తెలుగువారిపై కేంద్రం వివక్షతకు ఆస్కార్ నిదర్శనం: మంత్రి శ్రీనివాస్ గౌడ్

ఆర్ఆర్ఆర్.. ఆస్కార్ వేడుకలో హిస్టరీ క్రియేట్ చేసింది. దర్శకధీరుడు రాజమౌళి తెరకెక్కించిన ఆర్ఆర్ఆర్.. నాటు నాటు సాంగ్ తో బెస్ట్ ఒరిజినల్ సాంగ్ కేటగిరీలో ఆస్కార్ అందుకుంది. 95వ ఆస్కార్ వేడుకలలో సంచలనం సృష్టిస్తూ.. ఆర్ఆర్ఆర్ తెలుగు సినిమా సత్తాని, ఇండియన్ సినిమా స్థాయిని నెక్స్ట్ లెవెల్ కి తీసుకెళ్లింది. గత ఏడాది కాలంగా ఆర్ఆర్ఆర్ సినిమాని, నాటు నాటు సాంగ్ ని ప్రపంచవ్యాప్తంగా ప్రేక్షకులు ఆదరిస్తున్నారు. అంతటి ప్రేక్షకాదరణ లభించింది. కాబట్టి.. నాటు నాటు సాంగ్ ఈరోజు సౌత్ ఇండియన్ నుండి ఆస్కార్ సాధించిన మొదటి ఒరిజినల్ పాటగా చరిత్రలోకెక్కింది.

ఇక నాటు నాటు ఆస్కార్ గెలవడంతో సినీ సెలబ్రిటీలు, రాజకీయ ప్రముఖులు, ప్రేక్షకులు, ఫ్యాన్స్ ఇలా అందరూ ఆర్ఆర్ఆర్ టీమ్ కి శుభాకాంక్షలు తెలియజేస్తున్నారు. రాష్ట్రపతి నుండి లోకల్ పొలిటిషన్ వరకు ఆర్ఆర్ఆర్ పై ప్రశంసల వర్షం కురిపిస్తున్నారు. ఈ క్రమంలో ఆస్కార్ గెలిచినందుకు ఆర్ఆర్ఆర్ సినిమాని కొనియాడుతూనే.. తెలంగాణ మంత్రి శ్రీనివాస్ గౌడ్ కొత్త చర్చలకు తెరలేపారు. నాటు నాటుకి ఆస్కార్ రావడం ఎంతో ఆనందంగా ఉందన్న ఆయన.. ఆస్కార్ ఆఫీషియల్ ఎంట్రీ విషయంలో కేంద్రం ఆర్ఆర్ఆర్ పై, తెలుగువారిపై వివక్ష చూపిందని ట్విట్టర్ వేదికగా ఆరోపణలు చేశారు.

ఆస్కార్ విషయంలో నార్త్ సినిమాలకు ఇచ్చిన ప్రాధాన్యత తెలుగు సినిమాలకు ఇవ్వలేదని.. ఆర్ఆర్ఆర్ ని అధికారికంగా ఆస్కార్ కి ఎందుకు పంపలేదు? అని ప్రశ్నించారు. అంతేగాక గుజరాత్ కి చెందిన చెల్లో షో సినిమాని ఆస్కార్ కి పంపి.. వరల్డ్ వైడ్ పాపులర్ అయిన ఆర్ఆర్ఆర్ ని పంపకపోవడం.. తెలుగువారిపై కేంద్రం చూపుతున్న వివక్షతకు నిదర్శనం. ఇండియాకి ఆస్కార్ కొట్టే ఛాన్స్ దగ్గరుండి మిస్ చేయించారు” అని మంత్రి శ్రీనివాస్ గౌడ్ ఎద్దేవా చేశారు. ప్రస్తుతం శ్రీనివాస్ గౌడ్ చేసిన ట్వీట్స్.. సోషల్ మీడియా వైరల్ అవుతుండగా.. ఇండస్ట్రీలో చర్చనీయాంశంగా మారాయి. ఇప్పుడు మంత్రి మాటలు ఎలాంటి పరిణామాలకు దారి తీస్తాయో చూడాలి. మరి ఆస్కార్ కి ఖచ్చితంగా అవార్డు కొడుతుందని నమ్మకం క్రియేట్ చేసిన ఆర్ఆర్ఆర్ ని కాకుండా చెల్లో షోని అఫీషియల్ ఎంట్రీగా పంపించడంపై మీ అభిప్రాయాలు కామెంట్స్ లో తెలపండి.

Rather than showing its bias for a Gujarati film, if the Indian Govt had nominated #RRR movie as India’s official entry for best feature film for #Oscars, the scenario could have been different. India missed a golden opportunity due to the Indian government’s incompetence. pic.twitter.com/4D7pfulzwi

— V Srinivas Goud (@VSrinivasGoud) March 13, 2023

Congratulations to #RRR Movie Team on creating history by becoming the first Indian & Asian song to win #AcademyAward for Best Original Song! #NaatuNaatu #Oscars #Oscars95 @ssrajamouli @AlwaysRamCharan @tarak9999 @mmkeeravaani @Rahulsipligunj @kaalabhairava7 @ssk1122 @RRRMovie https://t.co/G9dvJeTW3X

— V Srinivas Goud (@VSrinivasGoud) March 13, 2023