కొత్త ఇంట్లోకి నాగచైతన్య.. హౌస్ కాస్ట్ ఎంతో తెలుసా?

అక్కినేని యువ హీరో నాగచైతన్య వరుస సినిమాలతో బిజీబిజీగా ఉన్నారు. ఒకవైపు మూవీస్ చేస్తూనే మరోవైపు వెబ్ సిరీస్​లకు గ్రీన్ సిగ్నల్ ఇస్తున్నారు. సమంతతో విడాకుల తర్వాత కెరీర్​లో మరింత వేగం పెంచిన చైతూ.. ప్రస్తుతం తమిళ దర్శకుడు వెంకట్ ప్రభు డైరెక్షన్​లో ‘కస్టడీ’ అనే చిత్రంలో నటిస్తున్నారు. ఇటీవలే ఈ మూవీ షూటింగ్ పూర్తయింది. మే 12న ఈ యాక్షన్ థ్రిల్లర్ ఫిల్మ్ గ్రాండ్​గా రిలీజ్ కానుంది. ఇప్పటికే ఈ సినిమా ప్రమోషన్స్​ను​ కూడా మొదలుపెట్టేశారు. అయితే ఈ సమయంలోనే నాగ చైతన్య వ్యక్తిగత జీవితానికి సంబంధించి ఒక ఆసక్తికరమైన విషయం బయటకు వచ్చింది. ప్రస్తుతం సోషల్ మీడియాలో తెగ చక్కర్లు కొడుతోంది. చైతూ తన టేస్ట్​కు తగ్గట్లుగా ఒక కొత్త ఇంటిని నిర్మించుకున్నట్లు అంతా చర్చించుకుంటున్నారు.

రీసెంట్​గా అందులోకి చైతూ గృహప్రవేశం కూడా చేశారని సమాచారం. ఎలాంటి హడావుడి, హంగూ ఆర్భాటాలు లేకుండా సింపుల్​గా చైతూ తన కొత్త ఇంట్లోకి వెళ్లారట. నాగచైతన్య-సమంత వివాహం చేసుకున్న తర్వాత ఓ కొత్త ఫ్లాట్​ను కొనుగోలు చేసిన విషయం విదితమే. సీనియర్ నటుడు మురళీ మోహన్​కు చెందిన ఇంటినే వారిద్దరూ కొన్నారు. ఈ విషయాన్ని మురళీ మోహన్ గతంలో ఒక ఇంటర్వ్యూలో తెలియజేశారు. ఆ హౌస్​లోనే సామ్​-చైతూ కాపురం చేశారు. అయితే విడాకుల తర్వాత చైతూ ఆ ఇంటిని వదిలి తన తండ్రి నాగార్జున వద్దకు వెళ్లిపోయారు. అనంతరం సమంతనే ఆ ఇంటిని తీసుకున్నట్లు సమాచారం. చైతూ ఎప్పటి నుంచో తన టేస్ట్​కు తగ్గట్లుగా ఒక లగ్జరీ మోడ్రన్​ హౌస్​ను కట్టుకోవాలని ఆశపడ్డారట.

ఎట్టకేలకు అనుకున్నట్టే తండ్రి నాగ్ ఇంటికి సమీపంలోనే ఒక స్థలం కొనుక్కుని చకచకా ఓ ఇంటిని కట్టించుకున్నారట చైతూ. ఆయన ఇంటికి కోట్ల రూపాయలు ఖర్చయ్యాయని సోషల్ మీడియాలో నెటిజన్స్ మాట్లాడుకుంటున్నారు. మిగిలిన స్టార్ల ఇళ్లకు ఏమాత్రం తగ్గని స్థాయిలో ఇంటిని గ్రాండ్​గా కట్టుకున్నారట చైతూ. గార్డెన్, స్విమ్మింగ్ పూల్, జిమ్, థియేటర్.. ఇలా సకల సౌకర్యాలు ఉండేలా విలాసవంతమైన గృహాన్ని నిర్మించుకున్నారట. ఇటీవలే ఆ ఇంట్లోకి చైతూ ప్రవేశించినట్లు సోషల్ మీడియాలో కథనాలు వస్తున్నాయి. తనకు సంబంధించిన సామాన్లను కూడా ఆ ఇంట్లోకి షిప్ట్​ చేసుకున్నారని అంటున్నారు. ఇక నుంచి చైతూ ఆ లగ్జరీ హౌస్​లోనే ఉంటారట. ఇకపోతే చాన్నాళ్లుగా చైతూ రెండో పెళ్లి, ప్రేమ గురించి పలు రకాల గాసిప్స్, రూమర్స్ వస్తున్న సంగతి తెలిసిందే.