నో డౌట్.. టాలీవుడ్ టాప్ హీరోయిన్ శ్రీలీలే.. దగ్గర్లో ఒక్కరూ లేరుగా!

ఏ రంగంలోనైనా సరే నంబర్ వన్ ఎవరు, టాప్​ ప్లేస్​లో ఎవరు ఉన్నారనే దానిపై పెద్ద చర్చే నడుస్తూ ఉంటుంది. అది క్రీడలు కానివ్వండి, వ్యాపార రంగం కానివ్వండి. చిత్రసీమ కూడా దీనికి మినహాయింపేమీ కాదు. నంబర్ వన్ ప్లేసులో ఉన్నవారికి ఉండే క్రేజ్, పాపులారిటీ వేరు కదా. రెమ్యూనరేషన్ కూడా అదే రేంజ్​లో ఉంటుంది. అందుకే నటీనటులు ఆ స్థాయికి, స్థానానికి చేరుకునేందుకు కష్టపడుతుంటారు. ఇక, టాలీవుడ్​లో టాప్ హీరో హీరోయిన్ ఎవరంటే చెప్పలేని పరిస్థితి. నిన్నమొన్నటి వరకు అనుష్క, తమన్నా ఆ తర్వాత సమంత, పూజా హెగ్డే.. ఇలా టాప్ హీరోయిన్స్​గా కొనసాగుతూ వచ్చారు. కానీ అనుష్క సినిమాలు తగ్గించేశారు. తమన్నా బాలీవుడ్​ మీద ఫోకస్ పెడుతున్నారు.

మయోసైటిస్​తో బాధపడుతున్న సమంత.. ఒకప్పటిలా తెలుగులో మూవీస్ చేయడం లేదు. ఆమె కూడా బాలీవుడ్​పై దృష్టి సారిస్తున్నారు. పూజా హెగ్డేకు ఈమధ్య ఏదీ కలసి రావడం లేదు. ఆమె నటించిన మూవీస్ కొన్ని పరాజయం పాలయ్యాయి. పూజ చేతిలో క్రేజీ ప్రాజెక్టులు కూడా ఎక్కువగా లేవు. దీంతో టాలీవుడ్​లో ఒకరకంగా టాప్ హీరోయిన్ పొజిషన్ ఖాళీగా ఉందనే చెప్పాలి. ఈ నేపథ్యంలో ఒక భామ మాత్రం తానున్నానని.. వరుస ప్రాజెక్టులతో ఆ పొజిషన్​ను చేజిక్కించుకునేందుకు దూసుకొస్తోంది. ఆమె మరెవరో కాదు.. శ్రీలీల. ఆమె లైనప్ చూస్తే ఎవరైనా ఇది ఒప్పుకోవాల్సిందే.

హీరో శ్రీకాంత్ తనయుడు రోషన్ సరసన నటించిన ‘పెళ్లిసందD’తో టాలీవుడ్ ఎంట్రీ ఇచ్చిన శ్రీలీలకు.. ఆ చిత్రం మంచి పేరు తీసుకొచ్చింది. ముఖ్యంగా ఆమె డ్యాన్సులకు ప్రేక్షకుల నుంచి అప్లాజ్ లభించింది. దీంతో ఆమెకు మాస్ మహారాజా రవితేజ సరసన నటించే ఛాన్స్ దక్కింది. వీళ్లు జోడీగా యాక్ట్ చేసిన ‘ధమాకా’ గతేడాది ఆఖర్లో రిలీజై బ్లాక్ బస్టర్​గా నిలిచింది. రవితేజ జోష్​కు ఏమాత్రం తగ్గకుండా డ్యాన్సులు, యాక్టింగ్​తో శ్రీలీల అదరగొట్టింది. దీంతో ఆమెకు వరుస అవకాశాలు క్యూ కడుతున్నాయి. శ్రీలీల చేతిలో ఒకటి కాదు, రెండు కాదు.. ఏకంగా 9 ప్రాజెక్టులు ఉన్నాయి.

సూపర్ స్టార్ మహేష్ బాబు-త్రివిక్రమ్ కాంబోలో తెరకెక్కుతున్న చిత్రంలో మెయిన్ హీరోయిన్​గా పూజా హెగ్డే నటిస్తుండగా.. మరో కథానాయికగా శ్రీలీల యాక్ట్ చేస్తోంది. అలాగే పవర్ స్టార్ పవన్ కల్యాణ్ సరసన ‘ఉస్తాద్ భగత్​ సింగ్​’లోనూ ఒక హీరోయిన్​గా యాక్ట్ చేస్తోందీ మిల్కీ బ్యూటీ. బాలకృష్ణ ఎన్​బీకే108లో ఆయనకు కూతురిగా కీలక పాత్రలో కనిపించనుంది. మెయిన్ హీరోయిన్​గా బోయపాటి-రామ్ పోతినేని మూవీ, నితిన్ కొత్త సినిమాల్లో నటిస్తోంది. అలాగే వైష్ణవ్ తేజ్ తర్వాతి శ్రీలీలే హీరోయిన్​గా అలరించనుంది. యంగ్ టైగర్ జూనియర్ ఎన్టీఆర్ సరసన యాక్ట్ చేసే ఛాన్స్​నూ ఆమె కొట్టేసింది. అలాగే రౌడీ స్టార్ విజయ్ దేవరకొండ తర్వాతి మూవీలోనూ శ్రీలీలే హీరోయిన్​గా కనిపించనుంది. ఆమె నటిస్తున్న ఈ చిత్రాల్లో మ్యాగ్జిమమ్ హిట్టయితే..  టాలీవుడ్​లో నంబర్ వన్ పొజిషన్ ఆమెదేనని సినీ విశ్లేషకులు అంటున్నారు.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.