‘లైగర్’ మూవీ ఫస్ట్ రివ్యూ! ఇంతకీ సినిమా ఎలా ఉందంటే..?

సినీ ప్రేక్షకులంతా ప్రస్తుతం విజయ్ దేవరకొండ, పూరి జగన్నాథ్ కాంబినేషన్ లో తెరకెక్కిన ‘లైగర్‘ సినిమా కోసం ఎంతో ఆసక్తిగా ఎదురుచూస్తున్నారు. దాదాపు మూడేళ్ళ తర్వాత పూరి జగన్నాథ్ నుండి వస్తున్న సినిమా ఇది. అయితే.. మిక్స్డ్ మార్షల్ ఆర్ట్స్ బ్యాక్ డ్రాప్ లో విజయ్ దేవరకొండను పాన్ ఇండియా స్థాయిలో పరిచయం చేస్తూ లైగర్ మూవీని తెరకెక్కించాడు పూరి. అందులోనూ టైటిల్ కూడా ఇంటరెస్టింగ్ గానే అనిపించినప్పటికీ.. బాక్సర్ గా విజయ్ ని చూడటం ప్రేక్షకులకు కొత్తగా అనిపించవచ్చు.

ఇక బాలీవుడ్ ప్రొడ్యూసర్ కరణ్ జోహార్ తో కలిసి పూరి జగన్నాథ్, ఛార్మి సంయుక్తంగా నిర్మించిన ఈ సినిమా.. ఆగష్టు 25న ప్రపంచవ్యాప్తంగా రిలీజ్ అవుతోంది. ఇప్పటికే ట్రైలర్, సాంగ్స్ సినిమాపై అంచనాలు భారీగా క్రియేట్ చేశాయి. అలాగే లైగర్ టీమ్ కూడా గ్యాప్ లేకుండా సినిమాను ప్రమోట్ చేస్తోంది. అయితే.. ఏ సినిమా అయినా ముందుగా యూఎస్ఏ లో కాస్త ముందే రిలీజ్ అవుతాయనే సంగతి తెలిసిందే. తాజాగా లైగర్ సినిమా ఫస్ట్ రివ్యూ ఇచ్చాడు ఉమైర్ సంధు. అతని గురించి ప్రేక్షకులకు ప్రత్యేక పరిచయం అక్కర్లేదు.

దుబాయ్ లో ఉంటూ అన్ని సినిమాలకు రివ్యూస్ ఇస్తుంటాడు. ఈ క్రమంలో తాజాగా లైగర్ మూవీ రివ్యూ ఇచ్చాడు. ‘ఈ సినిమాను విజయ్ దేవరకొండ తన భుజాలపై వేసుకొని నడిపించాడు. ఇది పక్కా విజయ్ వన్ మ్యాన్ షో. లైగర్ ఒక సీటిమార్ మాస్ ఎంటర్టైనర్. ముఖ్యంగా స్టంట్స్, డైరెక్షన్ అద్భుతంగా ఉన్నాయి. ఈ సినిమాలో రమ్యకృష్ణ స్పెషల్ ప్యాకేజీ. కాకపోతే స్టోరీ, స్క్రీన్ ప్లే యావరేజ్ గా ఉన్నాయి’ అని చెప్పాడు ఉమైర్ సంధు. అలాగే సినిమాకి 3 పాయింట్స్ రేటింగ్ ఇవ్వడం గమనార్హం.

ప్రస్తుతం ఉమైర్ సంధు ఇచ్చిన లైగర్ ఫస్ట్ రివ్యూ.. సోషల్ మీడియాలో వైరల్ అవుతుంది. మరోవైపు విజయ్ అభిమానులలో లైగర్ పై అంచనాలు తారాస్థాయిలో నెలకొన్నాయి. ఇదిలా ఉండగా.. ఈ సినిమాతో విజయ్ బాలీవుడ్ మార్కెట్ లో అడుగుపెడుతుండగా, అనన్య పాండే హీరోయిన్ గా తెలుగులో పరిచయం అవుతోంది. ఈ సినిమాలో లెజెండరీ బాక్సర్ మైక్ టైసన్ కీలకపాత్రలో నటించారు. ఈ సినిమాకు దాదాపు ఐదుగురు మ్యూజిక్ డైరెక్టర్స్ వర్క్ చేశారు. మరి లైగర్ సినిమాపై మీ అభిప్రాయాలు, అంచనాలను కామెంట్స్ లో తెలియజేయండి.

#Liger is Citii Maar Mass Entertainer. #VijayDeverakonda is One Man Show. He Stole the Show all the way. Terrific Action Stunts & Direction. #RamyaKrishnan is Surprise Package. Story & Screenplay is Average.

⭐⭐⭐

— Umair Sandhu (@UmairSandu) August 23, 2022