follow us:
ఇండియన్ సినీ ఇండస్ట్రీలో ప్రస్తుతం ట్రెండ్ అవుతున్న నిర్మాణ సంస్థ ఏదైనా ఉందంటే.. కేజీఎఫ్ ఫేమ్ హోంబలే ఫిలిమ్స్ అనే చెప్పాలి. బాక్సాఫీస్ వద్ద కేజీఎఫ్ సినిమా సృష్టించిన ప్రభంజనం అలాంటిది మరి. రాకింగ్ స్టార్ యష్ హీరోగా ప్రశాంత్ నీల్ తెరకెక్కించిన ఈ భారీ యాక్షన్ చిత్రాన్ని హోంబలే బ్యానర్ పై విజయ్ కిరగందుర్ నిర్మించారు. ఇప్పుడు సాధించిన విజయాలతో హోంబలె బ్యానర్ కాస్త కేజీఎఫ్ చిత్రాల నిర్మాణ సంస్థగా చెప్పుకుంటున్నారు.
తాజాగా ఈ ట్రెండింగ్ నిర్మాణ సంస్థ మరో కొత్త సినిమా అనౌన్స్ చేసింది. అదికూడా తెలుగు రాష్ట్రాలకు చెందిన స్టార్ లేడీ డైరెక్టర్ సుధా కొంగరతో కొత్త సినిమా చేయనున్నట్లు నిర్మాత విజయ్ కిరగందుర్ అధికారికంగా ప్రకటించారు. అయితే.. దర్శకురాలిగా సుధా కొంగర మార్క్ గురించి ప్రేక్షకులకు తెలిసిందే. నిజజీవిత కథలను.. తెరపై అంతే నేచురల్ గా, ఎమోషనల్ గా చూపించగల ప్రతిభావంతురాలు. ఆమె చివరిగా హీరో సూర్యతో ‘ఆకాశమే నీ హద్దురా’ సినిమా చేసి మంచి విజయాన్ని అందుకుంది.
ఇక ఇప్పుడు తదుపరి సినిమాను హోంబలే ఫిలిమ్స్ బ్యానర్ లో చేయనుంది. అయితే.. నిర్మాణంలో వెనకాడని హోంబలే బ్యానర్ లో సుధా కొంగర సినిమా అనగానే ఫ్యాన్స్ లో అంచనాలు మొదలైపోయాయి. ఆకాశమే హద్దురా సినిమాతోనే సుధా క్రేజ్ అమాంతం అలా పెరిగిపోయింది. ఎప్పుడెప్పుడు సుధాతో సినిమా చేద్దామా అని స్టార్ హీరోలు సైతం వెయిట్ చేస్తున్నారు. ఈ క్రమంలో హోంబలే వారు కొత్త సినిమా అనౌన్స్ చేసేసరికి ఫ్యాన్స్ సర్ప్రైజ్ గా ఫీల్ అవుతున్నారు. మరి ఈ కొత్త సినిమాకు సంబంధించి హీరోహీరోయిన్, సాంకేతిక నిపుణుల డీటెయిల్స్ త్వరలోనే ప్రకటించనున్నారు. మరి డైరెక్టర్ సుధా కొంగర – హోంబలే ఫిలిమ్స్ కాంబినేషన్ పై మీ అభిప్రాయాలను కామెంట్స్ లో తెలియజేయండి.
𝐒𝐨𝐦𝐞 𝐭𝐫𝐮𝐞 𝐬𝐭𝐨𝐫𝐢𝐞𝐬 𝐝𝐞𝐬𝐞𝐫𝐯𝐞 𝐭𝐨 𝐛𝐞 𝐭𝐨𝐥𝐝, 𝐚𝐧𝐝 𝐭𝐨𝐥𝐝 𝐫𝐢𝐠𝐡𝐭.
To a new beginning with a riveting story @Sudha_Kongara, based on true events.@VKiragandur @hombalefilms @HombaleGroup pic.twitter.com/mFwiGOEZ0K
— Hombale Films (@hombalefilms) April 21, 2022
