follow us:
KGF.. అనగానే అందరికి రాకీ భాయ్, ఎలివేషన్స్, ప్రశాంత్ నీల్ డైరెక్షన్, బ్యాక్ గ్రౌండ్ మ్యూజిక్ ముందుగా గుర్తొస్తాయి. కానీ ఈ సినిమాలో చెప్పుకోదగ్గ పాత్రలు, విషయాలు చాలా ఉన్నాయి. అలాంటి పాత్రలలో ఒకటి రాకీ భాయ్ వైఫ్ రీనా పాత్ర. అయితే.. రాకీ భాయ్ గా రాకింగ్ స్టార్ యష్ నటించగా, రీనా పాత్రలో మోడల్ శ్రీనిధి శెట్టి నటించింది. కేజీఎఫ్ లో ఆమె కనబరిచిన నటనకు మంచి మార్కులే కొట్టేసింది.
ఈ క్రమంలో రీనా అలియాస్ శ్రీనిధి.. కేజీఎఫ్ బ్లాక్ బస్టర్ అయిన సందర్భంగా వరుస ఇంటర్వ్యూలలో పాల్గొంటూ కేజీఎఫ్ కి సంబంధించి, తన కెరీర్ కి సంబంధించిన విషయాలను షేర్ చేసుకుంటోంది. అయితే.. తాజా ఇంటర్వ్యూలో శ్రీనిధి కేజీఎఫ్ కి ముందు తనను బాగా బాధించిన విషయాన్ని బయటపెట్టింది.
కేజీఎఫ్ కి ముందు శ్రీనిధి మోడలింగ్ లో.. 2016 మిస్ దివా, 2016 మిస్ సూపర్ నేషనల్ టైటిల్స్ గెలుపొందిన సంగతి తెలిసిందే. “అయితే.. 2016లోనే కేజీఎఫ్ లో హీరోయిన్ గా సెలెక్ట్ అయ్యాను. ఈ సినిమాకు ముందు బెంగళూరులో ప్రతి ఏడాది జరిగే ఓ ఫ్యాషన్ వీక్ లో మోడల్ గా పాల్గొనేందుకు వెళ్ళాను. అక్కడ ఇంఛార్జిగా ఉన్న వ్యక్తి.. నువ్ ఇంత లావుగా ఉన్నావ్.. ఈ ఫ్యాషన్ వీక్ కి పనికిరావు. నువ్ ఈ ఫ్యాషన్ వీక్ లో పాల్గొనాలంటే 10 రోజుల్లో 10 కేజీల బరువు తగ్గిరాపో అన్నాడు.
ఆ వ్యక్తి నా మొహం మీదే అలా అనేసరికి నాకు ఏడుపొచ్చేసింది. అక్కడినుండి వెళ్ళిపోయి ఓరోజు నైట్ అంతా ఏడ్చేశాను. అప్పుడే నిర్ణయించుకున్నాను. మా ఫ్రెండ్ కి చెప్పి జిమ్ లో జాయిన్ అయ్యాను. ఆ తర్వాత ఏడాది ఏ ఫ్యాషన్ వీక్ లోకి నన్ను రానివ్వలేదో.. అదే ఫ్యాషన్ వీక్ లో నేను టాపర్ నేను” అని చెప్పుకొచ్చింది శ్రీనిధి. ప్రస్తుతం శ్రీనిధి మాటలు సోషల్ మీడియాలో వైరల్ అవుతున్నాయి. మరి శ్రీనిధి వీడియో పై మీ అభిప్రాయాలను కామెంట్స్ లో తెలియజేయండి.
