ఇటు ‘మెగాస్టార్’ – అటు ‘హర్యానా హరికేన్’ – సినీ క్రీడాభిమానులకు కన్నుల పండగ!!.

మెగాస్టార్ చిరంజీవి త‌న జీవితంలో ప‌డ్డ క‌ష్టాలు అన్నీ ఇన్నీ కావు. స్వ‌యంకృషితో ఉన్న‌త స్థాయికి ఎదిగిన చిరు ఇప్పుడు ఎంద‌రికో ఆద‌ర్శం అయ్యారు. క‌ష్టం విలువ తెలిసిన చిరు ఎవరికి ఏ క‌ష్టం వ‌చ్చిన‌ త‌ప్ప‌క సాయం చేస్తుంటారు. క‌రోనా స‌మ‌యంలో ఎన్నో సాయాలు చేసిన చిరంజీవి ఇటీవ‌ల ఆక్సిజ‌న్ కాన్స‌న్‌ట్రేట‌ర్స్ కూడా అందించారు.   చిరంజీవి కేంద్ర మంత్రిగా కూడా ప‌ని చేయ‌డంతో ఆయ‌న‌కు దేశ వ్యాప్తంగా ఉన్న ప్ర‌ముఖుల‌తో ప‌రిచయాలు ఎక్కువే.  భారతదేశానికి తొలి ప్రపంచకప్‌ను అందించిన దిగ్గజ క్రికెటర్  1983లో జరిగిన ప్రపంచకప్‌లో భారత జట్టుకు కెప్టెన్‌గా ఉన్న కపిల్ టీమ్‌ని విజయ తీరాలకు చేర్చారు.  కెప్టెన్‌గా భారత్‌కు ఆయన మరెన్నో మరుపులేని విజయాలు అందించారు.  కపిల్‌దేవ్‌  మెగాస్టార్ రీసెంట్ గా ఫలక్ నుమా ప్యాలస్ లో  కలుసుకోవడం ఎంతో ప్రాధాన్యతని సంతరించుకుంది.

ఫలుక్‌నామా ప్యాలెస్‌లో జరిగిన ఓ సమావేశంలో కపిల్‌దేవ్‌ను మెగాస్టార్ కలిశారు. మెగాస్టార్ భార్య సురేఖ కూడా ఈ సమావేశంలో పాల్గొన్నారు. ఇందుకు సంబంధించిన ఫోటోలను చిరంజీవి ట్విట్టర్ ద్వారా షేర్ చేశారు. ‘నా పాత మిత్రుడు కపిల్‌దేవ్‌ను చాలా కాలం తర్వాత ఫలుక్‌నామా ప్యాలెస్‌లో కలుసుకోవడం ఎంతో సంతోషంగా ఉంది. ఇది ఎంతో ప్రత్యేకమైన రోజు.  ఆ రోజులను గుర్తు చేసుకున్నాను. ఆయన మనకు మొదటి ప్రపంచకప్‌ అందించిన హర్యానా హరికేన్’ అంటూ మెగాస్టార్‌ ట్వీట్‌ చేశారు.

చిరు ఇంట్రెస్టింగ్ ట్వీట్ మీకోసం: 

Wonderful meeting my old friend @therealkapildev after a long time. The exquisite #FalaknumaPalace setting made it even more special. Travelled back in time at multiple levels & Fondly recalled old memories.He is very much the #HaryanaHurricane who won us our #FirstWorldCup pic.twitter.com/Y4Ezfhp65j

— Chiranjeevi Konidela (@KChiruTweets) August 29, 2021