వీడియో: బాలయ్యను వదలనంటూ బామ్మ మారం.. ఇది కదా అభిమానం అంటే!

నందమూరి నటసింహం బాలయ్యకు తెలుగు రాష్ట్రాల్లో ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. మాస్ అభిమానుల్లో బాలకృష్ణకు గొప్ప ఫాలోయింగ్ ఉంది. బుధవారం బాలయ్య విజయవాడలో సందడి చేశారు. అఖండ భామ ప్రగ్యా జైస్వాల్ తో కలిసి ఓ నగల దుకాణాన్ని ప్రారంభించారు. ఈ జ్యూవెలరీ బ్రాండ్ కు ప్రగ్యా- బాలయ్య అంబాసిడర్లుగా వ్యవహరిస్తున్నారు. ఆ సంస్థ తొలి షోరూమ్ ని విజయవాడ బందర్ రోడ్డులో అట్టహాసంగా ప్రారంభించారు. ఈ వేడుక మొత్తాన్ని ఎంతో ఘనంగా నిర్వహించారు.

బాలయ్య- ప్రగ్యా జైస్వాల్ ను చూసేందుకు అభిమానులు పోటెత్తారు. బాలయ్య తో కలిసి సెల్ఫీ దిగాలని, ప్రగ్యా జైస్వాల్ ను దగ్గరి నుంచి చూడాలంటూ అభిమానులు పోటీ పడ్డారు. షోరూం ప్రారంభించడమే కాకుండా ఆ తర్వాత అభిమానులను ఉద్దేశించి బాలయ్య ప్రసంగం కూడా చేశారు. ఈ సందర్భంలో అక్కడ ఒక ఆసక్తికర ఘటన జరిగింది. బాలయ్య మాట్లాడే సమయంలో ఆయన వద్దకు ఒక బామ్మ వచ్చింది. బాలయ్యను దగ్గర నుంచి చూడటమే కాకుండా ఆయన మాట్లాడుతుంటే గట్టిగా పట్టుకుంది. బాలయ్య కూడా ఆవిడ అభిమానం చూసి ఆప్యాయంగా భుజం మీద చేయి వేశారు. సెక్యూరిటీ సిబ్బంది ఆమెని కిందకు వెళ్లమని కోరగా.. ఆమె బాలయ్యను పట్టుకుని వదలను అన్నట్లు తల ఊపుతూ కాసేపు మారాం చేసింది.

వాళ్లు బతిమాలడంటో సరే పోనీ అన్నట్లుగా బాలయ్యను వదిలి కిందకు వెళ్లింది. ఈ వీడియో ప్రస్తుతం సోషల్ మీడియాలో తెగ వైరల్ అవుతోంది. బాలయ్య అభిమానులు ఈ వీడయో షేర్ చేస్తూ ఆనందం వ్యక్తం చేస్తున్నారు. బాలయ్య ఫ్యాన్ డమ్ కు ఎలాంటి ఏజ్ లిమిట్ లేదంటూ కామెంట్ చేస్తున్నారు. సీనియర్ ఎన్టీఆర్ కు ఉన్న అభిమానుల్లో దాదాపుగా అందరికీ బాలయ్య అంటే ఎంతో అభిమానం అని ప్రత్యేకంగా చెప్పాల్సిన అవసరం లేదు. ఈ బామ్మ కూడా అలాంటి ఒక అభిమానే అని చూడగానే అర్థమైపోతోంది. బాలకృష్ణ ఆ బామ్మను దగ్గరకు తీసుకోవడం, ఆవిడపై ఆప్యాయంగా చేయి వేసి మాట్లాడటం చూసి బాలయ్య మనసు వెన్న అంటూ నెటిజన్స్ కామెంట్ చేస్తున్నారు.

His Fandom has no age limit.😎

Heartwarming visuals as God Of Masses #NandamuriBalakrishna garu embraces an elder lady as he addresses fans at the Grand Inauguration of #AndhraPradesh‘s Biggest Jewellery Store #VegaJewellers 🤩@shreyasgroup @shreyasmedia @brande_the pic.twitter.com/jj2LXN8osK

— Shreyas Sriniwaas (@shreyasmedia) March 8, 2023