ఈసారి మిస్ అవ్వదు.. బ్లాక్ బస్టర్ పక్కా.. ఎందుకంటే అక్కడున్నది మామూలోడు కాదు..

మెగాస్టార్ చిరంజీవి.. కథానాయకుడుగా, తమన్నా హీరోయిన్ గా మెహర్ రమేష్ దర్శకత్వంలో తెరకెక్కిన సినిమా భోళా శంకర్. ఈ నెల 11న థియేటర్లలోకి వచ్చిన ఈ చిత్రం జనాల అంచనాలను అందుకోలేకపోయింది. తమిళ వేదాళం సినిమాను తెలుగులో రీమేక్ చేసి రిలీజ్ చేశారు. అక్కడ హిట్ అయిన సినిమా ఇక్కడి తెలుగు జనాలను మెప్పించలేకపోయింది. మెగా ఫ్యాన్స్ అయితే ఈ సినిమా మీద భారీ అంచనాలు పెట్టుకున్నారు. కానీ దాన్ని ఏ మాత్రం అందుకోలేకపోయింది. అయితే తాజాగా మెగాస్టార్ చిరంజీవి పుట్టిన రోజు సందర్భంగా ఓ సినిమా అప్ డేట్ వచ్చేసింది. దీంతో ఫ్యాన్స్ సోషల్ మీడియాలో ట్రెండ్ చేస్తున్నారు. మరో రీమేక్ సినిమాతో వస్తారేమో అనుకున్నారంతా కానీ కొత్త కథతో వస్తున్నట్లు ఈ పోస్ట్ లో క్లియర్ గా కనిపిస్తుంది. ఫ్యాన్స్ అయితే అన్నయ్య ఇన్ని రోజులకు సరైన సినిమా చేస్తున్నాడు, ఇక పూనకాలు లోడింగ్ అంటూ.. యమ హంగామా చేస్తున్నారు మెగా అభిమానులు. ఇక అసలు విషయానికి వస్తే..

చిరంజీవి పుట్టినరోజు సందర్భంగా యువీ క్రియేషన్స్ ఓ పోస్టర్ ను రిలీజ్ చేసింది. ఇందులో పంచభూతాల కాన్సెప్ట్‌‌ కథతో సినిమా ఉండబోతుందని ఈ పోస్టర్లో క్లారిటీగా కనిపిస్తుంది. మరి దీనికి డైరెక్టర్ ఎవరు అనుకుంటున్నారా? కళ్యాణ్ రామ్ కి “బింబిసార” లాంటి హిట్ ఇచ్చిన కొత్త దర్శకుడు వశిష్ట ఈ మూవీ డైరెక్టర్ గా చేయబోతున్నాడు. మొదటి సినిమాతోనే పీరియాడిక్ సోషియో ఫాంటసీ డ్రామా సినిమా చేయడం రిస్క్ అంటే ఆ రిస్క్ తోనే డబుల్ బ్లాక్ బస్టర్ హిట్ కొట్టాడు. వశిష్ట స్క్రిప్ట్ మీద తనకున్న కమాండ్ కి, తక్కువ బడ్జెట్ లో కూడా తను ఇచ్చిన అవుట్ పుట్ కి సినీ అభిమానులంతా ఫిదా అయ్యారు. ఇలాంటి దర్శకుడితో చిరు నెక్స్ట్ సినిమాని అనౌన్స్ చేశాడు. చాలా రోజులుగా వీరి కాంబోలో సినిమా ఉంటుందని వస్తున్న వార్తలను నిజం చేస్తూ..

మెగాస్టార్ బర్త్ డే రోజున ఈ ప్రాజెక్ట్ ను అఫీషియల్ గా అనౌన్స్ చేశారు. ఈ కథ పంచభూతాల చుట్టూ తిరుగుతుందని పోస్టర్ చెప్పకనే చెప్పారు. అయితే వరుస పెట్టి రీమేక్స్ చేస్తున్న తరుణంలో ఇలాంటి స్ట్రెయిట్ సినిమా అభిమానులకి ఫుల్ మీల్స్ పెట్టడం గ్యారంటీ. మెగా అభిమానులైతే పండుగ చేసుకుంటున్నారు. ఇక చిరంజీవి పుట్టినరోజు సందర్భంగా.. అల్లు అర్జున్, పవన్ కళ్యాణ్, తమన్ , ఎన్టీఆర్, రవితేజ, సాయి ధరమ్ తేజ్, అనిల్ రావిపూడి, బాబీ, సాయి కుమార్, కొరటాల శివ, సురేందర్ రెడ్డి, మారుతి, శ్రీను వైట్ల, దిల్ రాజు, సుకుమార్, గోపీచంద్ మలినేని, లావణ్య త్రిపాఠి, కీర్తి సురేష్, తమన్నా వంటి వాళ్ళు శుభాకాంక్షలు తెలిపారు. మరి మీరు కూడా బాస్ కి జన్మదిన శుభాకాంక్షలు తెలియజేయండి.

My heartfelt thanks to the MIGHTY MEGASTAR @KChiruTweets garu for believing me and giving me the chance to present you on BIG screens🙏🏻

Wishing the BOSS of Masses a very happy birthday!🌟

Here’s the concept poster of #MEGA157 – MEGA MASS BEYOND UNIVERSE 🔥

More details soon!… pic.twitter.com/oA0rg3g5Zn

— Vassishta (@DirVassishta) August 22, 2023