follow us:
తెలుగు ఇండస్ట్రీలో హీరో నందమూరి బాలకృష్ణకు ఉన్న ఫ్యాన్‌ బేస్‌ సెపరేట్‌. ముఖ్యంగా మాస్ ఆడియెన్స్‌కి ఆరాద్య దైవంగా నిలిచారు బాలకృష్ణ. ఆయన అభిమానుల్లో యువత, ముసలి, చిన్న, పెద్ద, ఆడ, మగ అనే తేడా లేకుండా.. ఇలా అన్ని కేటగిరిలకు చెందిన వారు ఉంటారు. ఇక సినిమాల్లో కనిపించే బాలయ్యకు.. బయట కనిపించే వ్యక్తికి అసలు సంబంధమే ఉండదు. బాలయ్య గురించి తెలిసిన వారు.. భోళా మనిషి అంటారు. అందుకే ఆయన ఎప్పుడన్నా కోపగించుకున్నా.. అభిమానులు దాన్ని అదృష్టంగానే భావిస్తారు తప్ప.. ఫీలవ్వరు. ఇక అన్‌స్టాపబుల్‌ షో ద్వారా ప్రేక్షకులకు మరింత చేరువయ్యాడు బాలకృష్ణ.. ప్రస్తుతం షూటింగ్‌లో పాల్గొంటున్న బాలకృష్ణ.. ఇందులో భాగంగా సోమవారం కర్నూలులోని కొండారెడ్డి బురుజు వద్దకు చేరుకున్నారు. ఆ సమయంలో అక్కడి జనసందోహానికి సంబంధించిన కొన్ని వీడియోస్ బాలయ్య క్రేజ్ ఏంటనేది రుజువు చేస్తున్నాయి. ఈ సందర్భంగా అక్కడ చోటు చేసుకున్న ఓ సంఘటన బాలయ్య అభిమానులకు ఏజ్ లిమిట్ లేదు అని మరోసారి నిరూపించింది.
కర్నూల్‌లో సినిమా షూటింగ్‌లోపాల్గొనడానికి బాలకృష్ణ వస్తున్నాడని తెలిసి చిన్న పెద్దా అనే తేడా లేకుండా పెద్ద ఎత్తున జనం అక్కడికి చేరుకున్నారు. ఇక బాలకృష్ణ వచ్చే సమయంలో ఆయనను చూసిన ఆనందంలో ఓ బామ్మ ఈలలు వేస్తూ బాలయ్యబాబుపై అభిమానాన్ని చాటుకుంది. ఇందుకు సంబంధించిన వీడియోని సోషల మీడియాలో షేర్‌ చేయగా.. ప్రస్తుతం ఇది తెగ వైరలవుతోంది. ఈ వీడియోను నెటిజనులు బాలయ్య అభిమానులకు నో ఏజ్ లిమిట్ అంటూ కామెంట్స్‌ చేస్తున్నారు.. ఇంకేముంది ఈ వీడియో క్లిప్ నెట్టింట వెంటనే వైరల్ అయింది. ఇది చూసిన బాలకృష్ణ అభిమానులు.. జై బాలయ్య.. జై జై బాలయ్య అంటూ కామెంట్లు పెడుతున్నారు.
ఇటీవల అఖండ సినిమాతో సూపర్ సక్సెస్ అందుకున్న బాలకృష్ణ ప్రస్తుతం తన తదుపరి చిత్రాలపై ఫుల్ ఫోకస్ పెట్టారు. ఇందులో భాగంగా మాస్ డైరెక్టర్ బాలకృష్ణ గోపీచంద్ మలినేని దర్శకత్వంలో ఓ సినిమా చేస్తున్నారు. ప్రస్తుతం ఈ సినిమా షూటింగ్ శరవేగంగా సాగుతోంది. కంప్లీట్ యాక్షన్ ఎంటర్ టైనర్‌గా NBK 107 అనే వర్కింగ్‌ టైటిల్‌తో ఈ సినిమాను రూపొందిస్తున్నారు. ఇటీవలే టర్కీలో ఓ షెడ్యూల్ షూటింగ్ ఫినిష్ చేసుకున్న ఈ చిత్రం ప్రస్తుతం కర్నూల్‌లో చిత్రీకరణ జరుపుకుంటోంది. మైత్రి మూవీ మేకర్స్ బ్యానర్‌పై ఎంతో ప్రతిష్టాత్మకంగా ఈ సినిమా రూపొందిస్తున్నారు. ఈ చిత్రంలో బాలయ్యకు జోడిగా శ్రుతి హాసన్‌ నటిస్తోంది. మరి ఈ వైరల్ వీడియోపై మీ అభిప్రాయలను కామెంట్స్‌ రూపంలో తెలియజేయండి.
No Age Limit For Fanism 🔥#NBK107 🦁 pic.twitter.com/DwoCZOVWKW
— 𝐑𝐚𝐯𝐢_𝐑𝐨𝐜𝐤𝐳𝐳_𝐍𝐓𝐑 ™ ⱽᵃˢᵗʰᵘⁿⁿᵃ (@RavirockzNTR) July 25, 2022
