింగ్స్ వస్తున్నాయి. దాంతో ఆమె తన ప్రొఫైల్ ను పూర్తిగా తొలగించడం ఇప్పుడు చర్చనీయాంశంగా మారింది.
తండ్రి చర్యల కారణంగా ఆమెను అసభ్యంగా దుర్భాషలాడుతూ.. పోస్టులు పెడుతున్నారు. ఎంతలా అంటే.. ఎలుకలా నువ్వు కలుగులో దాక్కున్నావా..? బయట ఏం జరుగుతుందో కొంచెమైనా నీకు తెలుస్తోందా..? మీ నాన్న ఏం చేస్తున్నాడో చూస్తున్నావా..? పుతిన్ కు చెప్పొచ్చు కదా యుద్దం ఆపమని.. ఇలా పెద్ద ఎత్తున ఆగ్రహంతో పోస్టులు పెడుతున్నారు. అయితే ఆయన తీసుకున్న నిర్ణయాలకు కుటుంబ సభ్యులను లక్ష్యంగా చేసుకుని సామాజిక మాధ్యమాల్లో దాడులకు పాల్పడటం సరికాదని కొందరు కామెంట్స్ చేస్తున్నారు. మరి.. ఈ విషయంపై మీ అభిప్రాయాలను కామెంట్స్ రూపంలో తెలియజేయండి.
మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.
