ఆస్కార్ రేసులో ‘కాంతార’.. వైరల్ అవుతున్న ప్రొడ్యూసర్ ట్వీట్!

ఈ మధ్యకాలంలో రెగ్యులర్ సినిమాలు కాకుండా కొత్త కంటెంట్ ఉన్న సినిమాలను బాగా ఆదరిస్తున్నారు ప్రేక్షకులు. ముఖ్యంగా కంటెంట్ ఉన్న ప్రయోగాత్మక సినిమాలను నెక్స్ట్ లెవెల్ కి తీసుకెళ్తున్నారు. ఆడియెన్స్ సినిమాలు చూసే విధానం మారిపోయిందని మేకర్స్ కూడా డిఫరెంట్ జానర్స్ లో సినిమాలను తెరపైకి తీసుకొస్తున్నారు. ఏ జానర్ సినిమాలైనా కంటెంట్ కరెక్ట్ గా ఉంటే.. పాన్ ఇండియా వైడ్ హిట్ చేస్తున్నారు. అలా ప్రేక్షకులకు కొత్త కలిగించేలా చాలా సినిమాలు తెరకెక్కుతున్నాయి. రీసెంట్ గా ఆడియెన్స్ కి కొత్త ఫీల్ కలిగించిన సినిమాలలో ‘కాంతార‘ ఒకటి. కన్నడ భాషలో రూపొందిన ఈ సినిమా.. 2022లో బాక్సాఫీస్ ని షేక్ చేసేసింది.

ఇక ప్రస్తుతం కాంతార మూవీ.. ఆస్కార్ పై గురిపెట్టిన సంగతి తెలిసిందే. కన్నడ స్టార్ రిషబ్ శెట్టి నటించి.. దర్శకత్వం వహించిన చిత్రం కాంతార. ఈ సినిమాని హోంబలే ఫిలిమ్స్ బ్యానర్ పై విజయ్ కిరగందుర్ నిర్మించారు. సుమారు రూ. 16 కోట్ల బడ్జెట్ తో తెరకెక్కిన కాంతార.. పాన్ ఇండియాని షేక్ చేస్తూ.. దాదాపు రూ. 400 కోట్లు కలెక్ట్ చేసింది. కర్ణాటకలో పుంజర్లి తెగకు చెందిన భూతకోల, వారి పూజ్యదైవం వరాహమూర్తి కథాంశంతో ఈ కాంతార సినిమాను రూపొందించారు. మొదటగా కన్నడ వరకే విడుదలైన కాంతార.. బిగ్ సక్సెస్ అవ్వడంతో తెలుగుతో పాటు హిందీ, తమిళ, మలయాళం భాషల్లోకి డబ్ చేసి రిలీజ్ చేశారు.

అలా విడుదలైన అన్నిచోట్లా పాజిటివ్ టాక్ సొంతం చేసుకొని అత్యధిక లాభాలు రాబట్టింది. ఇప్పుడీ సినిమాని ఆస్కార్ బరిలో నిలిపేందుకు నిర్ణయించుకున్నారు నిర్మాతలు. జనవరి 24న 95వ ఆస్కార్ అవార్డుల నామినేషన్స్ ని ప్రకటించబోతున్నారు. ఈ నేపథ్యంలో కాంతార సినిమాని కూడా ఆస్కార్ లిస్టులో చేర్చాలని అకాడమీకి అప్లికేషన్ పంపించారు కాంతార నిర్మాతలు. తాజాగా కాంతార మూవీ ఆస్కార్ నామినేషన్స్ కి రెండు కేటగిరీలలో అర్హత పొందిందని ప్రొడ్యూసర్ విజయ్ కిరగందుర్ ప్రకటించారు. అలాగే ఈ సినిమా ఆస్కార్ కి క్వాలిఫై అయ్యిందని చెబుతూ.. సపోర్ట్ చేసిన అందరికీ థ్యాంక్స్ చెప్పారు.

ఇదిలా ఉండగా.. ప్రస్తుతం కాంతార.. బెస్ట్ ఫిల్మ్, బెస్ట్ యాక్టర్ కేటగిరిలలో ఆస్కార్ కి క్వాలిఫై అయిన విషయం ఇండస్ట్రీలో హాట్ టాపిక్ గా మారింది. దీంతో ఫ్యాన్స్ అంతా ఆనందం వ్యక్తం చేస్తున్నారు. ఇక రిషబ్ శెట్టి హీరోగా నటించి రూపొందించిన ఈ మిస్టరీ థ్రిల్లర్ లో సప్తమి గౌడ హీరోయిన్ గా నటించింది. ఇక మ్యూజిక్ డైరెక్టర్ అజనీష్ లోకనాథ్.. సినిమాలో వరాహ రూపం సాంగ్, బ్యాక్ గ్రౌండ్ మ్యూజిక్ తో సినిమాని నెక్స్ట్ లెవెల్ కి తీసుకెళ్లాడు. మరోవైపు కాంతారకి సీక్వెల్ కూడా రాబోతుంది. మరి కాంతార మూవీ.. ఆస్కార్ రేసులో నిలవడంపై మీ అభిప్రాయాలను కామెంట్స్ లో తెలియజేయండి.

We are overjoyed to share that ‘Kantara’ has received 2 Oscar qualifications! A heartfelt thank you to all who have supported us. We look forward to share this journey ahead with all of your support. Can’t wait to see it shine at the @shetty_rishab #Oscars #Kantara #HombaleFilms

— Hombale Films (@hombalefilms) January 10, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.