హీరోయిన్ సంయుక్తా మీనన్ మంచి మనసు.. కాలేజీ స్టూడెంట్స్ కోసం ఏకంగా..!

టాలీవుడ్​లో తక్కువ వ్యవధిలో స్టార్​డమ్ తెచ్చుకున్న హీరోయిన్లలో ఒకరిగా సంయుక్తా మీనన్​ను చెప్పుకోవచ్చు. ఈ మలయాళీ భామ పట్టుకుందల్లా బంగారం అవుతోంది. ఆమె తెలుగులో ఇప్పటివరకు నటించిన నాలుగు సినిమాలు మంచి విజయాలు సాధించాయి. దీంతో సంయుక్తది గోల్డెన్​ హ్యాండ్​గా మారింది. బడా నిర్మాతలు ఆమె వైపు చూస్తున్నారు. సంయుక్త తమ మూవీస్​లో నటిస్తే హిట్ వస్తుందన్న ఆశతో కాబోలు ఆమె డేట్స్ కోసం క్యూ కడుతున్నారు. ఇటీవల ‘విరూపాక్ష’తో బ్లాక్ బస్టర్ హిట్ అందుకున్నారు సంయుక్త. ఇందులో ఆమె పాత్రకు ప్రేక్షకులతో పాటు విమర్శకుల నుంచి కూడా అప్లాజ్ లభించింది. ఆకట్టుకునే అందం, అందరూ మెచ్చే నటనతో టాక్ ఆఫ్ ది టౌన్​గా మారిన సంయుక్త.. తనకు మంచి మనసు కూడా ఉందని చాటుకున్నారు.

తాజాగా తెలుగులో ఒక రియాలిటీ షోలో పాల్గొన్న సంయుక్త మీనన్.. ఇద్దరు కాలేజీ స్టూడెంట్స్​కు మర్చిపోలేని బహుమతులు ఇచ్చారు. ‘విరూపాక్ష’ మూవీ యూనిట్​తో కలసి ఓంకార్ నిర్వహిస్తున్న ‘సిక్త్ సెన్స్’ షోలో పాల్గొన్నారామె. ఈ షోలో అన్ని టాస్క్​లు గెలిస్తే స్కూటీ ఇస్తానని ఓంకార్ మాటిచ్చారు. అయితే ‘విరూపాక్ష’ చిత్ర యూనిట్ ఆ స్కూటీని గెలిస్తే అక్కడున్న విద్యార్థుల్లో ఎవరికో ఒకరికి ఇచ్చేస్తామని చెప్పారు. అన్ని టాస్కుల్లోనూ గెలవడంతో ఓంకార్ ఒక స్కూటీ ఇచ్చారు. ఈ స్కూటీని ఎవరికిస్తారని ఆయన అడిగారు. దీంతో స్టూడెంట్స్​లో ఇద్దర్ని సెలెక్ట్ చేశారు సంయుక్త. వారిలో ఒకరికి ఆమె స్కూటీ ఇచ్చేశారు. మరో అమ్మాయికి తానే స్కూటీ కొనిస్తానని హామీ ఇచ్చారు. దీంతో విద్యార్థులు సంయుక్తను కౌగిలించుకుని కృతజ్ఞతలు తెలిపారు. సంయుక్త మంచి మనసును నెటిజన్స్ మెచ్చుకుంటున్నారు. బ్యూటీ విత్ హార్ట్ అంటూ ఆమెపై ప్రశంసల వర్షం కురిపిస్తున్నారు.

Very smart & kind hearted woman @iamsamyuktha_ take a bow 🙇‍♂️ 👏#Virupaksha #Samyukthamenon pic.twitter.com/K8ZT3lqghq

— 🦁 (@CM_Lokeshh) May 1, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.