ఈ ఫోటోలో చిన్నారిని గుర్తు పట్టారా? వెండితెరతో పాటు బుల్లితెరపై కూడా

ఫేస్‌బుక్, ట్విట్టర్, ఇన్‌స్టాగ్రామ్ వంటి సోషల్ మీడియా ఫ్లాట్‌ఫామ్స్ వాడకం పెరిగిపోయాక ప్రపంచం నలుమూలల జరిగే ఏ చిన్న న్యూస్ క్షణాల్లో వైరల్ అయిపోతుంటుంది. ముఖ్యంగా సెలబ్రిటీలకు సంబంధించిన వాటి గురించి అయితే చెప్పక్కర్లేదు. 80,90ల కాలంలో ప్రేక్షకులను ఆకట్టుకుని, ప్రస్తుతం సినిమాలకు దూరంగా ఉంటున్న నటీనటులు ఇప్పుడెలా ఉంటున్నారు? ఏం చేస్తున్నారు? అనే విషయాలు ఆసక్తికరంగా అనిపిస్తుంటాయి. అలాగే తారల చిన్నప్పటి ఫోటోలైతే భలే వైరల్ అవుతుంటాయి. ప్రస్తుతం ఓ పాపులర్ సీనియర్ నటి చైల్డ్‌హుడ్ పిక్ నెటిజన్ల కంట పడింది. ఈ ఫోటోలో కనిపిస్తున్న చిన్నారి ఎవరో గుర్తు పట్టారా?. తెలుగమ్మాయే అయినా తమిళనాట సెటిల్ అయిన ఈ నటి ఎవరో కాదు. ఇంద్రజ.

ఇంద్రజ అసలు పేరు రజతి. తెలుగు మాట్లాడే బ్రాహ్మిణ్ కుటుంబంలో చెన్నైలో జన్మించారామె. తెలుగుతో పాటు తమిళ్, కన్నడ, మలయాళంలోనూ కొన్ని చిత్రాలు చేశారు. తెలుగుదనం కొట్టేచ్చేలా సాంప్రదాయంగా, పాత్రను బట్టి మోడ్రన్‌గా కనిపించి ప్రేక్షకాభిమానులను అలరించారు ఇంద్రజ. 1993లో తమిళంలో నటిగా కెరీర్ స్టార్ట్ చేసి ‘హలోబ్రదర్’ లో ‘కన్నెపెట్టరోయ్’ పాటలో స్పెషల్ అప్పీరియన్స్ ద్వారా టాలీవుడ్ ఇండస్ట్రీకి ఎంట్రీ ఇచ్చారు. తర్వాత తెలుగులో వరుసగా ఆఫర్లు వచ్చాయి.

‘యమలీల’, ‘పెద్దన్నయ్య’, ‘సొగసు చూడతరమా’, ‘అమ్మదొంగ’,  వంటి పలు సూపర్ హిట్ సినిమాలతో స్టార్ స్టేటస్ దక్కించుకున్నారు. పెళ్లి తర్వాత ప్రొఫెషన్‌కి కాస్త బ్రేక్ ఇచ్చి.. రీ ఎంట్రీలో కీలకపాత్రలు చేస్తూ బిజీ అయిపోయారు. ముఖ్యంగా తెలుగులో మంచి అవకాశాలొస్తున్నాయి. పలు సీరియల్స్‌లోనూ నటించి మెప్పించారు. టీవీ షోస్‌లోనూ జడ్జిగా తెలుగు ప్రేక్షకులను ఎంటర్‌టైన్ చేస్తున్నారు అలనాటి నటి ఇంద్రజ. ప్రస్తుతం ఆమె చిన్ననాటి ఫోటోలు సామాజిక మాధ్యమాలలో చక్కర్లు కొడుతున్నాయి.