follow us:
విజయ్ దేవరకొండ.. రౌడీ హీరోగా మనోడు చాలా ఫేమ్‌ సంపాదించుకున్నాడు. అర్జున్‌ రెడ్డి అనే సినిమాతో పూర్తి మాస్‌ హీరోగా మారిపోయిన విజయ్ దేవరకొండ.. ఇటీవలే విడుదలైన లైగర్‌ సినిమాతో పాన్‌ ఇండియా హీరో అయిపోయాడు. కాకపోతే పూరీ జగన్నాథ్‌- విజయ్ దేవరకొండ ఎంతో నమ్మకం పెట్టుకుని తీసుకొచ్చిన ఈ లైగర్‌ ప్రాజెక్ట్‌.. ప్రేక్షకుల మన్ననలు పొదడంలో విఫలమైంది. అంతేకాకుండా చార్మీ, పూరీ జగన్నాథ్‌ ముఖ్యంగా విజయ్ దేవరకొండపై ట్రోల్స్ వచ్చేలా చేసింది. ప్రమోషన్స్‌ సమయంలో సినిమాపై అతి నమ్మకంతో వీళ్లంతా యాటిట్యూడ్‌ ప్రదర్శించారంటూ సోషల్‌ మీడియా వేదికగా తెగ ట్రోల్స్ వచ్చాయి. బాలీవుడ్‌లో అయితే లైగర్‌ సినిమాపై బాయ్‌కాట్‌ హ్యాష్‌ ట్యాగ్‌ ట్రెండ్‌ కూడా అయ్యింది.
విజయ్ దేవరకొండ విషయంలో అయితే ఇతనికి మరీ యాటిట్యూడ్‌ అని విమర్శలు వెల్లువెత్తాయి. అర్జున్‌ రెడ్డితో ఒక్కసారిగా వచ్చిన స్టార్డమ్‌తో విజయ్ దేవరకొండ యాటిట్యూడ్‌ ప్రదర్శిస్తున్నాడనే వాళ్లు కూడా లేకపోలేదు. విజయ్ దేవరకొండ చేసిన కొన్ని వాఖ్యలను అయితే ఇండస్ట్రీలో నెపోటిజంపై విమర్శలు చేశారంటూ అదో రచ్చ చేశారు. నిజానికి రౌడీ హీరో అలాంటి వాడు కాదని అతని ఫ్యాన్స్ ఎంతో బ్యాక్‌ చేశారు. అంతేకాకుండా విజయ్ దేవరకొండని దగ్గరగా చూసినవాళ్లు కూడా ఎంతో బాగా సపోర్ట్‌ చేశారు. నిజానికి విజయ్ దేవరకొండ ఎంతో సౌమ్యుడు, నిదానంగా ఉండే వ్యక్తి అని చెబుతుంటారు. అయితే విజయ్ దేవరకొండని ట్రోల్‌ చేసే వారికోసం అంటూ అతని ఫ్యాన్స్ ఒక ఫొటోని షేర్‌ చేస్తున్నారు.
Stay strong @urstrulyMahesh Anna
😌#VijayDevarakonda fans with you always ❤️ pic.twitter.com/VgDzRIt6pT— Jagadeesh Rw (@Jagadeesh_Rw_09) September 28, 2022
అదేంటంటే.. బుధవారం(సెప్టెంబర్‌ 28) తెల్లవారుజామున సూపర్‌ స్టార్‌ కృష్ణ సతీమణి, మహేశ్‌ బాబు కన్నతల్లి ఇందిరా దేవి మరణించిన విషయం తెలిసిందే. అయితే కృష్ణ, మహేశ్‌ బాబును ఓదార్చేందుకు, ఇందిరా దేవిని కడసారి చూసేందుకు అభిమానులు మాత్రమే కాదు.. ఎంతో మంది టాలీవుడ్‌ హీరోలు, సెలబ్రిటీలు సైతం వెళ్లారు. వెంకటేశ్‌, నాగార్జున, మోహన్‌ బాబు వంటి సీనియర్‌ హీరోలు, అడవి శేష్‌, విజయ్ దేవరకొండ లాంటి యంగ్‌ హీరోలు సైతం వెళ్లారు. అయితే అక్కడ విజయ్ దేవరకొండ ప్రవర్తించిన తీరు అందరినీ కట్టిపడేస్తోంది. కృష్ణ సోఫాలో కూర్చొని బాధపడుతుండగా.. విజయ్ వెళ్లి ఆయన కాళ్ల దగ్గర కూర్చొని చేయి పట్టుకొని ఓదార్చిన తీరు అందరినీ ఆశ్చర్య పరిచింది. “ఇతనికా యాటిట్యూడ్‌ అని అంతా ట్రోల్‌ చేస్తున్నారు” అంటూ ఆ ఫొటోని షేర్‌ చేస్తున్నారు. ఇదిరా మా అన్న అంటూ విజయ్ ఫ్యాన్స్ అయితే తెగ సంబరపడిపోతున్నారు.
Our @TheDeverakonda Paid Condolences To #IndiraDevi Garu 💔 pic.twitter.com/snOFsyEC1r
— Vijay Deverakonda Trends (@VDTrendsOffl) September 28, 2022
