follow us:
సినిమా పరిశ్రమలో ఎన్నో కష్టాలు పడి పైకి వచ్చిన వారు ఎందరో ఉన్నారు. తిండి కూడా లేక ఇబ్బంది పడిన స్టార్ హీరోలు ఎందరో ఉన్నారు. వర్సిటైల్ నటుడు విజయ్ సేతుపతి ఎంత బిజీనో ప్రత్యేకంగా చెప్పాల్సిన పనిలేదు. సౌత్ ఇండియా స్టార్ గా పలు బాషలలో నటిస్తున్నారు. ఓ ప్రక్క హీరోగా చిత్రాలు చేస్తూనే మరో ప్రక్క విలన్ రోల్స్ కూడా చేస్తున్నారు. నటుడుగా అనేక మైలు రాళ్లు అందుకున్న విజయ్ సేతుపతి ఈ స్థాయికి చేరుకోవడానికి అనేక కష్టాలు పడ్డారు. అయితే తమిళ నటుడు విజయ్ సేతుపతి ఇప్పుడు సినిమాల్లో ఎంత పెద్ద స్టారో తెలిసిందే. ఆయన చేతిలో దాదాపు 20 ప్రాజెక్టులు ఉన్నాయి.
బుల్లితెరలో మాస్టర్ చెఫ్ అనే ప్రోగ్రాంలో ఆయన ఆసక్తికరమైన విషయాలను వెల్లడించారు. విజయ్ సేతుపతి తన కెరీర్ ప్రారంభంలో ఎన్నో కష్టాలు పడ్డారు. సైడ్ కారెక్టర్లు చేసే స్థాయి నుంచి ఇండియన్ స్టార్ గా ఎదిగారాయన. చదువు కునే సమయంలో ఆర్దిక ఇబ్బందులు ఉండటంతో పార్ట్ టైం ఉద్యోగాలు చేసుకుని జీవనం సాగించారట.కుటుంబ పోషణ కోసం కొన్నాళ్లు ఫాస్ట్ఫుడ్ సెంటర్లో పనిచేసినట్లు తెలిపారు.
చెన్నైలో చదువుకునే సమయంలో కాలేజీ అయిపోయాక సాయంత్రం ఏడు గంటల నుంచి రాత్రి 12.30 వరకూ ఫాస్ట్ ఫుడ్ సెంటర్లో పనిచేసేవాడిని. అలా పనిచేసి ప్రతి నెలా రూ.750 జీతం సంపాదించుకున్నాను. మూడు నెలల పాటు టెలిఫోన్ బూత్లో కూడా పనిచేసినట్టు విజయ్ సేతుపతి తెలిపారు. ఇంట్లో తానే స్వయంగా ఉల్లిసమోసా చేసుకొని తింటూ, టీ తాగుతానని చెప్పారు.
అలా ఎన్నో కష్టాలు పడ్డ విజయ్ సేతుపతి ఇప్పుడు ఇండియాలోనే విలక్షణ నటుడు, హీరోల్లో ఒకరిగా తన కంటూ ప్రత్యేకమైన స్థానాన్ని అందుకున్నారు. అభిమానులు మాత్రం ఈ మాటలు విని జీవితంలో కష్టపడిన వారు ఎప్పటికైనా విజయం సాధిస్తారు అంటున్నారు.
