follow us:
దసరా మూవీలో కీర్తి సురేష్ పెళ్లి బట్టలతో చేసిన బరాత్ డ్యాన్స్ ఎంత క్రేజ్ తెచ్చుకుందో మనకు తెలిసిందే. తాజాగా ఆ బీట్ కు ఇంద్రజ అంతే రేంజ్ లో మాస్ స్టెప్పులు వేసి కీర్తి సురేష్ ను మరిపించింది.
సాధారణంగా ఇండస్ట్రీలో ఏ సాంగ్ అయినా గానీ, లేదా ఏ మ్యూజిక్ అయినా గానీ ట్రెండ్ అయ్యింది అంటే చాలు.. సోషల్ మీడియా మెుత్తం ఆ సాంగ్, మ్యూజిక్ తో ఊగిపోతూ ఉంటుంది. ఇక ఈ మధ్య కాలంలో అలాంటి సాంగ్ ఏదైనా ఉంది అంటే అది హీరో నాని నటించిన దసరా మూవీలోని ‘చమ్కీల అంగిలేసి’ సాంగ్ అనే చెప్పాలి. ఇక ఈ సాంగ్ తో పాటుగా అంతే పాపులర్ అయిన మరో బీట్ దసరా మూవీలోనే కీర్తి సురేష్ డాన్స్ వేసిన మాస్ బీట్. పెళ్లి కూతురి చీరలో కీర్తి వేసిన డ్యాన్స్ ఎంత పాపులర్ అయ్యిందో మనందరికి తెలిసిందే. తాజాగా అలనాటి సీనియర్ హీరోయిన్ ఇంద్రజ ఇదే బీట్ కు మాస్ డ్యాన్స్ వేసి రచ్చ రచ్చ చేసింది. తన డ్యాన్స్ తో కీర్తి సురేష్ ను మరపించిందనే చెప్పాలి. ప్రస్తుతం ఈ వీడియో నెట్టింట వైరల్ గా మారింది.
ఇంద్రజ.. 90ల్లో తన అందంతో, నటనతో కుర్రకారు గుండెలను కొల్లగొట్టింది. ప్రస్తుతం సినిమాల్లో తల్లి క్యారెక్టర్లు చేస్తూ.. బిజీగా ఉంది. ఇక సినిమాలతో పాటుగా బుల్లితెర స్టార్ షో అయిన జబర్దస్త్, శ్రీదేవీ డ్రామా కంపెనీకి ప్రోగ్రామ్స్ కు జడ్జీగా వ్యవహరిస్తోంది. ఈ షోల్లో తనదైన పంచులతో మాటలతో అలరిస్తోంది ఇంద్రజ. ఇక తాజాగా శ్రీదేవీ డ్రామా కంపెనీకి చెందిన ప్రోమోను మేకర్స్ విడుదల చేశారు. ఈ ప్రోమోలో ఇంద్రజ దసరా మూవీలోని కీర్తి సురేష్ డ్యాన్స్ చేసిన బరాత్ బీట్ కు మాస్ స్టెప్పులు వేసి రచ్చ లేపింది.
ఈ క్రమంలోనే కీర్తి సురేష్ కు ఏ మాత్రం తీసిపోని విధంగా డ్యాన్స్ తో స్టేజ్ మెుత్తాన్ని ఓ ఊపు ఊపింది ఇంద్రజ. అచ్చం పెళ్లి కూతురి చీరకట్టుతో తీన్ మార్ బీట్ కు మాస్ స్టెప్పులు వేసింది. తన లుక్స్ తో, హుషారైన స్టెప్పులతో అలరించింది. ప్రస్తుతం ఇంద్రజ వేసిన ఈ డ్యాన్స్ నెట్టింట తెగ వైరల్ అవుతోంది. మరి కీర్తి సురేష్ డ్యాన్స్ ను తలపించేలా, మరిపించేలా డ్యాన్స్ చేసిన ఇంద్రజపై మీ అభిప్రాయాలను కామెంట్స్ రూపంలో తెలియజేయండి.
