follow us:
పవర్‌ స్టార్‌ పవన్‌ కళ్యాణ్‌ అటు రాజకీయాలు.. ఇటు సినిమాలు రెండింటిని బ్యాలెన్స్‌ చేసుకుంటూ ముందుకు వెళ్తున్నారు. కొన్ని రోజుల క్రితం వరకు రాజకీయాల్లో ఫుల్‌ బిజీగా ఉన్న పవన్‌.. తాజాగా పాలిటిక్స్‌ నుంచి కొంచెం గ్యాప్‌ తీసుకుని షూటింగుల్లో పాల్గొంటున్నారు. ప్రస్తుతం పవన్‌ `హరిహర వీరమల్లు` చిత్రంలో నటిస్తున్న సంగతి తెలిసిందే. ఈ సినిమా షూటింగ్‌ శరవేగంగా జరుగుతుంది. క్రిష్‌ దర్శకత్వంలో రూపొందుతున్న ఈ చిత్ర షూటింగ్‌ ప్రస్తుతం హైదరాబాద్‌ పరిసర ప్రాంతాల్లో జరుగుతుంది. ఎలాంటి గ్యాప్‌ లేకుండా లాంగ్‌ షెడ్యూల్‌ని ప్లాన్‌ చేశాడు దర్శకుడు క్రిష్‌. త్వరగా ఈ సినిమా షూటింగ్‌ పూర్తి చేయాలనే ఉద్దేశంతో.. విరామం లేకుండా షూటింగ్‌ చేస్తున్నారు. 17వ శతాబ్దపు బ్యాక్ డ్రాప్‌తో తెర‌కెక్కుతోన్న పీరియాడిక్ జోనర్ మూవీ ఇది. తెలుగు, హిందీ, తమిళ, క‌న్న‌డ, మ‌ల‌యాళ భాష‌ల్లో మూవీ రిలీజ్ కావ‌టానికి స‌న్నాహాలు జ‌రుగుతున్నాయి.
ఈ నేపథ్యంలో తాజాగా హరిహర వీరమల్లు.. సినిమాలోని పవన్‌ పవర్‌ఫుల్‌ లుక్ లీక్‌ అయ్యింది. ‘హరిహర వీరమల్లు’ సినిమాలో ఆయన నయా గెటప్‌కి సంబంధించిన ఫోటో ఒకటి ఇప్పుడు సోషల్‌ మీడియాలో వైరల్ అవుతుంది. ఇందులో ఓ లేడీ టెక్నీషియన్‌ షూటింగ్‌ సెట్‌లో పవన్‌ కళ్యాణ్‌తో ఫోటో దిగింది. వాటిని సోషల్‌ మీడియా వేదికగా పంచుకుంది. దీంతో పవన్‌ హరిహర వీరమల్లు లుక్ నెట్టింట హల్‌చల్‌ చేస్తుంది. ఇందులో గెడ్డంతో పవర్‌ఫుల్‌ లుక్‌లో కనిపిస్తున్నారు పవన్‌. ఈ ఫోటోలో పవన్‌ కళ్యాణ్‌ రెడ్‌ డ్రెస్‌లో.. యుద్ధంలో పాల్గొనే యోధుడిలా తయారై ఉన్నాడు.
గతంలో విడుదల చేసిన ‘హరి హర వీరమల్లు’ ఫస్ట్ గ్లింప్స్‌లో కూడా పవన్‌ ఇదే గెటప్‌లో కనిపించాడు పవన్‌. అయితే తాజాగా లీకైన ఫోటో మాత్రం.. అంతకు మించి అనేలా ఉంది. ప్రస్తుతం ఈ ఫోటో సోషల్‌ మీడియాలో వైరలవుతుంది. ఈ ఫోటో చూస్తే.. ఇక సినిమాలో పవన్‌ పాత్ర ఏ రేంజ్‌లో ఉటుందో అర్థం చేసుకోవచ్చు. ఇక ఈ చిత్రంలో పవన్‌కి జోడీగా నిధి అగర్వాల్‌ నటిస్తుండగా.. ఈ చిత్రాన్ని ఏ ఎం రత్నం నిర్మిస్తున్నారు. భారీ బడ్జెట్‌తో తెరకెక్కుతున్న ఈ చిత్రాన్ని పాన్‌ ఇండియా లెవల్‌లో విడుదల చేయబోతున్నారు. ప్రస్తుతం సినిమా షూటింగ్‌ వేగంగా జరుగుతోంది.
Latest snap of Veera Mallu 🔥
That beard look ❤️🔥😍@PawanKalyan • #HariHaraVeeraMallu pic.twitter.com/sYA8glEYjF
— Missile PawanKalyan™ (@MissilePSPK) December 6, 2022
