విషాదం.. రెస్టారెంట్‌లో సిలిండర్ పేలి 31 మంది మృతి

సాధారణంగా నిత్య జీవితంలో అనుకోకుండా ఎన్నో ప్రమాదాలు జరుగుతుంటాయి. ఇంట్లో, హోటల్స్‌లో, రెస్టారెంట్స్‌లో ఊహించని అగ్నిప్రమాదాలు ఎన్నో జరుగుతుంటాయి. ఈ ప్రమాదాల వల్ల అనేక మంది దుర్మరణం పాలవుతున్నారు. కొందరు జీవితాంతం అవిటివారు అవుతున్నారు. మరికొందరు ప్రమాదాలనుండి గాయాలతో బయటపడుతున్నారు. హఠాత్తుగా జరిగే ప్రమాదాలలో చిక్కుకుని ప్రాణాలు కోల్పోయేవారు చాలామంది ఉన్నారు.  అధికారులు ముఖ్యంగా అగ్నిప్రమాదాలపై అవగాహన కల్పించి, వాటి నివారణకు  చర్యలు కూడా తెలుపుతున్నారు. అయినా ప్రమాదాలు జరుగుతూనే ఉన్నాయి.  చైనాలోని ఇంచువాన్ సిటీలో ఘోర అగ్నిప్రమాదం చోటు చేసుకుంది. ప్రమాదంలో 31 మంది మంటల్లో ప్రాణాలు వదిలారు. క్షతగాత్రులను ఆస్పత్రికి తరలించారు. గాయపడ్డ వారికి మెరుగైన చికిత్స అందిస్తామని.. వారికి పూర్తి సహకారమందిస్తామని అధికారులు హామీ ఇచ్చారు. పూర్తి వివరాల్లోకి వెళితే..

మన పొరుగు దేశమైన చైనాలో ఘోర అగ్నిప్రమాదం చోటుచేసుకుంది. ఓ రెస్టారెంట్‌లో గ్యాస్ సిలిండర్ పేలి 31 మంది చనిపోయారు. మరో ఏడుగురి పరిస్థితి విషమంగా ఉంది. చాలామంది తీవ్రంగా గాయాలపాలయ్యారు. మృతుల్లో ఎక్కువ మంది ఫెస్టివల్ హాలిడేస్‌కు తమ చుట్టాల ఇళ్లకు వచ్చినవారే. ఉత్తర పాశ్చాత్య నగరం ఇంచువాన్‌లో బుధవారం ఘోర అగ్ని ప్రమాదం జరిగింది. ఓ చిన్న రెస్టారెంట్‌లో గ్యాస్ సిలిండర్ లీకైంది. రెస్టారెంట్ జనాల రద్దీతో కిక్కిరిసిపోయింది. కాసేపటికి ఒక్కసారిగా పేలుడు సంభవించింది. మంటలు ఎగిసిపడ్డాయి. భారీగా ఎగిసపడ్డ మంటల్లో 31 మంది అగ్నిలో సజీవదహనం అయ్యారు. చాలామందికి గాయాలయ్యాయి. స్థానికుల సమాచారం మేరకు అగ్నిమాపక సిబ్బంది ఘటనా స్థలికి చేరుకున్నారు. మంటలను అదుపు చేసే ప్రయత్నం చేశారు. బుధవారం రాత్రి 8 గంటల ప్రాంతంలో పేలుడు సంభవించగా.. గురువారం తెల్లవారుజామున మంటలు పూర్తిగా అదుపులోకి వచ్చాయి.

స్వయం ఉపాధి ఉన్న నింగ్‌కిసియా రాజధాని ఇంచువాన్. ఇక్కడ మూడు రోజులపాటు డ్రాగెన్ బోట్ ఫెస్టివల్ కోసం సెలవులు ప్రకటించారు. దీంతో సెలవుల్లో ఎంజాయ్ చేయడానికి  చాలా మంది తమ బంధువులు, స్నేహితుల ఇళ్లకు వచ్చారు.  బంధువుల ఇళ్లకు వచ్చిన  వారే ఎక్కువగా చనిపోయారు.  ప్రమాదంలో సిలిండర్ పేలి రోడ్డుపై గాజుపెంకులు, చల్లాచదరుగా పడిఉన్నాయి.   తమ వారికోసం రోధిస్తున్న బంధువులతో.. ఈ విదారకమైన దృశ్యాలు కనిపిస్తున్నాయి. ఆ దేశ అధ్యక్షుడు క్షతగాత్రులకు అండగా ఉంటామని ప్రకటన విడుదల చేశారు.

Al menos 31 personas murieron después de una explosión de gas en un restaurante de barbacoa en #Yinchuan, capital de la Región Autónoma Ningxia Hui del noroeste de #China, la noche de este #miércoles, según informes de los medios locales citando a las autoridades pic.twitter.com/scC1QeJGWg

— @UlisesMtv (@UlisesMtv) June 22, 2023