follow us:
సూపర్‌ స్టార్‌ కృష్ణ ఇంట ఏడాది వ్యవధిలోనే రెండో విషాదం చోటుచేసుకుంది. మహేశ్‌ బాబు తల్లి, కృష్ణ సతీమణి ఇందిరా దేవి(70) కన్నుమూశారు. ఇందిరా దేవి గత కొంతకాలంగా అనారోగ్య సమస్యలతో బాధపడుతూ ఉన్నారు. ఆవిడ బుధవారం(సెప్టెంబర్‌ 28) రోజు తెల్లవారుజామున ఇంట్లో తుదిశ్వాస విడిచారు. ఈ ఏడాది జనవరిలోనే కృష్ణ పెద్ద కుమారుడు రమేశ్‌ బాబు మరణించిన సంగతి తెలిసిందే. ఇప్పుడు ఇందిరా దేవి మరణంతో ఘట్టమనేని కుటుంబంలో విషాద ఛాయలు అలుముకున్నాయి. కృష్ణ- ఇందిరాదేవిలకు రమేశ్‌ బాబు, మహేశ్‌ బాబు.. అమ్మాయిలు పద్మావతి, మంజుల, ప్రియదర్శిని మొత్తం ఐదుగురు సంతానం. ఇందిరా దేవి మరణ వార్త విని సినీ ఇండస్ట్రీ దిగ్భ్రాంతికి గురైంది. కృష్ణ- మహేశ్‌బాబులకు సినీ తారలు, ప్రముఖులు ప్రగాఢ సానుభూతి తెలియజేశారు.
తల్లిని చివరి చూపు చూసుకుంటూ మహేశ్‌ బాబు తీవ్ర భావోద్వేగానికి లోనయ్యాడు. ఇందిరా దేవితో మహేశ్‌ బాబుకు ఉన్న అనుబంధం గురించి ప్రత్యేకంగా చెప్పాల్సిన అవసరం లేదు. చాలా ఇంటర్వూలు, సందర్భాల్లో తల్లితో ఉన్న అనుబంధం గురించి మహేశ్‌ ప్రస్తావించారు. గతంలో ఒక ఈవెంట్లో తల్లి గురించి మాట్లాడుతూ మహేశ్‌ బాబు ఎమోషనల్‌ అయ్యాడు. తల్లి చేతి కాఫీ తనకి గుడిలో ప్రసాదంతో సమానం అంటూ చెప్పుకొచ్చారు. అప్పటి వీడియో ప్రస్తుతం సోషల్ మీడియాలో వైరల్‌గా మారింది. కుటుంబసభ్యులు, అభిమానుల చివరిచూపు కోసం ఇందిరా దేవి పార్థీవదేహాన్ని ఉదయం 9 గంటల నుంచి మధ్యాహ్నం 12 గంటల వరకు పద్మాలయ స్టూడియోలో ఉంచనున్నారు. జూబ్లిహిల్స్ మహా ప్రస్థానంలో ఇందిరా దేవి అంతిమ సంస్కారాలు నిర్వహించనున్నారు. ఈ వార్త విన్న సూపర్‌ స్టార్‌ కృష్ణ, మహేశ్‌ బాబు ఫ్యాన్స్ సోషల్ మీడియా వేదికగా సంతాపం తెలియజేస్తున్నారు.
“Naaku Amma Ante Devudutho Samanam” ❤️🙏
This is a very huge loss to Superstar #MaheshBabu!! 💔💔#RIPIndiraDeviGaru #IndiraDevi #Indiramma #TeluguFilmNagar pic.twitter.com/krtRqemJZw— Telugu FilmNagar (@telugufilmnagar) September 28, 2022
Actor, Hindupur MLA #NandamuriBalakrishna expressed his deepest condolences to #Krishna garu, @urstrulyMahesh & Family On the Passing away of Smt Ghattamaneni #Indira Devi garu.#RIPIndirammaGaru pic.twitter.com/ctHmH9D5X7
— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) September 28, 2022
It’d so hard to see someone you admire and think to be the strongest and mightiest crying.
Tired in pain 😢
Stay Strong @urstrulyMahesh garu#RIPIndiraDeviGaru #IndiraDevi #Indiramma #MaheshBabu pic.twitter.com/zqTRPysrOH
— 𝘾𝙞𝙣𝙚𝙢𝙖𝙜𝙞𝙘 (@CineMaagic) September 28, 2022
ఇదీ చదవండి: కృష్ణ-విజయనిర్మల వివాహానికి ఇందిరా దేవి అంగీకారం తెలపడానికి కారణం?
