follow us:
విజయ్ సేతుపతి, త్రిష ప్రధాన పాత్రలో ప్రేక్షకుల ముందుకు వచ్చిన తమిళ చిత్రం 96. సూప‌ర్ హిట్ అయిన ఈ సినిమాకు తెలుగు రీమేక్ గా జాను చిత్రం తెరకెక్కింది. ఈ సినిమాను దిల్ రాజు నిర్మించారు. ఇక ఈ సినిమాలో శర్వానంద్ హీరోగా సమంత హీరోయిన్ గా నటించింది. కానీ త‌మిళ్ లో స‌క్సెస్ అయినంతగా తెలుగులో హిట్ కొట్ట‌లేదు.
లైఫ్ ఆఫ్ రామ్ పాట మాత్రం తెలుగు ప్ర‌జ‌ల నోళ్ల‌లో మార్మోగిపోయింది. ‘ఏ దారెదురైనా ఎటు వెళుతుందో అడిగానా.. ఏం తోచని పరుగై ప్రవహిస్తూ పోతున్నా..’ అంటూ సాగిన ఈ పాటకు సిరివెన్నెల సీతారామ శాస్త్రి అద్భుతమైన సాహిత్యం అందించారు. సింగర్ ప్రదీప్ కుమార్ తన గాత్రంతో ఈ పాటకు ప్రాణం పోసాడు. ఇదిలా ఉండగా ఆదిత్య మ్యూజిక్ ద్వారా విడుదల చేయబడిన ఈ వీడియో సాంగ్ యూట్యూబ్ లో సరికొత్త రికార్డు సృష్టించింది.
తాజాగా 100 మిలియన్లకు పైగా వ్యూస్ ను సాధించి కొత్త ఘనతను సాధించింది. ప్రస్తుతం అజయ్ భూపతి తెరకెక్కిస్తున్న మహా సముద్రం సినిమాలో నటిస్తున్నాడు. ఈ సినిమా మరో హీరోగా సిద్ధర్థ్ నటిస్తున్నారు. ఈ సినిమా ప్రస్తుత షూటింగ్ దశలో ఉంది. ఇదే క్రమంలో కిశోర్ తిరుమల తో ‘ఆడాళ్లు మీకు జోహార్లు’ అనే చిత్రంలో కూడా నటిస్తున్నాడు.
