follow us:
సౌత్‌ ఇండస్ట్రీలో లేడీ సూపర్‌స్టార్‌గా కీర్తి గడించింది నయనతార. ప్రస్తుతం ఆమె ఒక్కో సినిమాకు 6 కోట్ల రూపాయల వరకు తీసుకుంటున్నట్లు సమాచారం. కెరీర్‌లో సక్సెస్‌ఫుల్‌గా దూసుకుపోతున్న ఆమె వ్యక్తిగత జీవితంలో మాత్రం ఎన్నో ఒడిదుడుకులు చూసింంది. రెండు సార్లు లవ్‌ ఫెయిల్యూర్‌, ఓసారి పెళ్లి పీటల వరకు వచ్చి ఆగిపోయింది. ఆ సమయంలో వేరే ఎవరైనా అయితే.. ఎంతటి డిప్రెషన్‌కు గురయ్యేవారో ప్రత్యేకంగా చెప్పాల్సిన పని లేదు. కానీ నయన తార మాత్రం ఆ పరిస్థితుల నుంచి త్వరంగా కోలుకుని.. వరుస సినిమాలు చేస్తూ.. లేడీ సూపర్‌స్టార్‌గా ఎదిగారు. ఈ క్రమంలోనే ఆమె ప్రముఖ డైరెక్టర్‌ విఘ్నేష్‌ శివన్‌తో ప్రేమలో పడ్డారు. త్వరలోనే వివాహ బంధంతో ఒక్కటి కానున్నారన్న వార్తలు హల్‌చల్‌ చేస్తున్న విషయం తెలిసిందే. ప్రస్తుతం దక్షిణాదిన వీరిద్దరి పెళ్లి హాట్ టాపిక్‌గా మారింది.
అయితే ఈ పెళ్లి వార్తలు నిజమేనని ఈ జంట తాజాగా స్పష్టం చేసింది. శుక్రవారం (జూన్ 3) సాయంత్రం తమిళనాడు ముఖ్యమంత్రి స్టాలిన్‌ను కలిసిన ఈ లవ్‌ బర్డ్స్‌ తమ వెడ్డింగ్‌ ఇన్విటేషన్‌ అందజేసింది. తమ వివాహానికి హాజరు కావల్సిందిగా కోరారు. వారిని అభినందించిన సీఎం స్టాలిన్‌ శుభాకాంక్షలు తెలిపారు. స్టాలిన్‌తో పాటు ఆయన కుమారుడు హీరో, ఎమ్మెల్యే ఉదయనిధి స్టాలిన్‌ కూడా ఉన్నాడు. దీనికి సంబంధించిన ఫొటో ప్రస్తుతం నెట్టింట వైరల్ అవుతోంది.
ఇది కూడా చదవండి: Vignesh Shivan-Nayanthara: పెళ్లి పనులు ప్రారంభించిన నయనతార-విఘ్నేష్‌ శివన్‌.. కులదైవం గుడిలో ప్రత్యేక పూజలు!
ఏడేళ్లుగా ప్రేమలో ఉన్న నయనతార, విఘ్నేష్‌ శివన్‌లు గతేడాది కుటుంబసభ్యుల సమక్షంలో నిశ్చితార్థం చేసుకున్నారనే వార్తలు ప్రచారం అయ్యాయి. ఇక తాజాగా మహాబలిపురంలోని మహబ్‌ హోటల్‌లో జూన్ 9న వీరి పెళ్లి వేడుక జరగనుంది. ఈ వివాహానికి బంధువులు, సన్నిహితులు మాత్రమే హాజరు కానున్నట్లు సమాచారం. ఇప్పటికే కొందరు గెస్ట్‌లకు ‘డిజిటల్ వీడియో ఇన్విటేషన్‌ కార్డ్‌’ పంపించినట్లు తెలుస్తోంది. కాగా వీరి పెళ్లి తిరుమలలో జరగుతుందని అంతా అనుకున్నారు. కానీ చివరి నిమిషంలో మహాబలిపురంలోని మహబ్‌ హోటల్‌లో హిందూ సాంప్రదాయాల ప్రకారం నయన్‌, విఘ్నేష్‌ వివాహం జరగనుంది. అయితే ఇదే వేదికపై జూన్ 8న సాయంత్రం సౌత్‌ ఇండియా సినీ పరిశ్రమలోని ప్రముఖులు, రాజకీయవేత్తల మధ్య రిసెప్షన్‌ గ్రాండ్‌గా నిర్వహించనున్నట్లు సమాచారం.
ఇది కూడా చదవండి: Vignesh Shivan: గోరు ముద్దలు తినిపిస్తూ.. నయన్‌పై ప్రేమను చాటుకున్న విఘ్నేష్‌!
ఈ రిసెప్షన్‌కు రజనీకాంత్, కమల్‌ హాసన్‌, విజయ్, అజిత్, సూర్య, కార్తీ, శివకార్తికేయన్‌, విజయ్ సేతుపతికి ఆహ్వానం అందినట్లు టాక్. వీరికే కాక యితే ఈ వేడుకకు ఎవరు రాబోతున్నారు అనే విషయంలో కూడా తమిళ మీడియాలో అనేక రకాల కథనాలు వెలువడుతున్నాయి. అంతేకాకుండా నయనతార మాజీ ప్రియులు కూడా రాబోతున్నట్లు టాక్ వినిపిస్తోంది. అది ఎంతవరకు నిజమో తెలియాలంటే.. మరికొన్ని రోజులు ఎదురు చూడాలి. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.
ఇది కూడా చదవండి: చెట్టును పెళ్లాడబోతున్న నయనతార.. కారణం ఏమిటంటే?
