follow us:
సాధారణంగా ఇండస్ట్రీలో కాంబినేషన్ కు ఉన్న క్రేజే వేరు. టాలీవుడ్ లో హీరో – డైరెక్టర్, హీరో – హీరోయిన్ ల జోడీలకు ప్రత్యేక ఫ్యాన్ బేస్ ఉంది. అయితే ఒక సినిమా హిట్ అయ్యి.. ఆ మూవీలో హీరో-హీరోయిన్ ల మధ్య కెమిస్ట్రీ ప్రేక్షకుల హృదయాలను కొల్లగొడితే చాలు, వారి నుంచి మరో మూవీ ఎప్పుడొస్తుందా అని ఎదురుచూస్తుంటారు. ఈ క్రమంలోనే వారిద్దరు ఎక్కడైనా మీడియా కంటపడితే.. వారు ప్రేమలో ఉన్నారనో, డేటింగ్ లో ఉన్నారనో వార్తలు షికారు చేస్తుంటాయి. అయితే కొన్ని జంటల్లో ఈ వార్తలు నిజమే అని మనకు తెలిసిన సందర్భాలు చాలానే ఉన్నాయి. తాజాగా అలాంటి జంటకు సంబంధించిన ఓ పిక్ ఇప్పుడు నెట్టింట వైరల్ గా మారింది. ఆ జంటే హీరో సందీప్ కిషన్ – రెజీనా.
సందీప్ కిషన్.. గత కొంత కాలంగా విలక్షణమైన కథలను ఎంచుకుంటూ.. పరిశ్రమలో దూసుకెళ్తున్నాడు. కానీ కొన్ని సంవత్సరాల నుంచి సరైన హిట్ లేక సతమతమవుతున్నాడు. ఇక మరోవైపు హీరోయిన్ రెజీనా కు కూడా అవకాశాలు రావడం లేదు. తాజాగా పుట్టిన రోజు జరుపుకుంటున్న రెజీనాకు బర్త్ డే విషెస్ చెప్పాడు సందీప్ కిషన్. “హ్యాపీ బర్త్ డే పాప.. ఎప్పుడూ సంతోషంగా ఉండు. పుట్టిన రోజు శుభాకాంక్షాలు”అంటూ ట్విట్టర్ వేదికగా ఇద్దరు కలిసి దిగిన ఫొటోను షేర్ చేశాడు. అయితే గత కొంత కాలంగా వీరిద్దరు ప్రేమలో ఉన్నట్లు వార్తలు ఇండస్ట్రీలో చక్కర్లు కొడుతున్నాయి.
ఈ నేపథ్యంలోనే ఇలాంటి టైమ్ లో సందీప్ కిషన్ ఈ ఫొటోను షేర్ చేయడంతో నిజంగానే వీరిద్దరు ప్రేమలొ ఉన్నారని నెటిజన్లు కామెంట్స్ చేస్తున్నారు. ఇక గతంలో సందీప్-రెజీనా కలిసి ‘రొటీన్ లవ్ స్టోరీ’, ‘రారా కృష్టయ్య’ అనే సినిమాల్లో నటించారు. ఈ మూవీల్లో వీరిద్దరి కెమిస్ట్రీ అద్భుతంగా ఉంది. అప్పటి నుంచే వీరి మధ్య స్నేహం మెుదలైందని తెలుస్తోంది. ప్రస్తుతం సందీప్ కిషన్ షేర్ చేసిన ఈ పిక్ నెట్టింట వైరల్ గా మారింది. ప్రస్తుతం సందీప్ కిషన్.. రంజిత్ దర్శకత్వంలో ‘మైఖేల్’ అనే సినిమాను చేస్తున్నాడు. ఈ సినిమాలో వరలక్ష్మి శరత్ కుమార్, విజయ్ సేతుపతి, గౌతమ్ వాసుదేవ్ మీనన్, వరుణ్ సందేశ్ లు కీలక పాత్రలు పోషిస్తున్నారు.
Happpyyyy Birthdayyyy Papa…
Love you and Wishing you only the best of everything,always ♥️
Stay Happy..Stay Blessed ♥️@ReginaCassandra pic.twitter.com/pZGd9d5ibn— Sundeep MICHAEL Kishan (@sundeepkishan) December 13, 2022
