follow us:
సాధారణంగా చాలా మందికి చికెన్ అంటే ఇష్టం. వారానికి ఒక్కసారైన చికెన్ తో భోజనం చేయాల్సిందే. మరికొందరికి అయితే చికెన్ లేని ముద్ద దిగదు. అయితే కొన్ని నెలల క్రితం నుంచి చికెన్ ధరలు కొండెక్కి కూర్చుకున్నాయి. దీంతో చికెన్ ప్రియులు చాలా అల్లాడిపోయారు. అయితే తాజాగా అలాంటి వారికి శుభవార్త.. కొండెక్కిన చికెన్ ధరల కిందకు వస్తున్నాయి. ఇటీవల కొంత కాలం నుంచి చికెన్, గుడ్ల ధరలు భారీగా పడిపోతున్నాయి. మరి.. వాటి ధరలు పడిపోవడానికి కారణం, ఆ వివరాలేంటో ఇప్పుడు తెలుసుకుందాం..
ఫామ్ గేట్ చికెన్ ధరలు భారీగా తగ్గాయి. గత రెండు వారాల్లో ధరలు ఏకంగా సగం వరకు దిగి వచ్చాయి. మహరాష్ట్ర, ఛత్తీస్‌గఢ్‌లో ధరలు భారీగా తగ్గాయి. మహరాష్ట్రలో ఎక్స్ ఫామ్ రేటు కేజీకి రూ.115 నుంచి రూ. 60కు దిగి వచ్చింది. అలాగే ఝార్ఖండ్‌లో అయితే రేటు రూ. 115 నుంచి రూ.50 తగ్గంది. విస్తృత వర్షాల కారణంగా వాతావరణం చల్లబడి కోళ్లు బరువు పెరగడంతో రైతులు అటువంటి కోళ్లను విక్రయించవలసి వచ్చింది. అంతేగాక అధిక ధరల కారణంగా వినియోగం పడిపోయింది. దీంతో చికెన్ ధరలు పడిపోయాయి. అలాగే కోడి గుడ్డు ధరలు కూడా పలు పట్టణాల్లో 30 నుంచి 35 శాతం వరకు తగ్గాయని వ్యాపారులు పేర్కొన్నారు. ఇక హైదరాబాద్‌ విషయానికి వస్తే చికెన్ రేటు కేజీకి రూ. 200 వరకు ఉంది. గత కొన్ని రోజుల క్రితం చికెన్ రేటు రూ. 300 వరకు చేరిన విషయం తెలిసిందే. అంటే చికెన్ రేటు తగ్గిందనే చెప్పుకోవచ్చు.
అయితే రానున్న రోజుల్లో చికెన్ రేటు మరింత పడిపోయే అవకాశం ఉందని మార్కెట్ వర్గాలు అంటున్నాయి. ఎందుకంటే ఫామ్ రేటు దిగిరావడం ఇందుకు కారణంగా చెప్పుకోవచ్చు. ఏపీలో అయితే కేజీ చికెన్ ధర రూ. 160 నుంచి రూ. 180కు లభిస్తోందని సమాచారం. కాగా చికెన్ రేట్లు ఒక్కో చోట ఒక్కోలా ఉంటాయి. ప్రాంతాన్ని బట్టి రేటులో మార్పులు ఉంటాయి. అందువల్ల ధరల్లో వ్యత్యాసం ఉండొచ్చు. అయితే తాజాగా చికెన్, గుడ్ల ధరలు భారీగా దగ్గడంపై మీ అభిప్రాయాలను కామెంట్స్ రూపంలో తెలియజేయండి.
