OTTలో ప్రేక్షకులను నిరాశ పరిచిన ‘కాంతార’! షాకింగ్ ట్విస్ట్ ఏంటంటే?

గత కొన్ని రోజులుగా భారతదేశ చిత్ర పరిశ్రమలో మారుమ్రోగిపోతున్న పేరు ‘కాంతార’. రీసెంట్ గా వచ్చిన పాన్ ఇండియా చిత్రాలను సైతం వెనక్కి నెట్టి.. భారీ వసూళ్లతో దూసుకెళ్తోంది కాంతార. ఇప్పటికే ప్రపంచ వ్యాప్తంగా రూ. 400 కోట్ల రూపాయలను కొల్లగొట్టి, మరిన్ని రికార్డుల వైపు దూసుకెళ్తోంది. ఈ క్రమంలోనే కాంతార సినిమాని థియేటర్లలో చూడటం మిస్ అయిన ప్రేక్షకులు.. ఎప్పుడెప్పుడు ఓటీటీలోకి వస్తుందా అని ఎదురుచూడసాగారు. వారు ఎదురు చూపులు ఫలించి గురువారం (నవంబర్ 24) నుంచి ప్రముఖ ఓటీటీ సంస్థ అయిన అమెజాన్ ప్రైమ్ లో స్ట్రీమింగ్ అవుతోంది. అయితే ఈ సినిమాని ఓటీటీలో చూసిన ప్రేక్షకులు తీవ్ర నిరాశకు గురౌతున్నారు. అదేంటి థియేటర్లో చూసి బాగుందన్న వారే ఇప్పుడు ఎందుకు బాగోలేదు అంటున్నారు అనుకుంటున్నారా? దానికీ ఓ కారణం ఉంది. అదేంటంటే?

‘కాంతార’.. హీరో రిషబ్ శెట్టి స్వీయ దర్శకత్వంలో తెరకెక్కిన చిత్రం. కన్నడలో చిన్న చిత్రంగా విడుదలైన ఈ చిత్రం ఇప్పుడు ప్రపంచ వ్యాప్తంగా భారీ వసూళ్లతో దుమ్మురేపుతోంది. విడుదలైన అన్ని భాషల్లోనూ ప్రేక్షకుల మనసు దోచుకుంది కాంతార. మరీ ముఖ్యంగా ఈ సినిమాకు ప్రాణం పోసింది అంటే బ్యాగ్రౌండ్ మ్యూజిక్ అండ్ వరాహా రూపం సాంగ్ అనే చెప్పాలి. కాంతార BGM ఎంతలా ప్రేక్షకుల్లోకి వెళ్లింది అంటే.. ఎక్కడ చూసినా ఆ పాటే, ఆ బ్యాగ్రౌండ్ మ్యూజిక్కే సెల్ ఫొన్స్ లలో వినిపిస్తోంది. దాంతో కాంతార ఎప్పుడెప్పుడు ఓటీటీలోకి వస్తుందా అని కళ్లు కాయలు కాచేలా ఎదురు చూశారు ప్రేక్షకులు. ఎట్టకేలకు గురువారం నవంబర్ 24 నుంచి అమెజాన్ ప్రైమ్ వేదికగా స్ట్రీమింగ్ ప్రారంభం అయ్యింది కాంతార. కానీ ఎంతో ఆశగా ఎదురుచూసిన ప్రేక్షకులు చాలా నిరాశకు గురైయ్యారు. అందుకు ప్రధాన కారణం.. కాంతారలో ఉన్న సౌండ్ ఎఫెక్ట్స్, వరాహా రూపం సాంగ్, ఆ అరుపులు ఓటీటీ రిలీజ్ లో కనిపించకపోవడమే.

Audience upset with the new version of #Varaharoopam song that is being played on the Amazon Prime. #Kantara. #KantaraOnPrime. pic.twitter.com/rRtisIv1io

— Streaming Updates (@OTTSandeep) November 24, 2022

అవును కాంతార మ్యూజిక్ ను పూర్తిగా మార్చేశారు మేకర్స్. వరాహా రూపం సాంగ్ ప్రేక్షకులను ఏ స్థాయిలో మంత్రముగ్దుల్ని చేసిందో ప్రత్యేకంగా చెప్పక్కర్లేదు. ఇంత గొప్ప పాటను ఎందుకు మార్చేశారో అభిమానులకు అర్దం కావడం లేదు. థియేటర్లో చూసిన ప్రేక్షకులు ఓటీటీలో ఈ చిత్రాన్ని చూసి.. తీవ్ర నిరాశకు గురౌతున్నారు. ఏ సినిమాకైనా ఆయువు పట్టు సంగీతమే. పాటలు, బ్యాగ్రౌండ్ స్కోర్ అద్బుతంగా ఉంటే ప్రేక్షకులను విపరీతంగా ఆకట్టుకుంటుంది ఆ సినిమా. ఈ మధ్య కాలంలో అలాంటి పాట, అలాంటి BGM ఉన్న సినిమా కాంతార. ప్రేక్షకులకు నచ్చిన అంశాలనే మార్చడంతో వారు ఒక్కింత నిరాశకు లోనౌతున్నారు. అయితే వరాహా రూపం పాటపై కాపీ రైట్ యాక్ట్ రావడంతోనే ఈ పాటను మార్చినట్లు తెలుస్తోంది. థియేటర్లలో బ్లాక్ బస్టర్ అయిన కాంతార ఓటీటీలో ఏ మేరకు రాణిస్తుందో వేచి చూడాలి.

#Kantara is now streaming on an #OTT platform without the controversial #VarahaRoopam song. This has evoked mixed response from the audience as many feel the song sets the tone for the climax. Kantara without Varaha Roopam is like… Tell us in the comments below. pic.twitter.com/pJg7TtgCKE

— Bangalore Times (@BangaloreTimes1) November 24, 2022

@shetty_rishab please bring back #varaharoopam song, disappointed with the ott version!!! #KantaraOnPrime
This songs and the bgm hits very hard because of this we went for the theatres for many times now they not having this version Big disappointment💔#Kantara #KantaraMovie pic.twitter.com/uo2sLJuRKT

— ChaRRRan_tarak (@Charan06740540) November 23, 2022