చిరంజీవి మూవీ షూటింగ్ లో బాలకృష్ణ! ఓల్డ్ పిక్ వైరల్!

సాధారణంగా సినీ సెలబ్రిటీలకు సంబంధించి ఏ కొత్త విషయమైనా అభిమానులకు సర్ప్రైజింగ్ గానే ఉంటాయి. అందులోను తమ అభిమాన తారలకు సంబంధించి పాత పిక్ దొరికినా ఇప్పుడు సోషల్ మీడియాలో ట్రెండ్ అయిపోతున్నాయి. టాలీవుడ్ లో ఎన్నో ఏళ్లుగా స్టార్డమ్ ని చవిచూస్తున్న సీనియర్ హీరోలు మెగాస్టార్ చిరంజీవి, నందమూరి బాలకృష్ణ. వీరితో పాటు ఇంకా చాలామంది ఉన్నారు. అయితే.. బాక్సాఫీస్ వద్ద ఎక్కువ రసవత్తరంగా ఉండే కాంబినేషన్ ఏదంటే ముందుగా వీరిద్దరి పేర్లే వినిపిస్తాయి. ఇప్పటికే ఓవైపు చిరంజీవి వాల్తేరు వీరయ్య.. మరోవైపు బాలకృష్ణ వీరసింహా రెడ్డి సినిమాలు ఒకేసారి రిలీజ్ కాబోతున్నాయి.

ఇప్పుడు మెగా ఫ్యాన్స్.. నందమూరి ఫ్యాన్స్ అంతా వచ్చే ఏడాది సంక్రాంతికి వీరి సినిమాల పోరు ఎలా ఉండబోతుందోనని వెయిట్ చేస్తున్నారు. ఈ క్రమంలో చిరంజీవి, బాలకృష్ణలకు సంబంధించి ఓ ఓల్డ్ పిక్ సోషల్ మీడియాలో దర్శనమిచ్చింది. ఆ పిక్ లో చిరు, బాలయ్య ఇద్దరూ కూడా ఏదో సీరియస్ గా డిస్కస్ చేస్తున్నట్లు కనిపిస్తుంది. తాజా సమాచారం.. ఆ ఫోటో ఘరానా మొగుడు ఫస్ట్ డే షూటింగ్ సమయంలో తీసినట్లు తెలుస్తోంది. ఎందుకంటే.. ఘరానా మొగుడు సినిమా ఓపెనింగ్ కి బాలకృష్ణ గెస్ట్ గా హాజరయ్యాడు. అదీగాక ఫస్ట్ షాట్ నే దర్శకుడు రాఘవేంద్రరావు.. శోభనం గది సీన్ షూట్ చేశాడని చెబుతున్నారు.

ఆ సమయంలోనే బాలకృష్ణ.. షూట్ లో ఉన్న చిరుని అక్కడే కలిసి మాట్లాడినట్లు సినీవర్గాల సమాచారం. ఫోటో చూసినట్లయితే.. శోభనం కాస్ట్యూమ్ లో చిరు.. బ్లాక్ ప్యాంటు షర్టులో బాలకృష్ణ అప్పటి యంగ్ లుక్ లో కనిపిస్తున్నారు. ప్రస్తుతం చిరు, బాలయ్యలకు సంబంధించి ఈ ఓల్డ్ పిక్ నెట్టింట తెగవైరల్ అవుతోంది. ఇక సినిమాల పరంగా పోటీ ఉన్నప్పటికీ.. బాలయ్య, చిరు బయట ఎంత స్నేహంగా ఉంటారో ప్రత్యేకంగా చెప్పక్కర్లేదు. అప్పుడప్పుడు ఇలాంటి త్రోబ్యాక్ ఫోటోలు అభిమానులకు ట్రీట్ ఇస్తూ ఉంటాయి. సో.. చూడాలి మరి చిరు, బాలయ్య ఫ్యాన్స్ రాబోయే సినిమాలను ఎలా ఆదరిస్తారో!

ఘరానా మొగుడు ఓపెనింగ్ కు వచ్చిన బాలయ్యతో చిరు ముచ్చట్లు 💝 @KChiruTweets pic.twitter.com/P208YvrRr5

— Ravindranath Sriraj (@ravindraraj11) November 7, 2022

#GharanaMogudu
Opening Shot Clap by Balakrishna Garu https://t.co/6uRM83yBwW pic.twitter.com/C6vTUx9T4W

— MovieLand® (@Movieland5K) November 7, 2022