షారుఖ్ ధరించిన ఈ వాచ్ అన్ని కోట్లా..?

బాలీవుడ్ బాద్ షా షారూఖ్ ఖాన్ నటించిన తాజా చిత్రం పఠాన్. గత నెల 25న విడుదలైన ఈ సినిమా ఎంతటి ఘన విజయాన్ని సాధించిందో అందరికీ తెలుసు. బ్లాక్ బస్టర్ మొహం చూసి చాలా ఏళ్లైన బాలీవుడ్ కు ఈ సినిమా మంచి వసూళ్లను రాబట్టి.. రాబోయే సినిమాలపై ఆశలు నెలకొల్పింది. ప్రపంచ వ్యాప్తంగా ఈ సినిమా సుమారు రూ.900 కోట్లను రాబట్టినట్లు సమాచారం. అయితే ఈ సినిమా విజయం పట్ల ఈ సినిమా టీం అంతా సంబరాలు చేసుకుంటున్నారు. ఇటీవల పఠాన్ సక్సెస్ ఈవెంట్ ను నిర్వహించగా.. షారుఖ్, దీపికా పడుకునే పాల్గొన్నారు. అయితే ఆ సమయంలో షారూఖ్ వేసుకున్న డ్రస్ తో చేతికి పెట్టుకున్న బ్లూ వాచ్ కూడా ఆకర్షణీయంగా కనిపించింది.

కాగా, ఇటీవల తన స్కీన్ కేర్ రోటిన్‌కి సంబంధించి దీపికా ఓ వీడియోను తన ఇన్‌స్టా‌గ్రామ్‌లో షేర్ చేశారు. అందులో షారూఖ్ కూడా కనిపించారు. ఆ వీడియోలో ఈ వాచ్ ధరించడంతో అందరీ దృష్టి దానిపై పడింది. వీడియోలో తెల్లని టీ షర్ట్ లో దర్శనమిచ్చారు. ఇప్పుడు ఈ వాచ్ ఎంత అనే దానిపై నెటిజన్లు వెతకడం మొదలు పెట్టారు. డైట్ సబ్యా అనే ఇన్‌స్టా‌గ్రామ్‌ ఖాతాలో కూడా ఈ వాచ్ ఎంత అంటూ ప్రశ్నలు రాగా, అడెమర్స్ పిగెట్ అనే లగ్జరీ వాచ్ బ్రాండ్ కు చెందినది అని సమాధానం ఇచ్చింది. దానితో పాటు ఓ స్క్రీన్ షాట్‌ను జత చేసింది.

దీని ప్రకారం ఈ వాచ్ ధర రూ. 4.98 కోట్లు. కాగా, షారూఖ్ కు రూ. 200 కోట్లు విలువ చేసే ఇల్లు మన్నత్ తో పాటు బీఎండబ్ల్యూ 7, బీఎండబ్ల్యూ 6 సిరీస్ కార్లు ఉన్న సంగతి తెలిసిందే. ఆయనకు ఢిల్లీలో కూడా ఓ విలాసవంతమైన బంగ్లా ఉంది. షారూఖ్.. పఠాన్ విజయాన్ని ఎంజాయ్ చేస్తున్నారు. ప్రస్తుతం తమిళ దర్శకుడు అట్లీ తెరకెక్కిస్తున్నజవాన్ చిత్రీకరణలో పాల్గొంటున్నారు. ఈ సినిమాలో నయనతార హీరోయిన్ గా నటిస్తుండగా, విజయ్ సేతుపతి నెగిటివ్ రోల్ లో నటిస్తున్నారు. ఈ సినిమా అన్ని అనుకున్నట్లే జరిగితే ఈ ఏడాది జూన్ లో విడుదల అవుతుంది. షారూఖ్  నటించిన సినిమాల్లో మీకు ఏ సినిమా ఇష్టమో కామెంట్ల రూపంలో తెలియజేయండి.

 

View this post on Instagram

 

A post shared by Deepika Padukone (@deepikapadukone)